foie de capuzo per le sarme

[kalvus]

Qualchedun sa dove posso trovar foie de capuzo cotte per far le sarme ? (forsi andassi ben anche capuzi intieri za cotti...)

Grassie.

[babatriestina]

Perdincibacco, Kalvus, te me metti in crisi. Cossa xe le sarme?
Ma no xe che te pol cior i capuzzi e cusinarte le foie? se xe come le foie de verza che me fazzo i involtini de verza..

[kalvus]

Perdincibacco, Kalvus, te me metti in crisi. Cossa xe le sarme?
Ma no xe che te pol cior i capuzzi e cusinarte le foie? se xe come le foie de verza che me fazzo i involtini de verza..

Si', xe tipo le foie de verza, ma i me disi che xe meio se se le trova za pronte perche' le xe abbastanza delicate...

Copio e incolo la riceta da un altro forum che go trova'..
In ogni caso xe una riceta serba...
Dunque...
"4 persone circa:
1/4 carne masinada, te pol missiar anche una luganiga de porco in mezzo
1 pugno de riso
1 cipolla piccola tritada rosolada
1 presa de pevere
1 presa de sal
1 ovo
1 patata cruda grattada

te misii tuti 'sti ingredienti insieme
te verzi el capuzzo e te taii via la costa grossa in mezzo
te ciol una man piena de carne e te la metti nel centro dela foia de capuzzo. col capuzzo che 'vanza, te lo taji a striscie fin fine.
te seri la foia, rodolandola e te chiudi con un stecchin
in una farsora grande te rosoli aio e te meti un guciar de farina, te buti i capuzzi taiadi fini, te meti de sore le sarme. te prepari un poco de conserva,poca, in un bicier de acqua calda e te buti de sora le sarme, te coverzi la pignata e te lassi cusinar per un'ora passada, a fogo lento.
"

[babatriestina]

Go l'idea che xe quel che ma ga fato provar la mia colf serba.. no mal, solo che no soporto el odor de capuzi.
Mi fazo una variante cole verze:
Se ciol una verza, se stacca le foie a crudo e se le buta un per de minuti in una ignata de acqua calda, che le deventi morbide. Se le tira fora cola paletta a busi e se le lassa scolar. Se prepara un missiot de carne masinada con dentro un poco de roba de poco, carne de pocro, persuto, mortadella, luganiga, quel che se ga, un ovo, sal e pevere, se missia tuto in frulator e se meti in ste foie de verza rodolando, no ocori gnanca el stechin se se fa ben.
Se metti in una fersora larga un poco de zivola e un poco de panzetta in oio e burro ( poco! che ormai le fersore xe tute antiaderenti) se se metti a rosolar un per de minuti i involtini, po se zonta passada de pomidoro, acqua che no tachi, se coverzi e se cusina basso per una quarantna de minuti. Bon per el tempo come che xe adesso.
te go riportado la rizeta a memoria, se te vol posso zercar i riferimente giusti. Xe comodo perchè se pol prontar prima e scaldar.

[babatriestina]

L'esperta me disi che se trova al mercato coperto

[kalvus]

GRAZIE all'esperta ! E precisamente trova' de Mase' dentro al mercato coperto ! Grazie ancora !

[Tirabaralla]

Mamma che bontà...*sviene*

[pastafasoi]

mi trovo el capuzzo garbo intiero oltreconfin, basta andar fora de Basovizza , a Corgnal.

[refolo]

Rinfresco sta ricetta...

perche' qua a Melbourne, citta Cosmopolitana, se trova ste foie col rispettivo riso e tanto de missianze in una scatoletta, sufficiente per due persone, non xe per niente Serbo, ma solo tramanda' le ricetta dalla Macedonia.

La mia vicina de casa che la xe Grega, la me ga' dito che perfin Alexander the Great usava magnar ste robe, vegniva impigni' a quei tempi con una frazion de riso, pan ovi, e un pochetto de oio che a quei tempi el vegniva prodotti da certe foie d'albero.

Probabilmente oleose, lori i le magna spesso specialmente per el periodo de Nadal, che quasi ogni anno se femo una differenza de una settimana.

Maria aka refolo