Mancanza di partecipazione al forum

[Nona Picia]

Dove sè finidi tuti? Xe un pochi de giorni che legio poche notizie, d'acordo che gnanche mi no go ssai de contar, ma voi se tuti cussì piacevoli e savè tante robe che me passo el tempo a legerve!
Sper che presto ve fè denovo vivi!
Ciao ciao

[babatriestina]

anche mi me domandavo, po Adler sabato ne ga postado una caterva de roba e ieri gavevimo de far pulizia in giardineto.
Mi ogni tanto me vien de postar, ma po digo che me par che me parlo sola.. presempio, nissun o quasi che ga risposto al sondaggio su Slataper! e ciò , xe un testo che vien sempre citado, Magris e Ara in Trieste ghe ne parla in continuazion, me piaseria saver se i forumisti lo conossi, se ga mai pensado almeno de legerlo.
No ghe xe gnanca nissun comento sula rivoluzion che xe stada in sti giorni ala Triestina, ma per questo mi ve consiglio el SitodeSandro, el forum ( lo trovè nei link amici) dove che i muli segui e comenta a caldo. Se po ve coleghè durante la partida, ghe xe el shoutbox dove che i dà i risultati quasi in tempo reale!

[torziolona]

Alle volte xe solo timidezza. Poi non tutti leggi tutti i libri che ghe vol per parlar de certe robe.

[AdlerTS]

Certe volte anche mi me domando come mai xe poche risposte...
Alla fine me son dito che se comunque la gente leggi volentieri, va ben lo stesso.

Però efetivamente el tuto funzionassi meio se ghe fossi una maggior risposta generale. Nel senso che bastassi una parola per far capir se l'argomento xe interessante o se xe meio cambiar strada.

L'altro giorno go ricevudo via email una richiesta de informazioni: FESTA !
Xe stada una gioia cercar de vignirghe in contro a 'sta persona.
Chi non vol scriver, ne aiuti in questo: mirar i argomenti de magior interesse!

Grazie

[dcobau]

Ghe xe tropi fori su Ts (4-5) per sti 4 gati de frequentatori. Saria bel se se podesi formar un solo con tuti i frequentatori dei altri forum, ma quela xe la vera Utiopia.

saluti

Dave

[babatriestina]

Xe una roba che penso anche mi, anche perchè po co se gira per i forum se trova spesso i stessi frequentatori.
Solo che un solo forum me par anca a mi che saria utopia sul serio perchè xe ancora in giro zente che ragiona " noi" e "lori" in contraposizion.
Però girando fra i forum, vedo che, se alcuni argomenti oviamente xe i stessi, sopratutto quei de attualità, altri invece cambia un poco secondo de come che se specializa el forum.

[Tirabaralla]

Personalmente iero indafarada in "festegiamenti"...co riva i TRENTA la xè dura...

Cmq, in zeneral, sto forum xè pien de robe interesanti, ma no xè tanto "discorsivo"...d'altronde xè una scelta che iuta anca a tignir "pulido" l'ambiente..a xè fazile che epr la magior parte el paia un poco "ostico.

Go doprà trope virgolete

[Nona Picia]

CARI AMICI DE QUESTO FORUM, DOVE SE' FINIDI? QUA NO FEMO DE SICURO 15000 MESSAGGI ENTRO NADAL SE NO VE DE' UNA MOSSA!
E SE SCRIVO SEMPRE MI FINISSI CHE I ME BUTA FORA PER INVADENZA!
CIAO CIAO

PS: XE TANTI I ARGOMENTI CHE SE POL DISCUTER, SENZA RESTAR INCOLLAI ALE SOLITE ROBE!!!!

[Nona Picia]

Adesso sì che me butè fora!!!
ciao ciao

[babatriestina]

Adesso sì che me butè fora!!!
ciao ciao

al massimo te sugerimo de no inciodar el tasto dele maiuscole ! comincia ti a butar là..
ma me sa che qua ghe xe tanta gente che no ga tanto tempo de tacarse al PC, se te vedi, i posta sopratutto ale ore dei pasti, se no de sera. No xe quei che studia/ lavora (?) sul Pc tuto el giorno e che posta a tute le ore del giorno

[AdlerTS]

Certe volte me da de pensar anche a mi, però in realtà vedo che va a periodi

[refolo]

.....FINALMENTE TE LA GA' INTIVADA!!!!!!!!!!!!!!

un pochetto lassemo da parte l'Austria e parlemo dei nostri affari, quei vissudi e quei che ga' de vegnir! ghe xe tante robe interessanti.


Maria aka Refolo

[babatriestina]

un pochetto lassemo da parte l'Austria e parlemo dei nostri affari, quei vissudi e quei che ga' de vegnir! ghe xe tante robe interessanti.

anche ti però a volte te bati sempre sul stesso tasto..

[AdlerTS]

Refolo, cerchemo de spiegarse senza scaldarse e partir per la tangente.

A parte el fato che sui 10000 e passa messaggi de sto forum quei che parla dell'Impero non sia la maggioranza, te me devi spiegar come se pol raccontar della cultura e la storia de sta città senza parlarghene. Fino adesso me par che nissun ga fato stupida apologia disendo solo W QUEL o BRAVO QUELL'ALTRO ! Se ga citado avvenimenti e personaggi in un contesto storico e sociale, mettendo motivi, date ed altre informazioni.

Se dopo te vol parlar sensatamente ed ordinatamente de altro, te son libera de farlo o de saltar i argomenti che non te ispira.

[refolo]

Mi, caro Adler non go' mai cerca' de offender nessun e nianche de ciapar la rincorsa, come che te disi ti', chi sa' piu' de mi'? quel lo go scritto su tuttotrieste, pel fatto dei ""UNUSUAL"" personaggi! li go' quasi conossudi tutti, seno' intesi da mio papa' e nonni!

Son sempre stada criticada in tutto, ma lasso perder. El fatto sta' che se un domanda, come che te fa' spesso ti' E non sa' la risposta allora de chi xe colpa? se non piasi non se magna? e cussi avanti! Tutti semo differenti come i diti della man, sia in famiglia, che fra amici.

Trieste, ga' la sua storia, basada sull'Austria -Ungheria? ma qua' savemo tutti, anche mi go' studia' a scola. Dovemo contentarse de tutto quel che xe in mostra? se capissi, niente se ga' mosso, tutte le statue xe ancora la' niente xe stado nascosto, tutto xe sui libri, musei ecc.

Mi non la go' contro l'Austria, per carita' ne go' intese de tutti due i colori blue e rosa, ma invece de fermarse su' una persona, bisogna per capir altro, andar un pocheto indrio! Parle' de Maria Teresa, che savere' de piu', torne' indrio de una quarantina de anni. Nelle due settimane, de settembre? e non me interessa a saver el motivo,

i ga' da' 3 volte el stesso film. ""SISSY"" una in Tedesco con le didascalie
in Inglese, la settimana dopo in Inglese con le didascalie Tedesche e cussi' avanti. Senza domandar el motivo, come dito sora non me interessa una pipa, anche perche' la parte interpretada dalla Schneider i disi che non xe una version tanto attraente, credo che qua' ghe xe el zampin dei Ungheresi! ( gavemo la television internazionale).

Noi vol piu' niente, ne parole, ne filmati, niente da far con la storia Austria-Ungheria. Quando te senti ste robe te se domandi? ""WHAT'S GOING ON?"" tutti vol aver la sua storia, tutti metti sull'internet le storie che favoreggia un che xe maestro de ESSAYS, e i altri che ga' studia' i xe

calcoladi zero. Se capissi, che ste robe che ti e Betta gave' messo sul forum xe interessante, ma me domando el perche' tutto xe taboo dopo la prima guerra Mondial? noi, mi , ti, ela, ecc. semo nati dopo, e cussi' i nostri ricordi xe soffermai forsi piu' de miseria che de richezza.
Se te guardi, sia che l'architettura, struttura, disegni, quasi tutto xe stado
fatto da gente nata in Italia, o seno' nati a Trieste ma da genitori forestieri.

Xe el detto triestin, le canzonette, le maniere de esprimerse, che semo differenti de tanti altri, cerchemo de ricordar prima de darghela, questo xe tutto. Mi go' cerca' de iutar tanti con ricerche de nomi e casati, e te posso assicurar che ogni volta che vegno fora con un questioner, l'Austria
xe calcolada NERA come la galline con do' Teste.

No rabiarte, questa xe la mia tesi, anche se nella mia famiglia semo missiadi con Tedeschi-Ebrei-Dio sa' cossa ancora. Parlemo de altro, con limiti moderni! perche' tutto quel chei sta far o chei fara' sara' per i tui fioi, mai per i mii'. E credime, la tua picia de 5 anni, poco ghe interessera' in futuro dell'Austria, solo se ghe sara' qualche antenati nella tua famiglia.

Se te metto la foto dei mii nonni materni (la furlana) te vederia che gioielli intorno al collo, che presenza altezzosa, che figurona de donna, ma niente che la gavessi parla' ben dell'Austria, al contrario, ogni famiglia ga' passa'
le sue, e purtroppo non tutto lucica come l'oro! Tutti xe stadi bravi ma anche tutti ga' sbaglia'.
Seguo i tui ordini! se non me piasi CAMBIERO' SOGETTO!


Maria aka Refolo

[Coce]

Cherchemo de portar de portar questa discussion su un piano piu' ragionevole.
El fato che Trieste xe stada soto l'Austria per 500 ani ga lassa' dei grandi
segni e influenze in citta' xe indisputabile, pero' esser nostalgici de quel periodo no servi gnente perche' se tendi a guardar al passato con una certa aura che forsi gnanche no merita perche' dopotuto gnanche la vita soto quel'Impero la iera ideale per tuti, e xe inutile mostrar solo che robe positive de quel periodo(per esempio el giornalaio che in assenza lassa che i se cioghi el giornal e i onesti che paga lostesso), Mi go visto ste robe
qua' in Australia per ani, ma no cambia gnente perche' anche qua' le presoni xe sempre piene. Un'alra roba che devo dirve xe questo: mi qua' go avudo diversi amici Austrachi de lavor, e anche socialmente se andava fora assieme, ai mii acenni del passato de Trieste con l'Austria no pareva de interessarghe afatto, infatti la mia impression iera che no inegaveva gnanche per el daur.
Xa' che semo su sto discorso. Mi go pensa' tante volte a questa decision
dei nostri antenati, che per evitar el dominio de Venezia i se ga' meso soto el dominio del'Austria daneggiando la Serenissima e anche el resto del'Italia dandoghe una testa de ponte nell'Adriatico ai Tedeschi, I iera
proprio saggi??? El risultato xe sta' favorevole per la citta', pero' ghe volesto 300 ani e l'evento dela rivoluzion industriale prima de aver profitto. Con tuto questo mi no nego el grande contributo che l'Austria
ga da' a Trieste perche' dopotuto anche mi son un Triestin missia' come
tuti voi. Ciao Coce

[babatriestina]

mi resto de l'idea che la storia no se fa coi se e coi ma, quel che xe stado no se pol cambiar, se pol zercar de conosser per imparar e decider con più sal in zuca cossa far nel futuro.

E penso che nel nostro forum gavemo argomenti triestini a iosa de trattar, senza ogni volta vederli in chiave italia/austria , destra/sinistra fascismo/antifascismo o altro. Gavemo anche visto che su zerti argomenti, come politica e la storia dei ultimi 90 anni, ognidun resta dele sue idee, ma spesso finissi col ciaparsela coi altri e questo no volemo. Meo un per de messaggi in meno che un per de messaggi con baruffe in più.

[AdlerTS]

E credime, la tua picia de 5 anni, poco ghe interessera' in futuro dell'Austria, solo se ghe sara' qualche antenati nella tua famiglia.

Su questo non scometeria

[Coce]

Bon Giorno a tuti.
Parlando dei eventi dei ultimi 90 ani, no dovaria esser diferente del parlar
dei ultimi 900 ani, xe tuto parte dela nostra storia e come persone civili
dovessimo esser capaci de discuter questi eventi senza offender nissun.
In tuta la nostra storia gavemo elementi positivi e negativi a riguardo de tuti i regimi che xe stai in esistenza, e l'unica maniera che podemo traer
profitto dele esperienze del passato xe nel discuter e analilizar i eventi del passato in una maniera neutrale e democratica che questi sia del ben o del mal. Con questo credo che sia sbaglia' a escluder qualsiasi periodo
dela nostra storia. Ciao Coce

[snif]

Grazie per aver fato notar el refuso, gavemo coreto. I moderatori.--