Digo la verità, no go più voia de partecipar a queste discusioni sula prima guera, o meio sula sua conclusion. Dal lato storico pol eser importante, ma...
Babatriestina, che credo rapresenti su sto forum meio de chiunque altro la parte filo italiana, la disi speso che ormai la se senti europea!
Bon, alora spiegheme che senso ga festegiar ogi la vitoria dela "
nazione italiana" de 90 anni fa (!) contro uno stato che ormai no ga con noi nianche più confini. Semo o non semo ormai tuti nela stesa Europa? O forsi lo semo solo quando fa comodo e altre volte no?
No xe un discorso rivolto ai partecipanti del forum, ma ai vari politici (compreso el Presidente dela Repubblica) che se meti in prima fila per comemorar no solo i morti (che saria pur giusto, ma dovesi eser de tute le parti) ma anche la vittoria. E quindi la guerra!
![Evil or Very Mad :evil:](./images/smilies/icon_evil.gif)
Certe volte me par che in 70 anni no sia cambiado poi molto per certi aspetti...
Poi, mentre i faseva ste comemorazioni, me domandavo quanti de quei morti ieri stati fati dalo steso esercito per cui i combateva. Le famose fucilazioni, le decimazioni, le condanne a morte con o senza proceso per chi no voleva combater per una guera che no condivideva. Ma de questo no se parla. Tuti eroi, tuti convinti "patrioti" iera... poveri muli.
![:'-( :'-(](./images/smilies/icon_cry.gif)