Berlusconi in prima pagina

[Ursus Canadiensis]

Berlusconi in prima pagina in Nord America e de novo e, come de abitudine oramai tradizionale, per ragioni sbaliade. Se xe vero che la mare dei mºñ@ xe sempre incinta, Berlusconi xe la prova che una de lore iera incinta almeno una volta, povereto! Perchè con un comento come " Le donne italiane sono così belle che invitano gli uomini a violentarle," (o parole a quel'efeto) no 'l xe altro che un omo dala potenza inteletuale de un granzo de scoliera. El pezo aspeto de tuta sta dimostrazion de idiozia xe che el credi de gaverghe fato un complimento ale done italiane, lui.

The first step to healing is recognition of the of illness. (Riconoser la malatia xe el primo paso ala guarigion).

Arnie

[Zigolo]

Ogi, in un bar, me xe cascà l'ocio su un giornal de sua proprietà.

Lu el iera sì in prima pagina, ma no per la sua squalida batuta che te ga cità, de quela gnanche l'ombra.

Che strano, no?

[serlilian]

El bel xe che el xe convinto de far batude divertenti come quela volta che el ga definì Obama "abbronzato".

[AdlerTS]

La frase riportada dai media italiani xe comunque un po' diversa:

"Dovremmo avere tanti soldati quante sono le belle ragazze italiane, credo che non ce la faremmo mai...".

[Ursus Canadiensis]

La go vista solo nei giornai qua, che i ga riportado solo el senso de quel che el ga dit leteralmente .

Arnie

[Capuzi garbi]

..no 'l xe altro che un omo dala potenza inteletuale de un granzo de scoliera.

The first step to healing is recognition of the of illness. (Riconoser la malatia xe el primo paso ala guarigion).

Arnie

Orca Arnie, cos'te ga` contri granzi che te li paragoni a Berlusconi?

[Ursus Canadiensis]

Capuzi Garbi domanda giustamente:

Arnie, cos'te ga contro i granzi che te li paragoni a Berlusconi?"

Xe quasi una domanda poetica, con quela rima nel secondo verso dela frase.....

Go zercà de scusarme con lori, Capuzi, ma no i me senti fin la. Domani, co' vado in vilagio ghe domandarò scusa ai cugini, i granzi locali. Dopo lori i se telefona, son sicuro.



Arnie

[Capuzi garbi]

Go zercà de scusarme con lori, Capuzi, ma no i me senti fin la. Domani, co' vado in vilagio ghe domandarò scusa ai cugini, i granzi locali. Dopo lori i se telefona, son sicuro.



Arnie

E po lori xe boni e no i tien astio. Son sicuro che i te ga za perdona`!

[nanaia]

e no stemo parlar dela barzeleta che el gà contado sui campi de sterminio...proprio disevimo fra de noi che ogni volta che el verzi la boca bisognasi che sia un pronto a stroparghela

[nanaia]

scuseme, dimenticavo de dir che la iera in prima pagina del Piccolo (inizio) e alle pagine interne (conclusiòn).....OMG

[Zigolo]

proprio disevimo fra de noi che ogni volta che el verzi la boca bisognasi che sia un pronto a stroparghela

No penso che sia la soluzion: no sentissimo più le monade che el disi ma continuassimo a subir le monade che el fa

[babatriestina]

per mi:
1 come principio son contraria alla censura, che xe tipica dei regimi totalitari
2 però trovo che anche i mass media ga le loro responsabilità nel evidenziar o meno le robe, magari i ghe dà tanto spazio o perchè i trova interessante, o per saltar sul carro de quel che i credi el vincitor, perchè inveze i pensa de far stufar la gente de zerte robe, o anche perchè i pensa de vender meo se i conta ste robe, che ala gente ghe piasi.
3 che i conti o meno, po xe tanta gente che lo ga votado istesso.. o no ghe ne frega de quel che el disi, o i pensa che altri sia ancora pezo.

[Zigolo]

come principio son contraria alla censura, che xe tipica dei regimi totalitari

Me par che quel che provocatoriamente proponeva nanaia iera una censura... ala riversa, perché notoriamente la censura se aplica dal'alto in basso, qua se parlava de stroparghe la boca a chi che sta in alto.

E infati no xe possibile

Per i altri due punti son d'acordo, purtropo tuto vero.

[Ursus Canadiensis]

Me par che quel che provocatoriamente proponeva nanaia iera una censura... ala riversa, perché notoriamente la censura se aplica dal'alto in basso, qua se parlava de stroparghe la boca a chi che sta in alto.

E infati no xe possibile

Per i altri due punti son d'acordo, purtropo tuto vero.

Varda, Zigolo, per un atimo, la, te me ga veramente preocupado, ma dopo gaver leto TUTA la frase del primo paragrafo me son calmado. Parlo del'atto de stroparghe la boca a qualchedun dal'alto in baso. Rivado a quel punto me son fermà e me son formulado un'imagine de come se ghe stropa la boca a un, procedendo dal basso in alto. No voio gnanche dirte che brividi che go gavù. Gnanche Berlusconi se meriteria un tale tormento.

Per fortuna te ga chiarificà l'idea con la seconda parte dela frase, come che o dito.

Arnie

[Zigolo]

[Eluana Englaro è] "una persona che potrebbe anche generare un figlio"

Se questa afermazion no fussi cussì stomighevole, se podarìa dir che el ga superà se stesso.

No go parole.

[Nona Picia]

NO COMMENT!!!!!

[AdlerTS]

Troppo caos xe stado fatto su 'sta storia e non servi farghene altro sora.
Se devo far un commento, tralasciando per un attimo el discoso fede, dirò che quel che me fa paura xe che mentre i neurologi che studia questo tipo de pazienti da anni non ga ancora certezze, i politici, pareria de sì.
Non capisso su che base, dal momento che la medicina stessa una risposta univoca non la ga.

[serlilian]

I politici ga una sola certeza: tuto servi per aparir in television. Qualsiasi monada che i disi, i troverà sempre qualchedun che ghe baterà le man. E quei che ghe fis'cierà sarà acusadi de essere de parte, o de aver travisado le sue parole.

[Coce]

Penso che la posizion presa da Berlusconi su queso caso doloroso gabi fin de eliminar un Presidente che nol ghe piasi Ciao Coce

[serlilian]

Questo xe poco, ma sicuro. El vol diventar lui el Presidente tuttofare.