Mostra di cartoline militari a.u.

[serlilian]

Album vendudi all'epoca per colezionar cartoline militari.

[LELA]

Bonanote serlilian, alora gò pensado justo: parché nò rivavo proprio a trovar 'naltra razon per dispiaserse de gaver scuminziado sta colezion cusì particolare!

Ri-ri-ri-ri-ciau, con simpatia Lela.

[AdlerTS]

Altre fotoooooo!!!!
Me le ga mandade Roberto Todero, per publicarle sul forum.

Ringrazia Todero

[serlilian]

Za fato!

[serlilian]

Eco la cartolina emessa per l'ocasion con el annullo speciale.

[serlilian]

... e el libro.

[LELA]

Bona...sera/note serlilian, nò gavevo visto nè le foto che te gà postado ieri (quele del sig. Todero se te gà l'ocasion, par favor, ringrazialo anca da parte mia) che quele che te gà meso ogi: a mi me piasi de più le tue, se pol dir sensa eser ingrati verso el sig. Todero? Parchè, tante, anche a causa dei riflesi - come del resto te gavevi pronosticado ti zà prima dela mostra - no' le rendi ben qualcosa che dal vero devi eser stado 'sai interesante, a mi in particolare me piasi quela d'anulo (el davanti dela cartolina te lo gavevi zà fato veder prima dela mostra) e quela dela soracoverta del libro; no' gò ancora sentido mio fradel, ma spero che'el sìa riusido a comprar sia uno che l'altro.
'Naltra roba volevo dirte: l'altro ano in agosto co son vignuda a Trieste, gò portado mio marì a veder - no sò se ghe jera 'na mostra particolare in quel periodo o 'na mostra che ghè xe sempre e indove che se pol veder tuti i aparechi de 'na volta par le telecomunicazioni, le divise dei veci postini, ecc., comunque me ricordo che dei manichini ghe jera anca alora, magari no' quei che te gà fato veder stavolta co' le divise del Impero Austrungarico, ma comunque senz'altro dei manichini ghe jera.

Grazie de tuto e ciau, sempre con magior simpatia, Lela.

[serlilian]

Ciao Lela.
Go za ringraziado Roberto Todero a nome de tuto el forum.


Le aparechiature telefoniche xe sempre in mostra, le fa parte dela dotazion del museo. In più xe dele mostre tematiche che cambia ogni mese o ogni 2 mesi. El manichin no me lo ricordo, ma iera abastanza tempo che no andavo in quel museo.
El libro go paura che no i lo troverà in museo perchè iera un incaricato dela casa editrice che li vendeva. Penso che i lo gaverà nela libreria Transalpina, che xe in una traversale de Via Roma. No me ricordo mai che via che xe, forsi Via Torrebianca, tra via XXX Otobre e Via Filzi.

[AdlerTS]

te rivi ad ingrandir l'annullo ?

[serlilian]

Provo

[serlilian]

Xe el disegno de soldai che scrivi.

[AdlerTS]

Grazie.

[LELA]

Bona... note serlilian e grazie de tute le informazioni; par quel che riguarda "i manichini" jero sicura che i ghe fusi e, ogi, mio marì me lo gà confermado: mi perdo colpi, ma lù se zovine e el se ricorda ben.
Gò stampado el tuo mesagio, cusì ghe mando, via e-meil, tute le informazioni a mio fradel: grazie 'ncora.
Belisimo anca l'ingrandimento che te gà rivado a far del'anulo: te son suserio in gamba!!!

Ciau, sempre con tanta simpatia, Lela.

[serlilian]

Ciao Lela.
Come xe andada? I ga rivà a trovarte el libro e el annullo?

[Rawa Ruska]

Per chi che no se ancora stado a veder la nova mostra al Museo Postale e telegrafico de la Miteleuropa, che la se ciama "Il racconto delle cartoline imperial regie - società esercito e guerra nel mondo di ieri" ghe se le visite guidade (de mi, curator e autor del libro) in sti giorni:

mercoledì 29 aprile a le 11
sabato 9 magio a le 11
mercoledì 13 magio a le 11
mercoledì 27 magio a le 11

A mi i me ga dito che merita....e alora, ve speto!

[Rawa Ruska]

Scuseme ma go meso l'anuncio de le visite guidade in "prima guera mondial" inveze che qua. Grazie a tuti per l'interesamento. L'anulo, come tuto el resto, vien de la mia colezion e lo go fotocopià de un calendario de la 10^ Armee, quela che iera su le Giulie, per capirse, quela de Kugy, insoma. Se ve interesa trovè i orari de la. Me scuso per el sbaglio... Se qualchedun pol spostar, bon, graze.

Roberto T.

Questo xe el link del altro post:

https://www.atrieste.eu/Forum3/viewtopic ... highlight=

MOD

[LELA]

Bonasera serlilian, scusime se no' te gò risposto prima, ma gò visto el tuo post solo che stasera: grazie, sì, mio fradel gà rivado a trovar sia l'uno che l'altro, 'deso no' resta che spetar ch'el trovi el tempo de spedirme el tuto: speremo ben, parchè el xe sempre pien de impegni, sia de lavor che "sociali". Par farte 'n'esempio: xe de gener che speto ch'el me mandi su do casete de canzoni triestine riversade su CD, parchè, a Trieste, nel negozio indove de solito vado a comprar 'stò tipo de musica no'i gà i CD, ma adiritura no'i conosi gnanca l'interprete e, se no' se li trova là, no' se li trova par gnente, par cui bisogna proprio riversar le mie casete su CD, solo che mi no' go l'atrezatura adata e po' la costa anca bastanza, inveze per lù - ch'el se programato informatico - xe tuto più fazile.
Grazie tante 'ncora, te son sempre cocola, ma in sti ultimi tempi te gò leto (par modo de dir, parchè no' lo conoso) solo sula sezion in "Inglese".
Spero che te staghi ben e te auguro anca ogni ben, proprio de cuor, te son 'n mula che se merita questo e anca de più.
Scometo che te gò zà fato vignir la testa come un balon co' tute 'stè ciacole: perdonime.

Ciau ciau, sempre con tantisimisimisima simpatia, Lela.

[LELA]

Bonasera e ben leto anca a ti Rawa Ruska, che po' penso che te sìa Roberto Todaro (o me sbajo?), se te gà colezioni de quel zenere, fortunado ti!
Grazie anca par l'indirizo internet che te gà postado.

Ciau ciau, con simpatia, Lela.

[LELA]

Ri-bonasera Rawa Ruska, mi in quele date no' poso eser a Trieste e xe par quel che ghe gò pregado a serlilian de saverme dir indove podevo mandar mio fradel a cior sìa un che l'altro!
Alora no' gò sbayado prima: la mia intuizion la iera justa!


Ciau ciau, sempre con simpatia, Lela.

[serlilian]

Ciao Lela.
Todero, no Todaro.
Mi penso che, per tirar su una signora colezion ghe vol tanta passion, bisogna dedicar tempo a andar in giro, come cani de tartufi, per trovar i tochi che manca e tanto impegno per studiar la materia. Su un altro forum, te ghe mostri una foto sfocada de un soldà... e i te disi vita, morte e miracoli del suo regimento, dei uficiai e qualche volta me speto che i disi anche come che se ciamava el suo can.