La Grecia in Bancorota

[Ursus Canadiensis]

Senza voler eser el percursor dele notizie tragiche, vista la triste sorte dela Grecia xe dificile no domandarse quanto tempo ghe volerà ancora prima che l'Italia la segui el steso paso. Xe decadi oramai che l'Italia vivi al de la dei suoi mezi. Ghe xe le enormi evasioni fiscali, la coruzion che comincia dal governo, la mafia, la camora e la lista continua. Naturalmente tuto un coro de gente me dirà che no xe vero e che la diferenxa tra l'Italia e la Grecia xe ben evidente. Da quel che i pensa i economisti dela IMF e altri esperti del mondo, infati la diferenza xe squasi inesistente.

I vostri comenti me intereseria.

Arnie

[babatriestina]

me par che se guardemo chi che podessi esser el prossimo, Italia, Spagna, Portogallo..
i ga fato el euro, i se ga unido ma ognidun ga credudo de poder far i sui porchi comodi istesso.. xe stado un miracolo za co l'Italia ga rivado a tacarse al euro.. e i governi cambiava , ma no la mentalità. Mi però comicnio a anche a diffidar dei vari "rating" de l'economia, visto che po la recession xe partida dele banche statunitensi, e della loro finanza alegra, cussì che no par..

[Ursus Canadiensis]

No stemo però gnanche dimenticar l'Irlanda, che la xe squasi in bancorota.

El fato de no fidarse dei ratings vol dir poco. Quel che sucedi xe che con lori in diminuzion le vide del credito dela nazion se strenzi. Ogigiorno xe piutosto i guru dele fianze e economie, comprese quei dela IMF, oltre ai tanti esperti completamente indipendenti sia dale nazioni in question che dala IMF che i me fa paura. Un conto xe sentir la IMF pronunciarse sula crisi, perchè se la devi intervenir nel'economia de una nazion xe suo vantagio de dimostrar che la jera al corente dela crisi impendente e cusì la pol detar le condizioni del'aiuto senza discusioni; un'altro par de manighe xe sentir giornalmente indipendenti sorgenti de esperti che i continua a dir la stesa roba, senza mai contradirse l'un e l'altro. Dove che xe fumo xe amche fogo i disi i nostri indigeni.

Arniw

[AdlerTS]

Son d'accordo che el pericolo de una situzion simile xe reale. Penso però che tanti italiani aceteria de pagar per chi ga rubado anziché andar a ribaltar le piazze.

[nanaia]

Ben, no credo che solo tanti italiani farìa cussì, Adler: sarà anche tanti Greci, no credo che sia in piazza TUTTA atene.
Po' stemo atenti che no se trata "solo" de pagar per chi che gà magnado:xe anche obligazioni sotoscritte in favor dello stato, scadude e che lo stato no xe in grado de rimborsar. Pesantina, no? Con questo no digo che i fa ben, mancassi altro, però una certa inca..dura.....

[macondo]

E meno mal che l'Inghiltera no la xe entrada nela zona del euro, che ogi podesimo trovarse nela stesa situazion...

[babatriestina]

E meno mal che l'Inghiltera no la xe entrada nela zona del euro, che ogi podesimo trovarse nela stesa situazion...

dal

Ad alimentare le paure c'è la presa di posizione di Moody's: il pericolo che la crisi di Atene coinvolga altri Paesi europei esiste e riguarda soprattutto «Portogallo, Spagna, Irlanda, Italia e Gran Bretagna»

no steve iluder de esser fora perchè se fora del euro.

[Ursus Canadiensis]

Eser fora del Euro xe, al momento un svantagio per lInghiltera, se el xe no so cosa altro.

Durante i ani precedenti, le banche inglesi, ingorde come tute ma senza poco o nesun regolamento dal governo le se ga fato frega a fogo con i sub-prime mortgages compradi dele banche americane che i li sbagazava per el mondo. Tra quel e el prezo dela sterlina che stroza i esporti, l'economia inglese no la xe in nesun stato de poderse vantar con el resto del'Europa. Infati, l'economia dela Gran Bretagna la xe al punto più baso del dopoguera.

Perquanto riguarda le proteste e la violenza per le strade, chi che credi che l'Italia e i taliani i se comporterà maio che i Greghi, i credi anche che babo nadal ghe porterà la Mercedes per nadal, sicome che no'l ga dito parolaze e no'l ga fato rabiar mama. Purtropo in tute le società ghe xe quel elemento grezo e ignorante che no 'l conosi altra maniera de esprimerse che con la violenza. Basta veder la conferenza dei G 20 per el mondo, inclusa l'Italia.

Arnie

[babatriestina]

Per quanto riguarda le proteste e la violenza per le strade, chi che credi che l'Italia e i taliani i se comporterà maio che i Greghi, i credi anche che babo nadal ghe porterà la Mercedes per nadal,

però Arnie, forsi no ti te ricordi che no ti ieri qua quando che xe stada l'austerity de Amato per entrar nel euro.. mi me ricordo se no altro el prelievo de un tot % in tuti i conti correnti.. e me ricordo che a mi poco i me ga becado, perchè i lo ga fatto subito dopo el momento del pagamento dele tasse, e de mi poco i ga trovado in quel momento de prelevar ; ma ga pagado tutti senza far la rivoluzion. E son contenta de no gaver più lirette, che in Italia podeva anche andar ben, ma apena che te metevi el naso fora i te le considerava poco più che cartastrazza.

[sono piccolo ma crescero]

Per quanto riguarda le proteste e la violenza per le strade, chi che credi che l'Italia e i taliani i se comporterà maio che i Greghi, i credi anche che babo nadal ghe porterà la Mercedes per nadal,

però Arnie, forsi no ti te ricordi che no ti ieri qua quando che xe stada l'austerity de Amato per entrar nel euro.. mi me ricordo se no altro el prelievo de un tot % in tuti i conti correnti.. e me ricordo che a mi poco i me ga becado, perchè i lo ga fatto subito dopo el momento del pagamento dele tasse, e de mi poco i ga trovado in quel momento de prelevar ; ma ga pagado tutti senza far la rivoluzion. E son contenta de no gaver più lirette, che in Italia podeva anche andar ben, ma apena che te metevi el naso fora i te le considerava poco più che cartastrazza.

Ghe go pensà in sti giorni a quel episodio e go paura che ogi no anderia più cusì. Semo cambiai (in pezo?) in 25 anni.

[Nona Picia]

Semo cambiai in pezo....molto pezo....purtroppo! Risultato de un'educazion troppo permissiva e senza principi!

[Ursus Canadiensis]

però Arnie, forsi no ti te ricordi che no ti ieri qua quando che xe stada l'austerity de Amato per entrar nel euro.. mi me ricordo se no altro el prelievo de un tot % in tuti i conti correnti.. e me ricordo che a mi poco i me ga becado, perchè i lo ga fatto subito dopo el momento del pagamento dele tasse, e de mi poco i ga trovado in quel momento de prelevar ; ma ga pagado tutti senza far la rivoluzion. E son contenta de no gaver più lirette, che in Italia podeva anche andar ben, ma apena che te metevi el naso fora i te le considerava poco più che cartastrazza.

No, te ga ragion, Baba, no jero la in quei giorni. E credime co' digo che spero ardentemente de esserme sbaliado col mio sceticismo e de eser in grado un giorno de mostrarghe al resto del mondo che semo più maduri del prosimo. No poderia mai eser più fiero se i miei conazionali i dimostrasi de eser al'alteza dela situazion e de capir le necesità del giorno. Ma tra mi e ti e i quatro muri del'internet serbo ancora una bona dose de difidenza.

Arnie

[babatriestina]

Ve confesso che mi go sempre sperado che saria stada l'Europa che gavessi tegnudo soto controllo l'Italia.. xe per quel che tremo che i la voli affossar e ognidun si salvi chi può! perchè ala fin ghe perderia tuti, chi più chi meno, anche quei che se illudi de far un afar,.. e credo che lo sa anche la Merkel!

[Golfoblu]

Non c'è bisogno di grandi analisi socio politiche, i veri motivi sono sempre questi:

- Egoismo, orgoglio, invidia, gelosia, cupidigia, avarizia e falsità.

Motivi per i quali il mondo si trova in queste condizioni. Ma cambierà...........sicuramente cambierà.