cinematografo a Trieste

[granzo]

El cine xe 'rivado a Trieste nel 1896.
Dopo che i fradei Lumiere gaveva fato la loro prima proiezion a Parigi el 28 dicembre 1895 el 12 luglio 1896 el publico triestin gaveva assistido ala prima proiezion cinematografica.

Al teatro Fenice tra i vari filmati, iera stadi proietadi :
l'arrivo del treno
fabbri
balletto
boulevards di Parigi
biciclisti
la boxe francese
la gente che esce da un teatro
cavalcate nei dintorni di Parigi

Nel 1896 esisteva tre cine ambulanti a Trieste: el cinetografo Teatro Fenice, el cinematografo in piazza della Borsa 10, el cinematografo Teatro Filodrammatico.

Nel 1905 i cine stabili iera due: cineografo Americano in piazza della Borsa 15, el Salone Edison/ Cinematografo Ideal in via del Torrente 1.

Nel 1906 i cine iera 4,
nel 1907 iera 9,
nel 1908 iera 16,
nel 1909 iera 20,
nel 1910 iera 17,
nel 1911 iera 18,
nel 1912 iera 20,
nel 1913 iera 20,
nel 1914 iera 21,
nel 1915 iera 24,
nel 1916 iera 23,
nel 1917 iera 22,
nel 1918 iera 21

A Trieste i ga girado una setantina de film tra el 1906 e el 19 18, ma iera stade fate dele riprese za dal 1897 (brevi pelicole).

Dal libro di Dejan Kosanovic "1896-1918" TRIESTE AL CINEMA.

[refolo]

Al cine Excelsior, che iera al principio de viale XX SETTEMBRE, la go' visto la prima de Via col Vento! 1952-3

Maria aka Refolo

[Capuzi garbi]

Betta...te ga ragion,
El cine Excelsior iera al principio de viale XX SETTEMBRE, la go' visto la prima de Via col Vento! 1952-3

Maria aka Refolo

Sicuramente la prima volta, ma no la prima vision de un film che jera veniudo fora nel 1939.

[babatriestina]

Betta...te ga ragion,
El cine Excelsior iera al principio de viale XX SETTEMBRE, la go' visto la prima de Via col Vento! 1952-3

Maria aka Refolo

Sicuramente la prima volta, ma no la prima vision de un film che jera veniudo fora nel 1939.

Ben, per ognidun ghe xe una prima volta, la mia prima volta de Via col vento xe stado nel 62 in Vial al Supercinema Principe, che po xe deventado Eden e adesso no me ricordo come che el se ciama. ( ocio che se stemo spostando un poco de Piazza Goldoni, anche se no semo lontani..)

[Bilbo]

se ciama "Ambasciatori"

[Coce]

Mi posso confermar che el cine Excelsior iera in principio del Aquedoto nei ani 30, e no xe strano che refolo ga visto "Via col vento" in prima visione nel 1952 perche' gavemo avu' una guera che Lucio no se ricorda, e nel 1939 le comunicazioni con el mondo Anglosassone no le iera ampie. Mi go visto quel film qua in Australia la prima volta, e doveva eser almeno el 1953. Ciao Coce

[Bilbo]

Mi posso confermar che el cine Excelsior iera in principio del Aquedoto nei ani 30

mi poso confermar che nel terzo milenio el xe ancora là....

[babatriestina]

ecovelo qua cola fontana col mascherotto

[Tirabaralla]

Me piasi sai le iniziative che se svolgi al cinema in question.
Quela su la fantascienza e soratuto quela dei film de l'Est europeo.

L'ultima edizion de sto festival su l'Est son rivada a veder un dei lungometragi...parlava de come se vivi ogi in quei che una volta iera i paesi sudditi de l'Impero Austroungarico. Sai bel...e sai bel veder tute le diferenze...poetico. Ghe iera una parte anche su Trieste, naturellement.
Adler gavessi gradito

[trita]

bonasera a tuti
giusto una domanda.I ga' mai fatto via col vento al politeama? grande dubio.
auguri trita

[babatriestina]

bonasera a tuti
giusto una domanda.I ga' mai fatto via col vento al politeama? grande dubio.
auguri trita

se i ga fato, doveva esser fra el 39 e el 54-55 circa, c he dopo el ga serado come cinema fin ai anni 70 e noil ga mai riaverto come cinema

[AdlerTS]

A parlar de cine me xe vignudo in mente che all'angolo de via Gatteri e via Battisti, dove ogi xe un negozio de giogatoli, iera una sala dove fine anni 70 i me ga portado a veder King Kong

[ffdt]

[...] angolo de via Gatteri e via Battisti[...]

Me par che 'l se ciamava Aurora ... me lo ricordo ... ... e tra cuando 'l ga finido de funzionar come cine e cuando che i ga fato 'l negozio el xe restado serado per tanti ani.

Ciau

Franco

[trita]

bonasera a tuti

grazie muli e mule.Forsi ga' ragion Adler e Franco,perche' me ricordo cuando ga fini' el film gavemo camina' zo' pel acuedoto.Jera le undisi e meza de sera .e, pioveva che dio la mandava.El cine jera pien come un ovo,e noi che semo rivai un poco tardisin ne ga' toca' star in pie tacai la porta dela sala.No stava piu' dentro gnanca un ago.
Ani 49 ---52?
auguri trita

[b-pause1977]

A parlar de cine me xe vignudo in mente che all'angolo de via Gatteri e via Battisti, dove ogi xe un negozio de giogatoli, iera una sala dove fine anni 70 i me ga portado a veder King Kong

se ciamava Cine Impero.

bruno

[Capuzi garbi]

L'Aurora jera dove che al giorno de ogi xe (o almeno jera) la sala de incontro dei Testimoni de Geova, al principio (o la fine) de via del bosco.

[trita]

bonasera a tuti
chi se ricorda de 'sti film
auguri trita

[trita]

bonasera a tuti
capuzi garbi te ga' ragion.Mio fradel prima de partir via de
Trieste ga' messo su' el tetto a cuel cine.Ano? Circa50-51.

auguri trita

[ffdt]

Ben, bon ;-D go proprio xbaliado el nome ;-D ... meno mal che cua xe altri che i ga una memoria piu` bona de la mia ;-D

Pero` almeno son sicuro che prima che i fazi negozio 'l xe stado serado tanti ani ;-D ;-D ;-D ;-D ;-D

Ciau ciau

Franco

[AdlerTS]

Capuzi, i Testimoni testimonia ancora la

Trita, me dispiasi, ma non conosso quei film ...