La guera per mar.

[Piereto]

Credo che pochi triestini sapi de la grande importanza che gà avudo la marina austroungarica ne la prima guera,e come le vicende marinare del fronte mediteraneo sia stade imponenti.. La storia come sempre vien scrita dai vincitori,e po la verità vien fora sai tardi,dopo che xe stade scrite tante robe no vere. La guera no xe sta caraterizada da una bataglia navale in campo aperto,ma da un continuo stillicidio de afondamenti operado in adriatico e in egeo da le forze de la kriegsmarine con la sua componente somergibilistica. El comando in capo iera de la flota austroungarica a la quale la marina imperiale tedesca gaveva dado el suo contributo de omini e mezi. Dal 15 al 18 gà operado una cinquantina de somergibili. Al’inizio de le ostilità l’austria gaveva sei somergibili e tra aprile e luglio 1915 xe arivadi 5 grosi e longhi sommergibili gnochi in adriatico via gibiltera. I altri sommergibili xe arivadi inveze a tochi per ferovia costruidi nei cantieri de Budapest,e po saldai a Pola e a Fiume . L’Austria gaveva a Fiume el silurificio Whitehead de grande rinomanza e detentor de breveti internazionali. Iera prevista la costruzion de ulteriori sommergibili più grandi e veloci al stabilimento tecnico triestino ,ma la guera stava per finir. In tuta la guera l’austria ga perso 7 caciatorpedinieri,27 somergibili , la Wien che iera una nave incrociator da difesa costiera de 5600 ton silurada da un mas,la Santo Stefano,una corazada de 20000 ton anche ela silurada e la Viribus Unitis de 20000 ton silurada tre giorni prima che finisi la guera ,quando la nave iera stada dada al novo stato Yugoslavo. Aleati de Austria e Germania iera anche i turchi che gà perso do navi. Inveze le forze de l’intesa : Inghiltera,Francia , Italia e Rusia (Giapon e USA no presenti) ga perso 22 navi da bataglia ,24 cacciatorpediniere ,11 somergibili per complessive 395.000 tonelate de materiale militare contro 95.000 ton.de le forze dei imperi centrali. Inveze el naviglio mercantile afondà da la kriegsmarine nel mediteraneo xe sta de 504.889 ton nel 1915,de 1.116.074 ton nel 1916,de 1.817.227 ton nel 1917, e nel 1918 altre 1.103.973 tonelate,e cioè più de 4,5 milioni in totale.

Somergibile, idrovolante,e nave de guera a Cataro

perforum02.jpg (49.51 KiB) Visto 2730 volte

perforum03.jpg (45.03 KiB) Visto 2730 volte

[Piereto]

Visto che i fronti de tera se ga blocado in una guera de posizion ,nel 1917 se ga deciso la guera ad oltranza per mar ,per blocar l’arivo de le forniture de armi e viveri. 90 somergibili girava intorno a l’Inghiltera e 46 operava in mediteraneo e altri 20 longo le coste de l’ africa atlantica e francese. El bloco del canal de otranto xe sta solo, per le navi de superfice ,mentre i somergibili andava e viniva,partindo da la base de Cataro. Quando che noi scarigava i siluri, i molave le mine. Molte navi de l’intesa xe stade afonfade in egeo,vizin l’egito e anche lungo le coste de la sardegna.Xe sta afondà nel 1916 anche el groso piroscafo Britannic de 48.758 tonelate ,gemel del Titanic, trasformà in nave ospedal,saltà su una mina molada dal SMU 73. Ironia de la sorte i pasegeri del Titanic iera inveze stai salvai 4 ani prima dal piroscafo Carpathia de la Cosulich- Austroamericana.

el Britannic

04.jpg (12.66 KiB) Visto 2719 volte

el silurificio whitehead de Fiume

08.jpg (31.75 KiB) Visto 2719 volte

Eco le principali navi de bataglia italiane afondade.

el incrociator Garibaldi de 7234 ton afondado nel 1915 al largo de Ragusa

05.jpg (14.48 KiB) Visto 2719 volte

el incrociator Amalfi de 10118 ton afondado nel 1915 al largo de Venezia

06.jpg (13.69 KiB) Visto 2719 volte

la corazata Regina Margherita de 13476 ton afondada nel 1916 a Valona

07.jpg (10.8 KiB) Visto 2719 volte

[AdlerTS]

Gavemo un argomento molto simile qua
https://www.atrieste.eu/Forum3/viewtopic.php?f=8&t=510
anche usando come falsa riga el bel testo LA GUERRA MARITTIMA DELL'AUSTRIA-UNGHERIA 1914-1918 de Hans Sokol

Tachemo ?

[mandi]

Ti ringrazio, Piereto , per le spiegazioni !
Mandi

[Piereto]

Per chi che piasi le vece foto e le vece navi de guera,ghe zonto quele de le corazate afondade a opera della KUKmarine.

corazata inglese Triumph de 11950 ton. afondada nel 1915 vizin Gallipoli

10.jpg (13.93 KiB) Visto 2682 volte

corazata inglese Russel de 14000 ton afondada nel 1916 a Malta

11.jpg (15.9 KiB) Visto 2682 volte

corazata inglese Majestic de 14900 ton afondada nel 1916 vizin l'isola de Cerigo

13.jpg (16.14 KiB) Visto 2682 volte

corazata inglese Britannia de 16850 ton afondada nel 1918 a Trafalgar

16.jpg (14.39 KiB) Visto 2682 volte

[Piereto]

proseguo con altre foto de navi dell'intesa colpide.

corazata russa Peresviet de 12674 ton afondada nel 1917 a Porto Said

12.jpg (14.16 KiB) Visto 2682 volte

corazata francese Galouis de 11100 ton afondada nel 1916 vizin l'isola de Cerigo

14.jpg (17.15 KiB) Visto 2682 volte

corazata francese Danton de 18800 ton afondada nel 1917 vizin l'isola de San Pietro

15.jpg (12.36 KiB) Visto 2682 volte

corazata francese Jean Bart de 23500 ton ,amiraglia de la flota ,danegiada nel 1914 e qua risistemada nei ani 20

09.jpg (12.42 KiB) Visto 2682 volte

[Piereto]

Ho visitato il museo militare a Piuka (San Pietro del Carso) e vi riporto due belle foto dei sommergibile austrungarici di cui lo U 27 insieme ad altri, pronti per la loro missione.

alle bocche di Cataro nel 1917

som.u27.jpg (109.07 KiB) Visto 2405 volte

U 14 (preda bellica francese) nel porto di Sebenico

som u14.jpg (66.99 KiB) Visto 2405 volte