So che manca la casa del lavoratore portuale e l'idroscalo ma per la prima gavevo la luce contraria e no go rivà a torna là, per el secondo, essendo zona militare (la capitaneria de porto), no se pol andar dentro e meno che meno far foto.
Bel! xe poco de comentar, se no altro che te ga cominciado ala grande coi tramonti ( un classico- propio bel quel fanal). Per el hotel de la ville, ghe xe anche un post al rigurado, che spiega perchè nei bassorilievi xe una baba con una crose in man ( cossa la ghe fa in un albergo?). E po chi che no xe qua vedi le Rive rimesse a posto. El palazzo de marmo verde chi lo ga ciolto adesso?
speto el final, se te ga, perchè dopo de sti bei palazzi se pol far anca un poco de denuncia de come che i ga lassado andar a "catafascio" ( vulgo arremengo) i magazzini del lato mar, che se fussi restauradi podessi far la loro figura.
Anche Palazzo Carciotti, uno dei più importanti monumenti neoclassici triestini, mostra i segni de scarsa manutenzion e no se sa cosa che sarà de lu: e al interno el ga affreschi, decorazioni.. go visto una pubblicazion anni fa.