bella Londra me piaserìa veder altre foto, se xe possibile?? Mi son stada solo 3 giorni e go visto poco...xe una città cussì grande che ghe volessi più tempo per vederla tutta.
In Triestini nel mondo te son pienamente IT, se no el salotin xe bon per tuto, se po se vedi che un argomento va e interessa, se pol far sempre in salotin o de altre parti , a seconda del argomento, una sezion a parte
come vedè, essendo appena rivada, legio un poco alla volta e quindi rivo....con l'ultimo treno. Ma questa ve la voio contar: nel 2000 sono andada a Londra con mio fio e, per puro caso quando ierimo a Portobello (che originali, no?) per far taser el mulo go chiesto a un bobby (benedeti lori, i sa tuto...) dove xe la casa de Freddy Mercury. Figureve la facia che el ga fato, vista la mia età. Bon, sicome la xe relativamente vizin (le distanze a Londra xe un poco...diverse dele nostre...) el ne ga dito che la gavesimo trovada facilmente. Mi gavevo seri dubi, anche perchè, come orientamento, me perdo in coridoio a casa mia:-(((Inveze la gavemo trovada, eccome! Xe tuto el marciapiede e el muro COVERTI de mesagi de fans. Credeghe o no, go scrito anche mi! Ma la bela xe, che la casa NO SE LA VEDI!!! Xe un muro de cinta altissimo!
Almeno adesso savè che un poco mata son!
Ciao tuti
Nanaia
già. Adler, te ga ragion e se non sbaglio xe sedici che nol xe più: che spreco, tanta bela vita butada:-((( te sa ghe go praticamente tuti i dischi dei queen? e de recente i xe andai a no so che manifestazion (diria al Pavarotti & friends ani fa): se i restava a casa iera meo: perchè no finir in beleza? gavevo el ricordo de 5 scalmanai, magari trasgresivi, ovvio, ma co te son giovin, entro certi limiti se pol capir. Ma veder sti macachi, veci come mi che i fazeva i "we are the champions"......saria come vederme mi col treccine e le calzete curte (madonna santa......)
scuseme la bota de nostalgia
nanaia
... a proprio ris'cio e pericolo ;-D
