Sventato attacco terroristico per abbattere aerei a Londra

[babatriestina]

Macondo e Larry, contene tuto!
Volemo la version dei nostri corrispondenti speciai in Regno Unito!

[macondo]

In ste prime ore se sa relativamente poco. Par che i voleva far saltar in volo 10 aerei usando i bagagli a mano per portar l'esplosivo a bordo. Finora i ga arrestado 21 persone che za le iera soto sorvelianza per diverse setimane.
Risultado: completo caos nei aeroporti con voli canceladi, ritardi enormi propio nel periodo dele vacanze. Polizia armada in tute le stazioni importanti, aeroporti ecc. Qualche elicotero che svola, bagagli a mano proibidi...se pol portar sull'areo solamente el taquin, pasaporto, bilieti, ociai e ciave (gnanca un libro!!!!!).

Mi ve digo, che piu vecio divento, piu scetico son. No volesi sbaiar ma go paura che anche se un risc'io ghe fossi, adeso i lo staria esagerando per varie ragioni...

[Coce]

Mi no biasimo le forze dell'ordine per cior le misure de prevenzion, che Dio ne iuti se dovaria suceder qualche disgrazia, stemo vivendo in tempi
bruti, pieni de odio, volemo viver normalmente, ma semo veramente in guera. No so andove che andaremo a finir, almeno che' no rivemo a compromessi per conviver in armonia e pase.Ciao Coce

[Nona Picia]

In sti tempi pieni de cativeria e odio, se pensa sempre al pezo e se finirà per aver paura de andar fora dela porta de casa. Speremo che prima o dopo cambi qualcossa, possibilmente prima, però. E comunque spero che el zervel dela gente cominci presto a ragionar nel modo giusto.
Ciao ciao

[Bilbo]

i li ga fermadi in tempo.
ma pensè che i governi no savesi za de stoproblema de prima e che, fiuuu li gavemo ciapai per un pel....

no no siori, i mati saveva za tuto, ma i ga spetà per far risaltar la notizia in tuto el mondo.....

e questo come per tante altre robe.

penseghe un atimo, perchè no separla più de aviaria? che la sia sparida de colpo? o forsi la xe sempre stada, e magari i la ga utilizada solo per "nasconder" qualcosa altro?

[babatriestina]

penseghe un atimo, perchè no separla più de aviaria? che la sia sparida de colpo? o forsi la xe sempre stada, e magari i la ga utilizada solo per "nasconder" qualcosa altro?

per mi, no se parla più perchè no xe novità e perchè i ga altre robe de impignir i giornai. Co no iera de meo, i tirava fora l'aviaria.

[Larry]

Mi gavevo prepara un post per aggiungere a quel di MJacondo ma mi xe venu problemi con il PC e quando go prova impostarlo no mi lasciava e mii falliva la linea ogni 2 minuti cussi go dovu lasciarlo morire. Pero, occi anche sull'Olanda. Un aereo dall United Airlines (Americana) in vola da Amsterdam a l'India ha dovuto ritornare ad Amsterdam ed era scortata da un paio di caccia olandese. Si sono arrestati 12 passeggeri che erano abordo. Spero che i controlli italiani a Fiumicina oggidi sono abbastanza severi come quegli a Londra e Manchester perche se non sbaglio ci sono voli anche da li per l'America. E con la mia esperienza negli aeroporti italiani, nei controlli, ci mancava tanto ma tanto. Quante volte leggendo la cartella "Un bagaglio soltanto a mano nella cabina" ho visto donne che andavano abordo con 4-5 -6 sacci grandi di plastica in man, per non dire degli uomini con do o tre zaini.
Larry (l'agnello che preferisce controlli severi che un morte facile)