MESTIERI IN "MONTURA"

[LELA]

I IMPISAFERAI

I impisaferai jera vestidi con un vestito de rigadin (tessuto di contone, di solito a righine) color grigio fero scuro e par l'inverno de pano scuro; completava 'stà montura una bareta nera a tuba alta co' l'alabarda de metal bianco. I gaveva sempre con lori un manigo con un ciodo in zima per verzer o serar quela valvola tipo interutor che la impisava o studava el gas del feral; qualchedun altro gaveva sul manigo un fulminante (fiammifero) de zolfo per impisar subito el feral e co 'l stesso manigo alternando la posizion dela valvola se distudava el feral. Iera anche quei che, par no portarse drìo 'l manigo , incrosando le gambe i se rampigava fin sul feral par alternar la valvola.
Qualchedun fazeva anca 'l "servo de piaza" e par no cambiar montura 'l cambiava solo la bareta.


Nela foto in posa el capofamilia el indosa la montura de impisaferai.

Scuseme se la foto, esendo vecia, no' la xe senz'altro de bona qualità.

Ciau ciau, sempre con simpatia, Lela.

[LELA]

I SERVI DE PIAZA

I "servi de piaza" i gaveva un vestido de tela blu con una bareta basa anca de tela blu e sora 'l cuor un grando tondo de metal bianco co'l numero piturà in roso e ciamà "boleton". 'Stò boleton gaveva 'na speze de zinturin de pele con un buso ch'el serviva par imbotonarse con quel boton del vestido proprio sora el cuor.
L'alabarda che i gaveva sula bareta la jera de metal zalo.
Ognidun de 'stì "servi de piaza" i gaveva la propria zona e anca el proprio canton indove che l'aventor li trovava; fra l'altro i andava anca a impegnar roba al "Monte de Pietà" per conto terzi e par i trasporti-consegne i doprava un careto con do riode e con do manighi longhi; in mezo ghe jera come un mezo cercio.
Tuto 'stò careto jera color "sopa de vin" e i lo ciamava "sesola".

I ADETI ALE "PUBBLICHE AFFISSIONI"

I adeti ale "Pubbliche Affissioni" i jera vestidi in grigio come i "scovasini" e d'inverno i ghe dava un giacon de pano nero.

LE GUARDIE MUNICIPALI

Le "guardie municipali" de istà le gaveva divise bianche, elmo bianco e scarpe maron.

Me dispiasi, ma par 'ste tre categorie de "mestieri in montura" nò gò nisuna fotografia.

Ciau ciau, sempre con simpatia, Lela.

[LELA]

EL VALETO COMUNAL

'Sai bel de veder jera el "valeto comunal".
Come divisa el gaveva una "feluca" (tipo di cappello) con guarnizioni bianche, una jaca nera a tre quarti co' l'alabarda de fil de arzento su fondo roso, bordure arzentade su tuta la jaca che la finiva a coda de rondine, botoni cromai, Pancioto roso con ornamento bianco, camisa, fiocheto e guanti anche bianchi come i calsetoni, un par de braghe nere con fatura tra "zuava" e "pescador" che le 'ndava strenzendose soto el zenocio, scarpe nere co' 'na fibia de metal bianco.
Le guardie municipal prima e i uscieri dopo, cò i se vestiva de "valeti comunali" i ciapava un extra paga.



Un valeto comunal in montura.

Ciau ciau, sempre con simpatia, Lela.

[LELA]

EL CERIMONIER IN MEZO AI VALETI COMUNALI

Inveze el "maestro de cerimonia" o "cerimonier", par che l'ultimo a gaver gavudo 'stò titolo sìa stado un zerto "Patrizio", el gaveva anca lù la "feluca" nera co' un mezo cercio de piumete de struzo, ch'el se la meteva co le ponte una a destra e una a sinistra e in mezo, nela parte alta, ghe jera un boton in t'un triangolo bianco.
I "valeti", inveze, se meteva 'stò capel co' le ponte una davanti e una de drio. El resto dela divisa del "cerimonier" jera compagna a quela dei "valeti", però in zonta ai botoni 'l gaveva i "alamari", una fasa con in mezo l'alabarda co' la corona, cusì i valeti i gaveva l'alabarda sul cuor e lù in mezo al peto.
In te la man sinistra el "cerimonier" el gaveva un baston nero co' 'na ponta de metal bianco e, de l'altra parte, un pomolo co' do pomponi.
Cò i se trasferiva del palazo i gaveva un "mantel a roda" nero, col coleto ala coreana bordà de bianco, sempre el stema co' l'alabarda e do botoni co' 'na cadenela par serar el mantel.


El "cerimonier" in mezo dei "valeti comunali".

Me torno a scusar par la scarsa qualità del'imagine, ma se trata de foto 'sai vece.

Ciau ciau, sempre con simpatia, Lela.

[McFriend]

Complimenti Lela per la tua bella collezione di vecchie fotografie e dei tuoi ricordi della vecchia Trieste.

[LELA]

Bonzorno Mc Friend, mi spiace se le foto sono sparite, eppure avevo usato il tanto consigliatomi "imagestime".
Vuol dire che le riposterò con "imageschak"

Ciau ciau, sempre con simpatia, Lela.

[LELA]

Chiedo scusa di nuovo ' Mc Friend, ma non capisco: prima non le vedevo ed ora riaprendo il topic, le rivedo benissimo! Boooh?!?

Ri-ciaux4, sempre con simpatia, Lela.

[spritz_bianco]

ma de che epoca xe quei valeti comunai?

[Vecio Lloydian]

Anche le bilietaie in tram iera mestier comune.

[mandi]

Bella sta foto. Tempo fa avevo iniziato un topic dove parlavo del lavoro femminile durante o subito dopo la Grande guerra.Anche questo delle biietaie pol esser un esempio.De solito se vede sol foto de omeni in montura...De che epoca xe?

[babatriestina]

Bella sta foto. T..De che epoca xe?

leggo sotto 1917.
Direi che si tratta di un caso assai generale e che ebbe notevoli conseguenze: durante la prima guerra mondiale, con la maggior parte degli uomini inviati al fronte e con le stragi che ne fecero le continue battaglie fra una trincea e l'altra, su tutti i fronti, l'organizzazione civile degli Stati ebbe bisogno di chi mandasse avanti i servizi pubblici ed ecco reclutate le donne. Che al termine mostrarono che erano ben in grado di gestirli.. e quindi la richiesta di lavoro per le donne in epoche successive.

[mandi]

Con donne pagate meno degli uomini, e con scarso apprezzamento degli uomini, immagino, perché la "montura" iera poco femminil. I capelli mi sembrano raccolti sotto il berretto e quei fiocchi assomigliano a cravatte...Ma sì, le donne furono in grado di cavarsela, dopotutto, anche in mestieri allora forse poco consoni allo stereotipo femminil muliebre...

[babatriestina]

però alcune mettevano gli allora onnipresenti colletti di pizzo bianco

[babatriestina]

Chi si ricorda le discussioni e polemiche della prima ragazza iscritta al Nautico?

[Zigolo]

Chi si ricorda le discussioni e polemiche della prima ragazza iscritta al Nautico?

La iera famosa anche perché iera famoso suo papà, morto pochi giorni fa.

[Vecio Lloydian]

Anche el safer iera in montura (el nono de mia moglie "regnicolo" iera capo garas e oficina coi Cosulich)