Qua disemo: Andemo in Francia. Andemo in Francia, ma in verità andemo in Alsazia. Tanti, nele cità vizine al confin, va in Francia (Alsazia: Strasburgo, Wissembourg, Hagenau, Colmar, Mülhouse) a far la spesa. I parti la matina presto e a mezogiorno i xe de novo a casa. In pratica xe come andar in Jugo. Par questo volarla meter la mia pezeta sula cusina alsaziana. Ma go paura. Come el lupo de Gubio, saria in dubio dela vita. No ste dir a nisun el mio nome e el mio indirizo. Tuti disi che la cusina francese xe la migliore del mondo. Col mio post me farò un mucio de nemici. Ma forsi un amico, anzi un’amica. Baba Triestina?
In un momento de aberazione mentale go deciso de ‘ndar in Francia (Alsazia) a magnar, tuta una setimana. No go visto l’ora de tornar in Germania e magnar qualcosa de cristian. El backeof lo go magnà par la prima volta a Strasburgo, sensa saver cosa che magno. Ma ierrra cusssì bon! De quela volta go tentà diverse volte, anca in ristoranti cari. Donbi! (nessuna fortuna). Un’altra volta mia moglie la ga ciolto el polastro col vin bianco. Iera anca un polastro, de circa mezo chilo. Pulcherrimo visu e anca bon. Un’altra volta, vizin Kaysersberg, iera galina cota con una salsa de vin bianco. I me ciol in giro! La choucroute xe anca par mi tropo carigada. Mia mama me spiegava el problema dei capuzi garbi. Dipendi se te magni a casa (no ocori che te magni de mia mama!) xe una roba, se te magni in local xe un’altra. A casa te cusini i capuzi con lavarno (lauro), ginevro (ginepro) e dopo te meti sora la porzina o quel che te vol. I capuzi ciapa el gusto dela carne e la carne ciapa el gusto dei capuzi. In local i cusina tuto a parte e tuto sa solo de aqua. El mio dotor, quel inamorà de Trieste, me contava che graso e zucaro (zucchero) xe portatori de gusto. Una roba con poco graso no sa de gnente e una roba con poco zucaro xe meo perder. Come l’alcol nel vin. Un vin con 10 gradi no xe gnanca bevandela (gassosa), un vin con 13 gradi ga un gusto e no ocori che te se imbriaghi. Uno o do biceri basta. Adeso lasemo perder Bolunz (Bagnoli della Rosandra), ma sula strada del Teran (strada del vino Terrano) te pol magnar bene e con pochi soldi sensa ‘ndar in Francia. No te gavarà sempre fortuna. Mi no la go ‘vuda co’ go domandà risoto coi caparozoli (risotto alle vongole, specialità triestina), ma no so dove (Sgonico?) go magnà un ‘rosto de vedel coi bisi (arrosto di vitello con piselli) veramente bon. O el parsuto de Proseco e Va’ Rosandra (rifugio!) o anca el strucolo de pomi (Prosecco, Va’ Rosandra). A Opcina in albergo magnà ‘sai ben! Mi xe ani che no rivo pasar el confin francese. De quando che go dito par magnar: un antipasto e due dolci, gnente primo, gnente secondo, no i me lasa più vignir drento. Ofesa di re!
Adeso domandarè: Ma xe tuto cusì bruto? No, fioi, vardandose intorno xe tuto bel. Co’ dormo, me ciogo un bicer (no svodo!), me sento sul balcon e vardo. El ciel, la luna, le stele, qualche volta l’aqua e me digo: Ciancele, te ga un fortunon! E no solo in Francia, ma anca a Trieste, a Opcina, in Baviera, in tela Foresta Nera, in Austria. E a Bolunz, al rifugio. Par mi xe anca un rifugio. In tuti i sensi.
Ma ve gavè inacorto che no go mai parlà dele bevande? Parchè no savaria de quala parlar mal.
Spetemo ‘lora che Baba Triestina ne conti e ne fazi vedere le fotografie del suo gireto. E auguremoghe che la posi far ‘ncora tanti giri. Cusì la ne conta de novo de bele robe.
Un consilio mio: Bled, sul lago. Anca là, vedi sopra. Ve contarò de una volta. La matina iera un camion (pulman) con una zaia de gente. I ga fato marenda presto e po i xe pompai (se ne sono andati). Noi, ospiti normali, gavemo fato marenda ‘pena ale nove. Ma che marenda. Sula teraza. Una calma. Pan fresco, ovi, panzeta, luganighe, marmelata, fruti freschi, nisun che ziga (grida), sol. E la Drava (el patoc diretamente soto de noi). E de Bled xe l’autobus par Lubiana. 30 chilometri.
So che son ‘ndà un poco OT e gavevo promeso de no farlo. ma mi son marinaio.
![;--D ;--D](./images/smilies/icon_mrgreen.gif)