Vienna

[babatriestina]

Volè un poche de foto de Vienna? iero l'autunno scorso e in futuro, visto che ghe va a star mia cugina, penso che ghe passerò spesso come a Parigi..

[AdlerTS]

Sempre benvenute

Comunque l'amico del sito che disevo sora saria anche interessado a veder un giro "liberty" de Trieste. Saria diverse robe da fotografar. Magari el ne pubblica anche sul suo sito...

[babatriestina]

Ben. alora oltre al link che go messo in principio, zonterò ancora... per el Liberty, go una cartella piena de foto che stavo ingrumando spetando de far un lavoro completo e organizzado.. proverò a organizzar. metè po che ghe se daghi de far anche Zoomy.. el tuo amico no gaverà che l'imbarazzo dela scelta!
per cominciar, una vecia foto ( fine 800 del Duomo de San Stefano)
doppiamente in omaggio a Adler

( chissà? sarà un ricordo del viaggio de nozze a Vienna dei mii nonni, ultimissimi anni del 800? ma lori ga festeggiado nela Minoritenkirche, la cesa dei Francescani, la cesa dela minoranza italiana a Vienna)

[sum culex]

per el Liberty.... metè po che ghe se daghi de far anche Zoomy...

Dispostissimo: dime cossa e dove (purchè sia qua a Trieste) e mi vado, anzi no, corro, ma cola fiaca se no me ciapa el fià e me vien l'afano, me trema le man e le foto vien mosse.

ciao
zoom culex

P.S.: stago metendo a posto i 'negozi veci', altre cese, qualcossa de cità
vecia, del ghetto, ecc
I giorni passai go messo in tera i bulbi (qualcossa come 320 tulipani
e 60 crocus. Tra preparar e meter son stà per do' giorni quasi sempre
inzenocià per tera (7 ore el primo giorno e 7 ore el secondo). Perchè
Padre Eterno ga fato la tera cussì bassa?
Ve lasso imaginar, ala mia tenera età, come che gavevo le gambe e
la schena: iero diventà un poco sordo: no me le sentivo più!
Scuseme se son andà un poco fora tema (voi ghe disè OT e no per
esempio FT, no so perchè), ma go scrito tuto insieme.
Se sentimo presto.

[babatriestina]

bene, comincio continuando col s Stefansdom come che el xe adesso:fora

e dentro una navata lateral

[babatriestina]

e visto che qua ghe xe i patidi mitteeluropei, ve posto un'orgia de aquile bicipiti: ovviamente alla Hofburg

[babatriestina]

Sempre alla Hofburg, ghe xe la corona del Sacro Romano Impero ( la vera xe dentro alla Schatzkammer insieme con altri tesori)

ma ritrovemo l'aquila anche al Kunsthistorischesmuseum nela montatura de una gemma romana o rinascimental

e anche in un reliquiario ala Karlskirche

[babatriestina]

za che se parla del Kunsthistorischesmuseum, nella collezion eigiziana ghe xe i tochi dela collezion egiziana del povero Massimiliano che la gaveva ingrumada a Miramar, de noi xe solo che la Sfinge restada, là xe diversi tochi, ecove una bela testa de faraon ( Sesostris)

e questo ippopotamin de ceramica turchese, la mascotte del colezione egizia

e a Lucio dedico questi do ritratti:


i xe un vizin de l'altro .. li riconossè??
xe Don Carlos e la regina Elisabetta, i protagonisti del don Carlos prima de Schiller e po de Verdi!

[babatriestina]

La Vienna barocca e rococò xe grandiosa: eco la Karlskirche che se rifletti nel aqua

l'interno ricorda certi interni berniniani

e davanti xe una statua de cui ve posto la targa, perchè la foto me xe vegnuda un oror controluce

(nb no una nota che el iera triestin! )

[babatriestina]

El palazzo del Belvedere ga dei bei giardini, dentro xe la colezion de quadri fin de siècle ma co iero mi se vedeva pochi perchè iera una mostra sula liberazion de l'Austria dele forze de occupazion


Bele le sfingi cussì bianche? vardando de vizin gavemo visto che xe una man de pitura!
eco el atrio ( dopo no se pol fotografar)

[babatriestina]

ancora un palazzo sul barocco

e toh! alla Burgtor un nome familiar!!

el nostro Pietro Nobile , che ga fatto roba neoclasica a Trieste!
sempre per neoclassico, ma no el nostro inizio ottocento, questo xe più tardi,el Parlamento cola Minerva davanti

[babatriestina]

Ve piasi el Secession? mi no vado matta, comunque ecco a voi el Urania del nostro Max Fabiani

ecco un edificio che per mi ga qualcosssa de inquietante, come la materializzazion de un incubo

altri invece xe più solari

[babatriestina]

i parchi viennesi xe molto bei
Mozart

Sissi

e pace autunnale

[AdlerTS]

nb no una nota che el iera triestin! )

Ressel jera triestin "de adozion", el viveva qua e parlava triestin, però el iera boemo de nascita.

[Nona Picia]

Grazie, baba! Le xe proprio bele! Te ghe ne ga ancora?

[babatriestina]

nb no una nota che el iera triestin! )

Mi credo che Ressel el fossi triestin "de adozion", el viveva qua, però me par che el iera boemo de nascita.

comunque i sui discendenti xe restai triestini, un sior Ressel frequenrava i mii genitori co iero mula e Casa Ressel xe ancora in via Fabio Severo

[AdlerTS]

In attesa de Belvedere, te consiglio el sito La Belle Epoque, xe gestido da un simpatico signor tedesco che, tra l'altro, parla benissimo italian. Le foto xe tra le più grandi e de maggior qualità de quelle che se trova su internet.
Poi a sinistra della pagina indicada te ga la possibilità de sceglier altre vedute de altri punti della città.

Provare per credere

Quattro nuove città si presentano:

- Donaueschingen (Immagini da KuKS, Hannover)
- Sofia (Immagini da Velislav, Sofia)
- Torino (Immagini da Giancarlo, Torino)
- Lipsia (Immagini da me stesso)

Buon divertimento colla "Belle Epoque" www.la-belle-epoque.de !

(tra l'altro non gavemo mai fatto foto de qualità sul Liberty triestin da mandarghe )

[babatriestina]

(tra l'altro non gavemo mai fatto foto de qualità sul Liberty triestin da mandarghe )

mah, mi gavevo cominciado, a
https://www.atrieste.eu/Forum3/viewtopic.php?t=1306
e go tante altre foto, ma spetavo che qualchedun altro mostrassi un poco de entusiasmo.. personalmente no amo el Secession e dopo un poco el liberty me stufa, preferisso el neoclassico. A mi me sa che qua a Trieste qualchedun ghe piasi el Liberty perchè xe sti baboni nudi sulle facciate delle case. Me piasi solo molto zerti portoni.

[ffdt]

[...]perchè xe sti baboni nudi[...]

ma dai ;-D ;-D ;-D ;-D ;-D ;-D ;-D ;-D ;-D ... le xe finte, sa? ;-D ;-D ;-D ;-D ;-D ;-D ... capiria se le fusi vere ma cusi` ;-D ;-D ;-D ;-D

a mi el liberty me ga sempre dado l'impresion de scandal ... dopo cresendo me son abituado e adeso anca 'l me piaxi, ma no xe stado amor a prima vista

[babatriestina]

co iero picia mi, el liberty, floreale, secession, iera considerai pacotiglia de pessimo gusto, usava razionale, lisso, senza arzigogoli, i ne spiegava che la bellezza de una roba constava nel gaver quel che servi senza fronzoli vizin, e po el xe tornado de moda e i ga cominciado a far mostre, vendite, i prezzi xe andai su... se vedi che a un certo momento i se ga stufado del razionale moderno, xe vegnudo suso el post moderno e anca el liberty e annessi xe tornado de moda