La Resistenza patriottica a Trieste

[babatriestina]

un fato quotado xe "Don Marzari"
( Che xe stado liberado dala Risiera nel 1945) Mi domando liberado quando? e da chi? Perche mi personalmente al 30 Aprile 1945 me go trova' in Risiera ale 10 ame no iera nissun la'

vero, go copiado in furia, el iera al Coroneo e no alla Risiera e i disi che i lo ga liberado el 29 aprile del 45: riporto del sito del ANPI ( Associazione nazionale Partigiani d'Italia)

Nel febbraio del '45, il presidente del CLN cadde nelle mani dei fascisti della “banda Collotti”. Rinchiuso nel carcere del Coroneo, l'esponente della Resistenza giuliana fu inutilmente interrogato e torturato dalle SS. La sua sorte pareva ormai segnata, ma la sera del 29 aprile, i partigiani della Brigata Ferrovieri riuscirono a liberarlo.

per inciso, chi iera sti partigiani dela Brigata Ferrovieri? te li ga sentidi nominar?

dal medesimo sito:
Nel 2004, il Presidente della Repubblica, Carlo Azeglio Ciampi, ha concesso alla memoria del sacerdote, la Medaglia d'oro al merito civile con questa motivazione: “Fra le figure più rappresentative dell'antifascismo cattolico, sempre ispirato, nell'insegnamento e negli scritti, ai valori della libertà e della democrazia, aderiva con instancabile e appassionato impegno alle formazioni di Liberazione nazionale. Arrestato e torturato dai nazifascisti, fu liberato e, quale presidente del CLN di Trieste, il giorno 30 aprile 1945, guidò i concittadini nell'insurrezione contro l'oppressore nazista. Preclaro esempio di alto senso civile e di amor patrio”.

I Drusi xe rivai nel stesso giorno nel tardo pomeriggio del 30 Aprile e i ga circonda'i tedeschi, nela seguente mattinata i ga attaca' i tedeschi e i li ga soverchia'" PS. i DRUSI NO SE GA FERMA' a Valmaura e gnanche a SAn Giacomo, i ga occupa'la citta'intera. Ciao per el momento Coce

I Drusi ga occupado tutta la città el 1 maggio, savemo benissimo, i mii me contava che de casa nostra, vizin Piazza Goldoni, i stava lontani dele finestre perchè i se tirava de e per el castel, dove che se sa anche che i i tedeschi ga fato el possibile per arenderse ai neozelandesi e no ai titini. Ghe xe due descrizioni famose del episodio, nelle memorie sia de Santin che in quele de Cecchelin.
Quando ga cominciado a ritirarse el grosso dei tedeschi? e perchè? perchè i neozelandesi xe arivai solo el 2 maggio e ga lassado el grosso dela città in man ai titini?

[Coce]

Beta , te vedi che conversando la storia comincia a combaciar, si noi savevimo che i tedeschi fazeva resistenza in Castel e in Tribunal e che infati i aleati ga usa' l'aviazion e i carri armati per snidarli. Mi come apprendista go lavora'per riparar quei grandi portoni e le inferiade de fero batu ' del Tribunal danegiade de quela battaglia, subito dopo la guera
La ragion dele mosse dei alti comandi Alleati e Jugoslavi no saveremo mai. Xe vero che i prigionieri al Coroneo xe stadi liberadi dai partigiani, che Partigiani no so, ma un fato xe che: tuti i prigionienri se ga da' de prigionieri politici, e in mezo de lori iera tanti criminali , el risutato xe sta'' che no se podeva caminar per strada dopo el scuro senza esser rapinai de portafogli e orologi e el G.M. A. ga dovesto riingaggiar i veci polizioti in maggioranza meridionali per riacciuffar i criminali perche lori i li conoseva tuti. Tornando all' altra domanda quando se ga ritira'i tedeschi
noi savemo che durante le 2 notti precedenti al 30 Aprile lunghe tradotte de carri e militari ga viaggia lungo la via dell' Istria provenienti dall' Istria
verso la citta'. Uno pol assumer che i gaveva lassa' solamente la retroguardia nela zona de Trieste Ciao Coce

[babatriestina]

: tuti i prigionieri se ga da' de prigionieri politici, e in mezo de lori iera tanti criminali , el risutato xe sta'' che no se podeva caminar per strada dopo el scuro senza esser rapinai de portafogli e orologi e el G.M. A. ga dovesto riingaggiar i veci polizioti in maggioranza meridionali per riacciuffar i criminali perche lori i li conoseva tuti.

quela dei prigionieri che se dà tuti per politici ( e xe el viceversa dei regimi autoritari, che ciama delinquenti comuni anche i politici) xe nato istesso ala fin dela prima guerra. Però te me salti un toco, co te disi che no se podeva caminar per strada col scuro e te disi el GMA, perchè in mezo nei 40 giorni i titini gaveva messo un coprifuoco strettissimo, e no se podeva comunque caminar col scuro. Papà come medico gaveva un'autorizzazion scritta (la go vista mi nei sui cassettini) per andar a far visite mediche.
E ti el 30 aprile dove te ieri , ammesso che te se ricordi, ma robe de quel tempo forsi se se ricorda?

PS: ma finora gavemo trovado qualcossa in contrasto coi passi riportai dela presentazion del libro? anche perchè el libro finora no lo gavemo letto...

[Coce]

Credevo de aver dito dove che iero al 30 Aprile, a quel tempo gavevo 15 ani e mezo, el proposito dela visita in risiera iera de trovar viveri de magnar perche no gavevimo gnente e gavemo senti che i tedeschi iera andai via dela risiera e qualchedun gaveva trova' roba la, el nostro giro
ga dura' un paio de ore e semo tornai a casa senza gnente, el giorno dopo
iera sparatoria e el signor Clementi mio vicino de rimpetto ga perso la vita
percio' semo stai a casa o nel vicinato per 2 giorni e dopo de quel gavemo continuado andar per le caserme in cerca de magnar e de vestiario. te podaria contar un paio de incidenti anche de questo periodo ma no so se te interessaria. fato sta'che se no me gavaria rangia' fossimo morti de fame in quei giorni perche a casa no gavevimo gnente e gnanche soldi, e i negozi alimentari locali iera svodi. Ciao Coce

[serlilian]

Conta, conta!
Xe tuti tocheti de storia, che se meti insieme.

[babatriestina]

Conta, conta!
Xe tuti tocheti de storia, che se meti insieme.

gavemo propio una sezion apposta per i ricordi!

[Coce]

Ogi xe tardi, ma ve contaro' un'altro giorno come che viveva i poveri come mi in quei tempi. Go compra' un computer novo qualche giorno fa, e el me fa diventar mato perche go cambia' da Window XP a WindowVista> Ciao Coce

[Nona Picia]

Anche mi go Windows Vista, ma per le mie esigenze modeste el va benon e nol me dà problemi che no so risolver.

[sum culex]

Sul palazzo dei portici de Chiozza xè una scrita logo fora de tuta la casa che ricorda la reistenza:
"RIEDIFICO' L'ETA' NOVA QVEI PORTICI DOVE PER CINQVANTA ANNI FU LOTTA DI CITTADINI CONTRO LO STRANIERO"



Se legi come che se pol: no go rivà a far de più.
ciao
sum culex

[babatriestina]

Sul palazzo dei portici de Chiozza xè una scrita logo fora de tuta la casa che ricorda la reistenza:
"RIEDIFICO' L'ETA' NOVA QVEI PORTICI DOVE PER CINQVANTA ANNI FU LOTTA DI CITTADINI CONTRO LO STRANIERO"



Se legi come che se pol: no go rivà a far de più.
ciao
sum culex

questa no ga de far cola Resistenza antifascista e qua de noi antinazista, tanto che la casa xe una ricostruzion in stile dei veci Volti de Chiozza ( 1914- 1925/27) e i 50 anni de lotta saria 1868-1918. Fa riferimento ai patuffamenti coi primi morti ( el giovine Parisi) ai Volti de Chiozza nel 1868 fra cortei de opposti nazionalisti ( italiani e sloveni col accusa ala polizia austriaca de no esser abbastanza intervegnuda).

[babatriestina]

Ma ga confermado una cugina che al insurrezion dei partigiani italiani del 30 aprile ga partecipado de persona suo papà e anche un altro cugin de mia mama. Ormai morti tuti, comuqnue!

[Coce]

Ma ga confermado una cugina che al insurrezion dei partigiani italiani del 30 aprile ga partecipado de persona suo papà e anche un altro cugin de mia mama. Ormai morti tuti, comuqnue!

Ben xe facile de fabricar storie con le ciacole e consegnar medaie. a mi me par ridicolo de parlar de INSURREZION Al 30 aprile 1945, quando i Tedeschi se gaveva za ritira' lassando solamente la retroguardia, e dopotuto el risultato se sta' l'ocupazion Yugoslava e Anglo Americana che ga dura' 9 ani a grande discapito dela gente de tute due le parti e che continua ancora oggi. Ciao Coce

[babatriestina]

. a mi me par ridicolo de parlar de INSURREZION Al 30 aprile 1945, quando i Tedeschi se gaveva za ritira' lassando solamente la retroguardia

credo che sto discorso possi alora riproporse anche per el 25 aprile italian.. ma andemo un poco su un terren delicato..

[Coce]

. a mi me par ridicolo de parlar de INSURREZION Al 30 aprile 1945, quando i Tedeschi se gaveva za ritira' lassando solamente la retroguardia

credo che sto discorso possi alora riproporse anche per el 25 aprile italian.. ma andemo un poco su un terren delicato..

Si saria de far tante domande perche i politicanti odierni i xe maestri de racontar i eventi storici a modo suo, e se cerchemo la verita' naturalmente andemo su terren delicato . Ciao Coce

[babatriestina]

E la scritta xe stada sugerida de Benco anni 1925-27