dove xe?

[sum culex]

Difati xè nel gheto; BRAVISSIMA come al solito!!!!!!
Se no me sbaglio doveria esse via dele Ombrele.
ciao
sum culex

[sum culex]

No dovessi esser assai dificile. Speto risposte.
Dove xè sta testa se donna?



Se no trovo riscontri ve meterò qualche aiutin, uno ala volta.
ciao
sum culex

[sum culex]

No go avù nissun riscontro, nè in prò ne in contro.....
Ve meto ancora un piccolissimo aiutin: el fregio più intiero



Se gnanche questo no basta per dar una risposta (bona o sbagliada che sia), meterò un'altro pupolo ancora più intiero.
Me par strano che nissun gabi individuà el posto che xè in una zona centrale anche parcchio frequentada.
ciao
sum culex

[babatriestina]

son sicura de gaverlo visto, ma no me ricordo dove. Imagino che nol sia unico, ma ripetudo più volte su più finestre, une de quele decorazioni in serie che i fazeva una volta.
E xe anche una casa ripiturada e che ga messo i aghi contro i colombi.
Disemo che, se lo go fotografado, no lo go ritegnudo degno de una foto special come opera de arte

[sum culex]

Te ghe xè andada 'ssai vizin. Te meto ancora due foto a conferma de quel che te ga scrito. Viste le foto spero che te se ricordi de dove che xè! Speto comunque ancora una tua risposta, sperando che te se ricordi el posto.





Resto in ansiosa atesa che te vegni in mente dove che te ga zà visto sta roba! A sto punto no dovessi esser dificile....
Devo comunque rimarcar che te xè l'unica tra tuti i forumisti che tentà de dir qualcossa!
ciao
sum culex

[babatriestina]

zonteria Borgo Teresian.. anche se xe qualcossa de simile forsi anche in Borgo Giusepin

[sum culex]

Questa xè la risposta:
No xè Borgo Teresian; se trata de Piazza Cavana.
ciao
sum culex

[babatriestina]

alora andava Borgo Giusepin, quasi, ma mi pensavo a altre strade più drio.. te sa che ancora no me vien in mente quala che xe la casa? doverò guardar..

[Nini Naridola]

Piazza Cavana? Dal color poderia esser quela casa difronte alla salumeria Masé, che fa angolo con via Fortino e sotto me par che xe un bar-pasticceria?

[sum culex]

Xè piazza Cxavana tra via Capitelli e via Cavazzeni di fronte al ristorante La Piazzetta (a sinistra xè la gelateria Semola) Al pian tera no xè gnente: xè tuto serà!
ciao
sum culex

[Ciancele]

Xè piazza Cavana tra via Capitelli e via Cavazzeni di fronte al ristorante La Piazzetta (a sinistra xè la gelateria Semola) Al pian tera no xè gnente: xè tuto serà!
ciao
sum culex

Piaza Cavana. Voi podè corer là par veder dove che xe ‘sta casa. Mi no. O Dio, podaria anca mi, ma rivo forsi a Nadal. De una casa giala me par de ricordarme sula sinistra vignindo de piaza Granda. Ma dove? Xe quela dela gelateria. La prosima gaveva un picolo bar e fazeva canton con via Capiteli. La porziteria (salumeria) de Masè la xe relativamente nova. L’ultima volta che iero a Trieste, sul canton dela casa iera una pescheria. De fronte ala porziteria iera (o xe ancora?) un bar che vendeva anca pan e brios (brioches). La porziteria sula destra, dopo Seravalo, xe (o iera) quela de Fantoma.


Prima del post de Sum Culex co’la soluzion gavevo scrito ‘ste righe. Se go ben capì, xe la casa longa tra via Capiteli (sul canton iera el bancheto dela musolera) e via Cavazeni. Anca l’ultima mia visita iera tuto serà. Tra la pescheria e el canton, dove che iera un picolo bar, doveva eser un porton.
La gelateria se ciama ‘deso Semola. De un ristorante La Piazeta no so gnente. Iera la Grota de Cavana? O la betola tacada? De sera balava un mulo (Marcelina?) in copia con una baba e iera sempre pien de gente che voleva veder ‘sta rarità. Una o do volte son ‘ndà anca mi, ma (come che rispondeimo al padre confesore) sempre in compagnia.

[Nona Picia]

La gelateria se ciama ‘deso Semola. De un ristorante La Piazeta no so gnente. Iera la Grota de Cavana? O la betola tacada? De sera balava un mulo (Marcelina?) in copia con una baba e iera sempre pien de gente che voleva veder ‘sta rarità. Una o do volte son ‘ndà anca mi, ma (come che rispondeimo al padre confesore) sempre in compagnia.

Entrando in piazza Cavana a sinistra xe la gelateria, picia, che se ciama atualmente Semola. Me par che anni fa iera una dele tante de Arnoldo. El ristorante la Piazzetta se trova esatamente difronte ala gelateria sula destra dela piazza. Però devo dir la verità. el nome del ristorante lo go leto su google street view e pol darse che ogi el sia cambià. Mi co passo de là no guardo mai i nomi dei ristoranti.

[sono piccolo ma crescero]

La gelateria de Cavana una volta iera Zampolli.

[babatriestina]

confermo Zampolli e.. come sempre gavemo za tuto a casa ossia in forum
https://www.atrieste.eu/Forum3/viewtopic.php?f=55&t=2864
però s e podessi completar piazza Cavana.. cola casa restaurada d epoco, le nove panchine.. forsi gavemo anche quel , qualcossa almeno

[Nona Picia]

Grazie per la corezion, iero un poco in dubio

[babatriestina]

go zontado un tantin de foto ala pagina de Cavana, per agiornamento

[babatriestina]

adesso ve propongo mi un, de giorno no se lo nota, ma de note el xe ben iluminado:
Dove xe sto serpentel?

[sum culex]

No go la minima idea: mai visto...
ciao
sum culex

P.S.: speto che qualchedun rispondi prima de zontar ancora qualche quiz (forsi più facili) anche mi.

[babatriestina]

pieno centro, e son sicura che te lo ga fotografado anche ti, ma te devi zercar el detaglio. Se no iera la luce no me gaveria inacorto gnanca mi..

[Nini Naridola]

Fontana in piazza della Borsa?