La ferovia Trieste - Erpelle /Pista ciclopedonale

[AdlerTS]

Cui prodest?

[rofizal]

Una roba bela saria dei pasagi per pedoni sule rive e là dela stazion (o migliorar el sotopasagio che nisun usa). Farli acetabili esteticamente sembra quasi imposibile, ma pasar a pie quele corenti de trafico xe un'impresa (e là dela stazion xe tanti che se buta in mezo col riscio speso de finir soto l'auto).

[sono piccolo ma crescero]

Cui prodest?

Sarà el completamento della pista ciclabile che da san Giacomo 'ndarà a Draga lungo la vecia ferovia. Me par che manchi l'ultimo toco, che da via Doda va a Campanelle.

In definitiva la dà la posibilità da andar dal centro cità fin sul Carso in bicicleta o a pie lungo un percorso proteto. Quando stavo di fronte al Burlo la go sognada per 15 anni (e go imparà a 'ndar in bicicleta sperando che i là fazesi ). Purtropo go traslocà prima.

Quando i la verzerà, se Dio me dà vita e salute, te assicuro che proverò a farla tuta (pian pianin a l'andata perché la xe in salita e alegro al ritorno, perché in zo tuti i santi iuta). In definitiva xe l'unica pista ciclabile che gavemo in cità. Certo saria meio che ghe fusi un sistema completo de piste, magari anche in centro, ma piste vere no come quela che i ga fato da viale Miramar al castel de Miramar, che la xe per finta.

[sbriso]

http://www.ferrovie.it/forum/viewtopic. ... &start=135

te pol scuminziar a farte masagi de ojo canforà ...

[AdlerTS]

http://www.ferrovie.it/forum/viewtopic. ... &start=135

te pol scuminziar a farte masagi de ojo canforà ...

Grazie per la foto del ponte "de prima"

[AdlerTS]

Se semo dimenticadi del 50 anniversario dell'ultima corsa sulla Trieste-Erpelle:



ghe xe stado anche un annullo speciale:

[AdlerTS]

Me par che manchi l'ultimo toco, che da via Doda va a Campanelle.

Purtroppo sì. L'anno scorso finiva qua



ma adesso non xe che sia andado sai oltre

Gavemo guadagnado un viadotto !

[AdlerTS]

Finido questo però te se trovi in strada

Me son fermado a vardar un ponte, però, che al momento insisti su un tratto non transitabile.

[AdlerTS]

Chissà che significato ga queste sigle ?

[AdlerTS]

Son andado a veder la parte bassa del presunto percorso, quel tra el Burlo e San Giacomo, per veder se el ponte de SPMC xe za praticabile: no !
Xe 50-100 metri de percorso, dopo di che una rede blocca el passaggio
"Assorbido" all'interno del muro de cinta una casa go trovado un cippo



con la sigla St.B, che stava per "Staatsbahnen".

[sono piccolo ma crescero]

Chissà che significato ga queste sigle ?

Una domanda che no c'entra niente. I numeri e le letere dela figura li vedè scavai o in rilievo? Mi so che i xe scavai, ma li vedo in rilievo. Per vederli scavai devo ciapar la foto e girarla de 180 gradi (basta girar el schermo a testa in zo, o doprar un programa de fotoritocco; non servi invece meterse a testa in zo).

[1382-1918]

Mi li vedo scavai, ma capiso ben che se pol crear un effetto ottico che tendi a far veder in rilievo una roba scavada.

[macondo]

Che bel effeto otico!

Se te guardi normal, el zervel te fa pensar che xe in rilievo. Ma se te guardi intensamente la riga in alto e dopo te vardi le letere, te le vederá scavade.

Spero che me go spiegado

[babatriestina]

per quanto ghe penso, continuo a vederle in rilievo.
me ricordo che gavevo cussì una decorazion sul muro vizin del mio letin co iero picia: co iero malada, me se alternava de vederle in rilievo o scavade

[AdlerTS]

anche mi che la go fotografada non giurassi che sia scavada o in rilievo

[AdlerTS]

Parlavo con un mio collega della ferrovia, e el me ga dito che suo papà ghe ga contado che, probabilmente verso i anni 20 del 900, jera ancora abitudine per le mamme a portar i muleti sul ponte de via Orlandini co' passava el treno. Per cossa ? Perché in tempi nei quali le medicine scarseggiava, i li portava a respirar bone fumade de vapor !
Pareria che i machinisti che saveva, tirassi bone scarighe de vapor apposta proprio sul ponte quando vedeva i fioi...

Qualchidun ga mai sentido qualcossa del genere ?

[1382-1918]

Qualchidun ga mai sentido qualcossa del genere ?

Mai sentido, ma probabilmente xe vero. Solo che no so quanto fazesi veramente ben. Se el vapor iera veramente solo vapor de acqua, ok, ma magari ghe iera anche delle impurità.

[babatriestina]

un aerosol ante litteram? ma penso che sia stada solo che superstizion popolar. in famiglia de medici, mai sentido contar.

[sono piccolo ma crescero]

un aerosol ante litteram? ma penso che sia stada solo che superstizion popolar. in famiglia de medici, mai sentido contar.

Ma de fumenti te gaverà sentì parlar

[AdlerTS]

1/2 fumenti e 1/2 carbon