Triestina in serie D

[Nini Naridola]

Per evitar che el nostro caro Ciancele vadi in fibrilazion, ricordo che l'Union zogherà doman, lune, ale 8 e meza de sera el derby col Kras de Monrupin. Stadio pien? La Triestina vol adotar la formula del rugby con el "terzo tempo" ... no go capì se solo fra i giogadori o anche le tifoserie ... globaze e petess!

[Nini Naridola]

Triestina - Kras 1 a 1. Probabilmente -mi no vado a veder el balon - anche el terzo tempo (vanto del rugby) se sta strassinando fiapo come la partida.

[Nini Naridola]

Nell'anticipo de sabato a Belluno, altro KO de l'Unione 3 a 1 con i primi dela classifica.

[Nini Naridola]

Nel giorno dela Barcolana, anche l'Altovicentino indisturbà, passeggia al Rocco contro l'Union: 2 a 0. La Triestina sempre ferma a 2 punti in classifica.

[Ciancele]

Nel giorno dela Barcolana, anche l'Altovicentino indisturbà, passeggia al Rocco contro l'Union: 2 a 0. La Triestina sempre ferma a 2 punti in classifica.

Nini, 'deso te sa parchè me go autodefinì "resiliente".

[Nini Naridola]

Quanti "Joule" te arivi a soportar con sta Union?

[Nini Naridola]

Altro patratrac de l'Union! A casa del Giorgione finida per due a uno per i paroni de casa. Sempre più sul fondo!
Mi son andà a Prosecco a veder la partida de rugby tra el Venjulia Ts e el Portogruaro: gavemo vinto -anche ben: 28 a 7 (me par)- pecà un arbitro che fis'ciava tropo (e quasi sempre contro!). Tanto pubblico in un bel pomeriggio de sol!

[babatriestina]

che figura !

[Ciancele]

Altro patratrac de l'Union! A casa del Giorgione finida per due a uno per i paroni de casa. Sempre più sul fondo!
Mi son andà a Prosecco a veder la partida de rugby tra el Venjulia Ts e el Portogruaro: gavemo vinto -anche ben: 28 a 7 (me par)- pecà un arbitro che fis'ciava tropo (e quasi sempre contro!). Tanto pubblico in un bel pomeriggio de sol!

Noi gavemo perso, anca fora, par tre a uno e me imaginavo che anca la Triestina perderà. Mal comune mezo gaudio.
Par no sentir gnente mi son andà in Francia senza television, sensa telefono e sensa giornai, e go pensà che xe sempre tempo par le brute notizie.
Là me son dà ai bagordi: go bevù gewürztraminer e magnà salame e tete de moine. No xe una parolaza, xe un formaio francese fato con pasta semidura. Par talian el se ciama testa de monaco. El vien taiado intorno e magnà con pan e butiro. Co’ se lo meti via el vien coverto con una straza bagnada. Come i musoli. A proposito de musoli: Baba Triestina ga meso una foto del canton de via Cavana con via Capiteli dove che xe la statua de una madona. Su l’altro canton iera un musoler, anzi una musolera. No voio eser blasfemo, ma penso che forsi, col suo potere divino, la se gavarà fato ogni tanto una porzion. Lontan no la gaveva. Mi me gavaria fato!

[Nini Naridola]

Ennesima débâcle per la Triestina! L'Union Ripa Fenadora di Seren del Grappa (più lettere che abitanti) espugna il Rocco con un gol all'87°.

[Ciancele]

Ennesima débâcle per la Triestina! L'Union Ripa Fenadora di Seren del Grappa (più lettere che abitanti) espugna il Rocco con un gol all'87°.

Nini, qua 4 a 5 con el gol anca a l'ultimo momento, anzi ultimisimo!
La Setimana Enimistica diseva sempre: Basta salute!

[sono piccolo ma crescero]

Per Ciancele: oggi pareggio 1-1 col Padova (altra nobile decaduda) in trasferta, me par.

[Nini Naridola]

SPMC ga previsto tuto: mi son 'ndà a veder el derby de rugby (Venjulia TS contro Udine - 13 a 6).

[Ciancele]

Per Ciancele: oggi pareggio 1-1 col Padova (altra nobile decaduda) in trasferta, me par.

Cosa vol dir: Me par? No te son sicuro? Xe 'ncora speranza?

Una robeta per Nini Naridola: Legendo i post, me go inacorto che ale partide che te va ti la tua squadra vinzi squasi sempre. Se vedi che te porti fortuna. No te gavaria una "giornada sociale" de sacrificar par 'ndar a veder una partida dela Triestina? Son disposto a pagarte l'otavo. Un grassie in anticipo da parte de tuti i tifosi che spero che i fazi coleta.

[Ciancele]

Caro Nini, touche xe anca una espresion dela scherma: tocco. Go scrito par talian e con do C par no confonder con toco (per i non autoctoni: bella e prosperosa ragazza). El tus, che saria l’inchiostro de China, no centra (non c’entra). Chi che parla par fin, inveze de dir te me ga ciapà disi TOUCHÉ. Chi che parla par fin, no ghe disi pataton a un che ga fato una bela performance (prestazione) ma CHAPEAU. Ma bisogna saver parlar par fin.
No ‘ta te far problemi par l’Unione. El mio iera schwarzer Humor, black humour o anca umor nero. De no confonder coi quatro umori. O sì?
Go visto che gavemo ‘pena (o za?) tre paregi. Semo a soli vintido ponti dela testa dela clasifica. Se i ne dasi tre ponti anche se perdemo, in poche partide li ciapemo tuti.

[Nini Naridola]

Caro Ciancele.
Altro risultato che no se discosta dalla “standard deviation” de sto campionato de l’Union: al Rocco 0 a 2 per el Montebelluna!

Parlemo de rugby .. che xe mejo!
Mia fia ga scritto poco fa su Facebook:- Mattinata ricca di emozioni per il piccolo rugbista di casa alla sua prima partita!!!
Mi, che ovviamente iero sta là a veder el mio nipotin, go fato un comento:-
“ Il piccolo Davide –forse il più piccolo (5 anni)- a fine partitella si è rammaricato, sereno:-“Nonno, non ho fatto neanche una meta; erano più forti!”. La risposta di suo papà (mio genero, non rugbista come me) è stata esemplare:- “quando io facevo i miei sport, cercavo di confrontarmi con i più forti degli avversari: solo così potevo imparare; affrontando i più deboli non sarei migliorato perché non avevo nulla da imparare da loro!” (… sottinteso che compararsi con i più “scarsi” ti dà una effimera soddisfazione!)”
Xe longo el discorso sui valori che te pol dar el sport. Mi, che go fato un poco de atletica-mezzofondo, go imparà a dar tuto de gambe e de fià … però devo dir che me alenavo poco perché vedevo mio cugin , campion italian junior, massacrà! Dei veci atleti tipo Crasso, Burlo, Ercolino Delli Compagni, Oscar Verona ed altri go imparà la “signorilità”. Anche pallacanestro me piaceva: me iero costruì, de muleto un “cesto” impicà in corridoio de casa che iera longo 16 metri; andavo in ricreatorio e gavevo un tiro micidiale, son andà ala Ginastica triestina, ma iero tropo picio (son rivà all’1.76). Cussì son andà a giogar a 15 anni a rugby e là go imparà (oltre che lavarghe le straze piene de fango dei “veci marpioni”) el spirito de squadra, de la bandiera dela maja.
Ovviamente, come tuti, go giogà anche a balon … (in difesa) no gavevo molta tecnica sul controllo de la bala, ma gavevo anticipo, velocità e fià.
Più che cinquantene, per darghe una man al Sistiana calcio, go fato el “dirigente accompagnatore”. El discorso che ghe facevo ai zogadori iera più o meno questo:- “muli, semo in seconda categoria, gavè oltre venti o trenta anni. Perché zoghè? Perché ve piasi e volè divertirve. Se ieri dei fuoriclasse a sta ora no ieri qua: quindi divertive. Mi, come savè, zogavo a rugby, quindi no voio sentir protestar co l’arbitro –tanto savè benissimo che no servi a gnente, anzi!- El primo che ciama “Mister … o arbitro” lo metò fora!
... e stasera me fazo un schinco co le patate!

[VetRitter]

[Ciancele]

Nini mio, ti te te lamenti. Noi gavemo ciapa el dopio: 4 a zero in casa. Altra sielta no iera, parchè i ga zogado contro el Bayern München. I ga dito che i xe contenti cusì, parchè quatro baloni contro Monaco xe pochi. Chi si contenta gode.
Spero che te gabi godù anca ti el schinco. Iera de vedel? El mio prosimo schinco xe de porco, con una bela crodiga crocante. Crompo tre schinchi, magno solo la crodiga e buto via el resto. Quando? Mercoledì 10 dicembre, de mio fio, crompadi sul careto. Costo: 4,50 euro per ca 7/800 grammi. Se no te ga altri apuntamenti, vien su ‘sto mercoledì. Te ofro mi el schinco. De Trieste xe gnanca 1400 chilometri. Speremo che contando quel che costa 2800 chilometri no te vegnarà voia de tirarme una piadona nello stesso.
PS 1: Ercolino. Disco. El mulo iera più vecio de mi. Penso che el sia nato intorno al 1915. Lo vedevo solo ai campionati. El devi aver fato anca geto del peso, insieme con un altro che me scampa el nome. Go però ancora tuti i risultati de quela volta. Con Burlo corevo le campestri. Co’ rivavo mi, el più picio, el più giovine, lu se gaveva za fato la docia, tre cafè e do trapete. Go scrito un post su de lu. Un signore. Contro Crasso, dopo la guera (1946-1947) go marcià spesso e anca là go scrito un post. Go parlà con lu al telefono qualche ano prima ch’el mori par saver notizie de Cressevich e Zerjal (Pino). Un bon putel. Ma chi iera Verona? Sicuramente no atletica o nuoto. Altro no go fato.
PS 2: El mio putel, 10 ani, zoga balon. Anca mi go zogà balon con la squadra dela dita. Terzin distrutore. Anca mi gavevo velocità e fià. Quel che manca adeso.

[Nini Naridola]

Ercolino iera strazariol in via Marconi-Carpisonn e el fazeva anche el peso. El ga un fio (anche lui ga giogà a rugby fazendo anche peso e disco- el devi esser ancora nelle liste regionali; adesso so che el fa golf. El devi esser del 46~ quindi suo papà podeva esser, no del 15 perchè nol gavessi podù zogar con mi nel 56, oltre i 40 anni, ma poco dopo. Oltre che Tosi-el rival de Consolini- per la Giovinezza TS iera Beppo Bonifacio (altro bestion, amico de Ercole e autista de l'Acegat. Oscar Verona iera sta olimpionico de lotta libera a Londra, maresciallo dei pompieri, anche lui rugbista. Se gavevimo trovà in ospedal, per caso, in ortopedia, mi con una gamba rota e lu col bacino. El pesava sui 140 kg e per meterghe l'imbragadura per el bacino, ga dovù intervenir i sui coleghi pompieri!
P.S. El schinco iera de porco ... preconfezionato e fato in micro-onde col grill ... el se ga lassà magnar!

[Ciancele]

Ciao Nini Naridola e grassie par l’informazion.
Difatti el Verona no lo go mai sentido. Come che go za dito, Ercolino iera più vecio. Forsi el gaveva solo diese ani de più, ma par noi, muleria de 15-17 ani, el iera un omo vecio. Te ga ragion, me par che l’altro xe ciamava Bonifacio. Tuti e do i iera squasi el dopio de noi. Anca Consolini pareva un gigante, ma me par che el iera più picio de Tosi. Tosi iera co’le guardie del papa. Se me ricordo ben, tuti i più tochi (migliori) (Zitelli, Longhi ecc.) iera dela Giovineza, ma i coreva anca par un’altra squadra. Dopo la guera xe vignuda la democrazia Cristiana e la Libertas e l’altro partito, quel co’ l’edera gaveva la squadra de l’Edera. Crasso, del CRDA Mugia, gaveva fondà nel 1945 la San Giacomo. Mi dovevo andar anca con Crasso par via dela marcia, ma son andà a l’Edera col mio amico Stelio. Semo pasai del DIMM al CRDA Trieste e da questo ala Edera. Un ano, che l’Edera iera batuda de schei par via del partito, coreva par ela Filiput sui 400h e Tosi nel disco.
Za che semo OT, parlemo de schinchi. Qua: schinchi de galina. Par tuti i cantoni xe camper atrezadi che fa galine roste e schinchi rosti. Te pol crompar meza galina, ma anca sole gambe, con un panin o con patate frite. Chicken and chips. La roba xe ‘sai bona, parchè sia la galina che el schinco de porco i xe crudi e vien rostidi sul girarosti. Me ricordo nel 1964 ierimo a Viaregio, pena ‘rivai. Gavemo ciolto una galina rosta, ma no sgnesola (piccolina), granda come che se devi. In una specie de fritolin. El mato lo ga onto con rosmarin. Insoma iera veramente bon e gustoso. La mula la ne ga contà che i xe ‘pena sposai e che i ga fato el viagio de noze. Dela pronuncia la devi eser stada meza furlana, parchè la ga dito: Abbiame fatte purre lu campinge.
A Lignan gavemo magnà polo ala diavola, sul fogo de carbon. Anca distinto. Mi fazo ogni tanto ale de galina col vin bianco e pirè (purea) de patate. No so se el forno a microonde xe adato per rostir.