Cuciniamo? Oggi in Tavola!!!!!

[Ciancele]

Xe za do volte che al mercato i vendeva funghi del tipo chantarellus cibarius, conosudi soto el nome de gallinacci o finferli. Par gnoco: Pfifferlinge. No i iera cusì bei come in television, ma i iera neti, no tirai fora del scovazon. Li go ciolti e fati in farsora con una schalotte (échalotte? / erba cipollina?), parsemolo e pana. Butai sui tagliolini cibarii de Rana, freschi. Do volte una drio l’altra. Con pasta calda. Ghe ga piaso anca ala putela. La me ga dito bravo. Fruti: sariese, nere, grose, dolzi. A 10 euro. Ma bone. De solito ‘ndemo del contadin a ciorle e paghemo 8 euro. Ma 40 andata e 40 ritorno. Ciolemo sempre 5 chili, anca pai fioi.

[Nona Picia]

Col caldo no se ga voia de cusinar...
Ieri go fato minestra de verdura che servirà per ogi....e anche per qualche altro giorno perché una parte la meto in congelator

[babatriestina]

Li go ciolti e fati in farsora con una schalotte (échalotte? / erba cipollina?),

échalotte xe scalogno par talian, In triestin no so. Un mix fra aio e zivola, diria

[Ciancele]

Li go ciolti e fati in farsora con una schalotte (échalotte? / erba cipollina?),

échalotte xe scalogno par talian, In triestin no so. Un mix fra aio e zivola, diria.

Sì, difati, fa parte dela stesa familia, ma ga un gusto più fin dela zivola. Par la bisteca cola zivola, se ciol zivole, parchè 'lora te ga un gusto forte, come che se ciama. Ma lo scalogno vien dela cusina francese: échalotte. Se usa 'sai nela cosideta alta cusina. Apunto quela de Ciancele.

[Ciancele]

Bongiorno e bona domenica a tuti. Fioi, son goloso. No de zucaro, ma de fetine de fileto de porco impanade. Go circa 40 deca de fileto, lo go taià a fetine e pestà e tra poco andrò a impanar. E magnar sensa gnente, con una roseta. Anzi do. Ve contarò.

[babatriestina]

no cusino e no go gnanca comprado, ma ogi al mercato go visto i ranglò

[Ciancele]

Bongiorno e bona domenica a tuti. Fioi, son goloso. No de zucaro, ma de fetine de fileto de porco impanade. Go circa 40 deca de fileto, lo go taià a fetine e pestà e tra poco andrò a impanar. E magnar sensa gnente, con una roseta. Anzi do. Ve contarò.

Domenica, lunedi e martedi ogni sera do rosete e carne. No me son stufà. Ieri sera inveze go butà strambo e go speso un mucio de soldi: me go fato do ovi friti con una zivola e una roseta dopia. Forsi tuti ridará, ma iera cusì bon.

[Nona Picia]

Mi no rido, me piasi più dela carne!

[Ciancele]

Mi no rido, me piasi più dela carne!

Te te pol imaginar che mi, con 95 chili, no son a dieta e no patiso la fame. Ma ogni tanto ovi cola zivola o col parsuto coto e con pan, caramai friti, zuchete e melanzane impanade o pasta e fasoi cole crodighe xe una delizia.
E sicome che il riso abbonda ... go deciso de farme una de risoto coi caparozoli. La decisione é presa, manca solo la messa in opera.

[Nona Picia]

[Ciancele]

In una delle sue frequenti visite a Trieste mia moglie è stata contagiata. Si è presa una pastaefagiolite cronica, irreversibile. Un morbo epidemico, molto diffuso a Trieste. Indovinate quindi cosa mangeremo oggi a pranzo. In mancanza di cotiche di difficile reperimento o dell’osso del prosciutto crudo introvabile, ha preso quello che offre il mercato al nord. Per non passare per nostalgici, berremo un rosso francese.

[Ciancele]

Quante volte no son sta a Meran e quante volte no go caminà soto i volti. E altretante volte go visto la gente che magnava polenta e funghi. In tun momento de aberazione mentale go deciso de far anca mi polenta e funghi. Yesterday was the day. Go ciolto circa 30 deca de funghi (10 deca de champignon, 10 deca de gallinacci e 10 deca de porcini). Un bicer de pana. Su consilio dela nostra Baba go ciolto polenta istan (instant). Par mi i funghi gaveva poco gusto. In internet le ricete disi de cior solo galinaci e siampignon. Forsi la prosima volta ciogo 20 deca de galinaci e 10 deca de siampignon. Penso che i galinaci gabi un gusto più forte e più bon. Una riceta ga dito de cior anca 4 deca di funghi porcini suti. I funghi suti dà un gusto ‘sai bon a tuto. Una riceta disi de meter un sluc (sorso) de bianco. Go deciso de provar ancora.
L’ultima idea che me xe vignù, e me vergogno, xe che sicome che no go mai magnà no gavevo alba de come che posi eser. Go vu ragion? Ala prosima volta l’ardua sentenza.

[babatriestina]

Iera aio? come xe vegnuda la polenta " a presa rapida"?

[Ciancele]

Iera aio? come xe vegnuda la polenta " a presa rapida"?

Bongiorno, bongiorno. Me piasi quel "a presa rapida": Terminus technicus.

Disemo che no go trovà diferenza con la polenta normale. D'ora in poi solo a presa rapida.
Naturalmente go meso aio. La putela ga dito anca zivola, ma nisun no meti zivola. Vedaremo.

[Ciancele]

Ieri go fato i spagheti coi fruti di mare. Ala putela ghe ga piaso. Ela la conosi i fruti di tera, che saria fragole, more, ribes. Dei fruti di mare la conosi solo i datoli che cresi in graie de scoi (cespugli di pietre). Me ricordo che iero in barca con mio papà e gente rompeva piere col martel e tirava fora i datoli. Tuto el resto xe pesi, caramai o conchiglie. Par talian se distingui totani, seppie, seppioline, calamari e calamaretti. Ma xe tuto caramal. Solo i folpi no. Lori i xe Oktopus. Par talian se ga vongole, telline e un’altra roba che qua xe tuto Venusmuscheln = vongole. I pedoci xe Miesmuscheln. Datoli no se trova più. Bisogna ‘ndar de note nela speranza che no i ne ciapi.
Martedi o mercoledi tento de crompar fileti de pasera. Bei, quasi 20 deca. Ma a 30 euro. Par 25 trovo fileti de pasereta, de circa 8 deca. I xe meio par far rodoleti de pasera, sfoia e salmon. Ma par frizer ghe vol almeno do o tre. Forsi i iera grandi, ma i se ga strento par strada. Quel che vendi a 30 euro ga roba più fresca che viene de Amburgo: mercoledi, giovedi e venerdi matina. Anca bacalà fresco, bei tochi, anca a 30 euro. El ga anca pedoci. Ma de martedi me fazo 8 chilometri parchè trovo anca caparozoli, che me go deciso de far col risoto. Speremo che la me vadi ben: fortuna audaces …

[babatriestina]

Datoli de mar xe proibiti e dà multe cussì se i li beca. Ma oltre che vogole/caperozoli, qua xe canestrei e capesante. A me i fileti de pasera no me convinzi, come che te disi ti i se strenzi. Bacalà o meio merluzo fresco, i meo tochi xe cuori di filetti di merluzo, prezzo acetabile e vien ben al vapor se se xe in dieta o anche gratinai in forno con pangratado, sal pevere e erbe. Po i vendi asià che saria palombo, un giorno go trovado i do ( asià e merluzo) a tocheti e go fato grigliada. Ma qua i xe sui 20 euro de solito. Mi coi fileti de passera la massimo faria ripien per ravioi de pesse.

[Ciancele]

I fileti de pasera che se strenzi go dito par scherzo, parchè i xe pici. Le pasere intiere i le vendi sui 9/10 euro. Quele netade, sensa testa, a 10/12 euro. I fileti dai 15 ai 25 euro. Ma pici. Sicome che i xe in iazo e chisa quanto par strada, go dito che i rimpicolisi, che i xe strensi durante el trasporto. Quei bei grandi i costa 30 euro.
Ieri go visto in Internet el mercato del pese de Ciosa (Chioggia). Me go rabià. Mio fio iera in vacanza vizin Ravena e el me ga mandà una foto de un picio negozieto de pese. Con una oferta più granda del più grando negozio de qua. Ani fa iero a Gant, in una enorme pescheria. De quela volta me insogno sempre de svolar a velocità ipersonica par 'ndar a comprar là pese. Anca piati pronti, solo de cusinar o scaldar.

[babatriestina]

Anche quel de Rialto xe pien de roba e prezzi più che onesti. Qua adesso anche zerti superemrcato ga cominciado e tegnir un banco de pesse gnente mal. A volte anche qualcossa pronto de cusinar

[nonna ivana]

Da tempo compro pesce già cotto alla nostra coop, è eccellente, alle coop dei paesi vicini non è all'altezza del nostro, così mi trovo molto bene, niente pesce da pulire, spiedini da preparare, non mi sembra vero! C'è anche molta scelta a prezzi onesti, e pesce fresco, che arriva direttamente dalla riviera romagnola!
Penso che in questi supermercati conti molto la capacità ed esperienza del capo negozio!

[Ciancele]

Da tempo compro pesce già cotto alla nostra coop, è eccellente, alle coop dei paesi vicini non è all'altezza del nostro, così mi trovo molto bene, niente pesce da pulire, spiedini da preparare, non mi sembra vero! C'è anche molta scelta a prezzi onesti, e pesce fresco, che arriva direttamente dalla riviera romagnola!
Penso che in questi supermercati conti molto la capacità ed esperienza del capo negozio!

Hai ragione, Nonna Ivana, molto (tutto?) dipende dal capo negozio.
Dipende in particolare anche dal pubblico di compratori. Dove vivono in prevalenza operai, specialmente turchi, trovi più carne di vitello ed agnello e pesce, freschi ed a prezzi accettabili. Dove ci sono villette o condomini, puoi acquistare altra roba. Ad es. bistecche di manzo. Vongole veraci a 3,20 euro. All'etto.

Una buona giornata ti augura Ciancele.