El Canal Grande e Piazza Ponterosso

[sono piccolo ma crescero]

E questo me spaventa: el tram de Opcina, la galeria de piaza Foraggi, Ponterosso (forsi anche el ponte curto?). Femo scomesse su come che 'ndarà a finir l'ovovia?

[Piereto]

Savè za che el ponte bianco-verde sul canal el necessita de lavori de consolidamento e che i ga tentado de far el lavor partendo sottto el ponte coi pie sul greto del canal. Operazione falida e nel fratempo tutti i tir e i bus no pasa più sul ponte. Alora bisogna scoperchiarlo e sostituir io travi andadi a remengo. Costo piu de 2 milioni e no xe bori, per cui ocori un stanziamento governativo. Bon ve meto una foto dei anni 1930 in cui se vedi ben che ghe iera allora do ponti una tranviario e un ferroviario ( la linea de le rive) A parte el trafico diria inesistente se vedi la gru che iera fora dell'idroscalo per tirar su i idrovolanti e no iera ancora sta costruida la casa del lavoratore portuale.

riva 3 novembre anni 30 .jpg (88.38 KiB) Visto 1455 volte

uscita del canal e i due ponti .jpg (34.81 KiB) Visto 1455 volte

ve zonto una foto del canal ciapada dall'altra parte nel 1946. Sulla sinistra la de le generali ghe iera el comando dei Inglesi e del bedfor. Fora xe i auti dei militari , e se vedi el muro pareascheggie fatto, dai tedeschi per difender el porto da i colpi de artiglieria . E esisti ancora i do ponti tramviario e ferroviario.

la riva e el canal nel 1946 .jpg (84.02 KiB) Visto 1455 volte

[Piereto]

Xe za pasadi tre anni che i autobus e i tir no pasa più per el ponte sul canal grande in marina (ponte verde e bianco unificadi). Pasando de sora no se vedi crepe , ma par che de soto andando in barcheta i devi aver visto che xe sai feri ruzini e che el calcestruzzo xe a remengo. Se ricordemo che i voleva sistemarlo per de soto e che quindi i doveva impedir che l'aqua de mar podesi entrar in canal. Afar andado sbuso perchè el fondal no iera de tuto fango e quindi iera dificile meter le paratoie. Nel fratempo i ga fato un do calcoli e al comun no ghe rivava i bori per sistemar sto ponte. Adeso i ga deciso che saria sai interessante far dei carotaggi per veder che teren che xe soto i pilastri . Ma alora forsi i lo buta zo e i fa un ponte novo con travi prefabricadi. Me ricordo che una volta pasava anche el treno de sora almeno fin i anni 70 e quindi se parla de un carico de decine de tonellate e anche i carriarmati xe pasadi de sora . Staremo a veder.