dove xe?

[babatriestina]

no.

[Nini Naridola]

Forsi, allora, la statua de Teti, palazzo del Lloyd in piazza Unità d'Italia?

[babatriestina]

Forsi, allora, la statua de Teti, palazzo del Lloyd in piazza Unità d'Italia?

[sum culex]

Un altro pupolo che forsi no sarà dificile de individuar. Dove xè sta specie de 'roson' (?).



Xè in pien centro cità. Speto i vostri interventi!
ciao
sum culex

[babatriestina]

Volessi dir in Corso, se altri no disi specificherò meio

[sono piccolo ma crescero]

A questa ghe rivo fin mi...

Iero convinto de ver za publicà due foto che gavevo fato, ma no trovo se e dove (epur le go trovade carigade sul sito). Mah...





Me gaveva incuriosido el palazo, perché bastanza diverso dai altri e anche perché, de quando i lo ga netà, se lo nota de più.

P.S. Me par che el Corso sia poco coverto con le foto, te ga capì sum, date una mossa.

[babatriestina]

come che vedè, i ga netado un poco el palazzo. Stile copia-rinascimento veneziano. El vero metteva tondi de marmo colorato.
Per el Corso, mi spetassi ancora che i finissi de refar un acasa in restauro in alto.
mi stago anche pensando a una zona de aggiornar, che me par che sia cambiamenti, ma ve lasso in sospeso dove..

[sum culex]

Bravi babaTS e SPMC: xè proprio el Corso; imginavo che fussi stà facile almeno per voi!
Queste xè le mie foto de risposta e conferma. Simili a quele che xè stade messe da SPMC





Ai prossimi quiz, ciao
sum culex

[babatriestina]

eco un vero palazzo venezian a cui el nostro de pol gaver ispirado

[babatriestina]

Ogi ve propongo mi...
xe un detaglio e posso anche dir che xe de un porton. Ma dove e in che via?
perchè el xe un poco diferente dei altri, con ste conchiglie.. credo che nol sia in nissuna parte del forum, o forsi de sbriss in una..

[sum culex]

Sti detagli cussì ingrandidi no riesso a capir dove che possi essser, opur mi no li conosso.
Speto de veder altre risposte o la tua, cussì forsi capirò se no conosso o se no capisso!
ciao
sum culex

[babatriestina]

el motivo che lo go scelto inveze de tanti altri xe le conchiglie: un motivo no tanto diffuso a Trieste... anche se semo sul mar

[babatriestina]

Ve aiuta de più?
me par che no lo gavemo in forum, no so come che me xe scampado..

[sum culex]

No me aiuta de più!!! No son in grado de dar nissuna risposta
ciao
sumj culex

[Nini Naridola]

Forsi xe el porton dela casa de via Roma tra via Geppa e via Galatti?

[babatriestina]

proprio quel...

podè veder el numero..
el me ga colpido per alcune ragioni:
1 no me par che el sia ancora in forum gnanche nela pagina dei panduri
2 el xe ben neto come tuto el porton
3 le decorazioni con volute e conchiglie xe tipiche del rococò, per cui se nol xe setecentesco, el richiama ancora quel stile. I successivi xe più neoclassici.
In effetti, quel che i ciamo Teresiano nord cioè el toco de borgo Teresiano fra el Canal e la Stazion xe stado assai degradado, anche grazie prima ai negozi dei jeansinari, poi dei cinesi, dele babe per i cantoni de notte.. ma adesso i sta restaurando e el progetto pote Curto- via Trento nova etc come che i ghe disi el novo asse pedonal sta mostrando tante robette interessanti.. son andada a far quatro passi giorni fa, go za un per de foto, anche se sarò de completar co i gaverà finido largo Panfilli in giro dela cesa protestante. Zoomy, tiente pronto...

ah sì, el celestin del a prima foto.. iera el riflesso de un bus che passava soto!

[sum culex]

Zoomy, tiente pronto...

Me tignirò pronto; ma coi oci che me ritrovo fazo assai fadiga, non ostante i ociai novi.
ciao
sum culex

[babatriestina]

ma ti ormai te pol far bele foto quasi a oci serai...

[sum culex]

ma ti ormai te pol far bele foto quasi a oci serai...

GRAZIE!!!! Ma purtropo no xè proprio cussì.

Mi go ancora tre serie de pupoli fati diversi ani fà che poderia andar ben come quiz, ma temo che i sia tropo facili. Questo xè el primo.



Come al solito speto risposte. Dopo meterò i prossimi. No voio meterli contemporaneamente perchè me dà l'impression che i possi far confusion.
ciao
sum culex

[babatriestina]

no digo gnente perchè no solo el xe tacado de casa mia, ma lo go fotografado l'altroieri..