Triestina in serie D

[Nini Naridola]

A Chioggia: Clodiense-Triestina 1 a 1.
Caro Ciancele, te gavevo risposto alla tua precedente ma, adesso no go più visto niente. Te disevo, tra le altre robe -tutte OT- che Tosi iera corazzier e no guardia svizzera del Papa. E che gavevo conossù Armando Filiput in ocasion de una staffetta (della Vittoria) da Monfalcon a Redipuglia che lui gaveva organizà... e pò altri altri atleti de la Giovinezza come Albanese e Venturini (alto e ostacoli), Pellarini (lungo e basket) Della Ginnastica Riosa (100) e Piero Franceschini (peso, disco e basket) e altro che no me ricordo più.

[Ciancele]

Caro Nini, me dispiasi, ma dopo el mio post del no go leto più gnente. Per favor mandime de novo. So solo che Tosi iera qualche roba come corazier, credevo del papa. Dir che conosevo Filiput xe esagerar un poco. Mio iero tropo mulo. Come dir che conosevo Otavio Misoni. Li go visti un per de volte, ma noi ierimo tropo lontani de lori. Albanese lo go inveze visto speso, anca parchè in inverno el fazeva le campestri curte: un o do chilometri. El iera campion universitario sui 110h. Bernes, anca nostro, fazeva l’alto. I altri nomi li go forsi solo sentidi, anca Riosa. Mi go fato l’ultima gara nel 1952. Quando che fazevo gare iero sensa alenamento, parchè no gavevo tempo. Qualche volta andavo in stadio e fazevo el pal (saltavo il pasto). Un de l’Edera che ga fato ben iera el mio amico Giovgio (Giorgio Rizzi: alto e 110h). Monti fazeva i 2 e i 4. Ma no go mai più senti del lu o visto. Go visto una volta anca Oberweger, l’alenador dela nazional. Cressevich me ga presentà a lu come giovine prometente. No’l saveva che sono mariner, che no mantegno mai le promese.

[Ciancele]

To whom it may concern: Gavemo vinto 3 a 1 in trasferta contro una squadra più forte. I parla de una picola sorpresa. Mi che spando parlo de una granda. Parchè ve conto? Par darve un picolo consiglio come scriver su l'union.

[Nini Naridola]

... te me spiazzi, Ciancele! "Grande" sorpresa al Rocco: 0 a 0 (zero a zero)

[Ciancele]

... te me spiazzi, Ciancele! "Grande" sorpresa al Rocco: 0 a 0 (zero a zero)

Nini, devi eser el ponte Germania - Trieste.

Ma scusa, parchè grande sorpresa? I doveva perder e no i ga perso?

[babatriestina]

beh, me par che i ga interrotto una serie de sconfite una drioman

[Nini Naridola]

A Dro, altro punto rosicchiado dalla Triestina: 1 a 1

[Ciancele]

A Dro, altro punto rosicchiado dalla Triestina: 1 a 1

Nini, no go capì ben. Rosicchiado dalla o ala Triestina?

Stago perdendo colpi. Ogi gavemo giogà e no son 'ndà ancora a vardar come che la xe andada. Se vedi che divento vecio.

[Nini Naridola]

La Triestina ga segnà per prima alla fine del 1° tempo; dopo 3 minuti el Dro ga paregià.
Rosigà "da o a"? Chi pol dir? El toco de formajo xe sta spartì da do squadre che no brila.

[Piereto]

A quanto la retrocesion de tute e do ?. Disè che basta un fià de sidol per onzer l'unione e farla brilar ? Se salva qualchidun ?

[Nini Naridola]

Eh, caro Ciancele, el nostro fanalin de coda no riva 'ndar oltre el paregio col Tamai. Al Rocco 1 a 1. Anche el Kras de Monrupino - Rupingrande xe mal messo come l'Union.
Ogi, purtroppo no son rivà andar a veder la partida de rugby: speto che qualchedun me comunichi el risultato ... ma la sarà dura!

[Ciancele]

Nini mio, bon giorno. No son maleducà. El mio putel el iera in ospedal, malà. Lo gavevo portà del dotor. Sì, qua gavemo un dotor anca pai computer: PC-Doktor. Cusì no podevo ringraziarte. Ogi son ‘ndà a ciorlo. La squadra iera in trasferta a Trieste e un paregio con una squadra più in alto no sta mal. Qua gavemo vinto 5 a 2 in casa. Contro una bona squadra, che ‘sto ano ga però problemi e scombati par no ‘ndar in B. Come al solito, mors tua vita mea. Tra ti e mi xe inveze vita tua e vita mea, parchè se la godemo. E continuemo a godersela. Stame ben.
PS: Ga nevigà. La neve xe alta almeno 3 micron.

[Nini Naridola]

Caro Ciancele, anche el mio Pi Cio xe moribondo: go su el XP che ormai no rispondi èpiù a certe applicazioni (google maps e you tube che me domanda un altro browser). Dopopranzo son 'ndà anche mi dal dotor de familia che el me ga consilià de cambiarlo fazendo un backup su disco esterno de tutto quel che go su: una bona idea per far un poco de pulizia e de riordino dopo 8 anni de vita. No ciamerò ancora Zimolo ma ghe lo passerò ai nipotini che i se zoghi.
Ogi bela giornada qua a Ronchi anche se stamatina presto iera 0° Celsius. Sabato a l'alenamento de rugby de mio nipotin el campo iera "reduce" dele piove dei giorni scorsi e Davide me ga dito:- Nono iera un fangaz! Ogi farò la doccia come i muli più grandi! Go lassà che el vadi solo e senza l'aiuto de la mamma, come i altri ... anche questo xe rugby!
Stame ben!
P.S. Anche mi no go risposto ala tua su Marcuzzi: lo conossevo ben! El iera, fora del negozio in Viale, sempre abronzà, fisico asciutto da 400ista; e ancora de "vecio" le mule, fazendo vasche, lo guardava con oci ... Un gossip: sua nipote-cugina (???) Alessia, per un periodo andava col fio de mia cugina Serena, moglie del mitico portier Fabio Cudicini.

[sono piccolo ma crescero]

Caro Ciancele, anche el mio Pi Cio xe moribondo: go su el XP che ormai no rispondi èpiù a certe applicazioni (google maps e you tube che me domanda un altro browser). Dopopranzo son 'ndà anche mi dal dotor de familia che el me ga consilià de cambiarlo fazendo un backup su disco esterno de tutto quel che go su: una bona idea per far un poco de pulizia e de riordino dopo 8 anni de vita. No ciamerò ancora Zimolo ma ghe lo passerò ai nipotini che i se zoghi.

El mio computer ga 7 anni e xe entrà da due mesi nel ottavo, el xe sempre agiornà, el camina come un treno, no'l sa cosa che sia un virus. Ma no'l ga windows XP e gnanche vista; el ga Linux, che xe gratis. Chi che ve disi che Linux xe dificile de doprar "mente sapendo di mentire", perché la distribuzion Ubuntu xe forsi più amichevole de Windows. Penseghe su fioi...

[babatriestina]

ghe penso, ecome se ghe penso...

[Ciancele]

Caro Ciancele, ..... Sabato a l'alenamento de rugby de mio nipotin el campo iera "reduce" dele piove dei giorni scorsi e Davide me ga dito:- Nono iera un fangaz! Ogi farò la doccia come i muli più grandi! Go lassà che el vadi solo e senza l'aiuto de la mamma, come i altri ... anche questo xe rugby!
Ciancele: Te ga fato ben. Penso che el se gabi divertì e, sopratuto, sentì tanto graaande!!
P.S. Anche mi no go risposto ala tua su Marcuzzi: lo conossevo ben! El iera, fora del negozio in Viale, sempre abronzà, fisico asciutto da 400ista; e ancora de "vecio" le mule, fazendo vasche, lo guardava con oci ...

Marcuzi. No iera do fradei? No rossi de cavei, ma ... mezofondisti. Quel che digo mi, forsi el più giovine, andava soto i 2' nei 8. In quel tempo no iera in Italia tanti che 'ndava soto i 2'! El mio amico Gidio ga fato 2'2" sui 8 a Udin ai campionati regionali. Pista de carbonela!! El me ga dito che el ga corso cusì forte parchè el gaveva mal de denti e anca ghe tigniva!
PS: Lo vardava con oci... El terminus technicus che se usava quela volta par 'ste ociade, squasi 70 ani fa, iera: La me ga dà un'ociada damelo o me lo ciogo!

[Nini Naridola]

Son contento, Ciancele, de darte la notizia che xe rivada finalmente la prima vittoria della Triestina: sul campo del Mori (TN) 1 a 2.
Anche nel rugby vittoria in trasferta del Venjulia TS sul Lemene Portogruaro 5 a 28. Bravi muloni!

[Nini Naridola]

Ciancele! Me iera scampà el tuo intervento precedente dove te parlavi del tuo amico Gidio. Te stavi disendo de Egidio Bembi (del 32 aut sim.) forte mezzofondista (3.ooo siepi, 5 e 10.000)? Lo gavevo conossudo ben: de quando che ga comincià a correr mio cugin, l'arivava sempre secondo dopo de lui. Me ricordo che al "Palio dei rioni" organizzado da Crasso per el San Giacomo, per no so quante volte el primo, come premio, ciapava un maion de lana: ormai el gaveva l'armadio pien; cussì una volta, stufo, el xe arivà secondo (primo Bembi). Bon ... o i ghe ga fato un scherzo (el iera facile bersaglio!) o no se sa ... Egidio ga vinto un frullator e mio cugin un majon!

[Ciancele]

Ciancele! Me iera scampà el tuo intervento precedente dove te parlavi del tuo amico Gidio. Te stavi disendo de Egidio Bembi (del 32 aut sim.) forte mezzofondista (3.ooo siepi, 5 e 10.000)? Lo gavevo conossudo ben: de quando che ga comincià a correr mio cugin, l'arivava sempre secondo dopo de lui. Me ricordo che al "Palio dei rioni" organizzado da Crasso per el San Giacomo, per no so quante volte el primo, come premio, ciapava un maion de lana: ormai el gaveva l'armadio pien; cussì una volta, stufo, el xe arivà secondo (primo Bembi). Bon ... o i ghe ga fato un scherzo (el iera facile bersaglio!) o no se sa ... Egidio ga vinto un frullator e mio cugin un majon!

Ciao Nini e bona sera. Noi gavemo perso, ma zogà ben. Son contento par la Triestina.
Bembi no lo go mai conosudo, ma go leto sempre el nome sul giornal. Quela volta gavevo l'abonamento. El mio Gidio iera un altro, del '27, che fazeva quasi solo i 8. Qualche volta i 4. Ma suo nipote xe un bon mezofondista. Purtropo el mio Gidio xe morto qualche ano fa. Altri amici iera in Australia: un del 23 e un del 27. Anca lori no i xe più. Come anca el mio amico cabibo/triestin/american, del 26.
Nel 44, al giro de Muia, campestre, el nostro capo del DIMM (Ciuffarin, otocentista) el ne ga dà dopo la corsa una roseta vecia (scoduda al panetier?) e un toco de marmelata de pomi codogni. Altro che maion! Altri tempi! Ma bei tempi. Senza artrosi.
Scusa. Cambio discorso se no me toca imbriagarme par la disperazion. Ciao.

[Nini Naridola]

Fontanafredda - Triestina 2 a 1. A pochi minuti dela fine i "greghi" ga sbaglià el calcio de rigor che se gà stampà sul pal!