Buon Giorno!

[Blues Briso]

Oviamente ognidun a casa propria che i sta fazendo una chat de grupo, intanto che Alfredo, el marchese Dobignì e 'l baron Dufol i zoga a poker online... Sto avenimento dovessi eser pezo de questioni sui pandori...

[sono piccolo ma crescero]

Capela in via rafineria, che xe una via a senso unico e dotada de marciapie. Alora i ga fato prolungar la ciclabile che viene zo da viale danunzio fin in piaza Garibaldi. Accanto al marciapiede de destra i ga meso la ciclabile, po un postegio de auto incolonadi e infine una striminzida corsia pedonale per el autista che smonta da l'auto. Praticamente sta corsia la vien a star in mezo a la via e co la sola protezion della strica bianca, come minimo pericolosa. Ma no iera meio meter el postegio imcolonado sul lato sinistro ?

Caro Piereto, ta ga sbaglià tuto, e anche mi a risponderte. Ogi son passà per via Raffineria; no se xe gnanche sugada la pitura dela pista ciclabile e ... eco cosa che te trovi!



La pista ciclabile e i pedoni no passa più|

[Piereto]

Co finisi el cantier, va a saver cosa che sucedi.

[sono piccolo ma crescero]

Go 'pena finì de regolar i orologi con l'ora solare. A parte quei che se regola de soli, ghe ne go regolai 8 tra orologi de polso, telecomandi dei condizionatori, machinete per misurar la pression (pardon, ghe xe la fia de un medico nel forum: sfigmomanometri ), l'altimetro che dopravo in montagna,....

Ogni volta penso a quando che iero picio, ma picio picio. Gavevimo due orologi soli: un lo gaveva mio papà sul polso e dopo gavevimo una sveglia. E mia mama che stava lavando le straze a man (che fadiga!) me domandava "va in cusina a vardar la sveglia e mostrime col dito come che xe la lanceta grande". Gaverò vu 4 anni o 5 e no iera l'ora legale, ma se la ghe fusi stada, gavessimo vu de regolar 2 orologi soli: che fortuna!

[babatriestina]

e pensar che adesso molti orologi se regola de soli ( per esempio questo del pc) e tanti non dopra più orologi , ghe basta quel del celular!
Co ierimo propio pici de mi ognidun gaveva el proprio orologio ma bisognava ricordarse de carigarlo ogni giorno, mi no, ma gavevo la sveia sul leto ( de carigar) in cusina no iera orologio ma in camera de pranzo iera la vecia pendola, cariga de una setimana, che ga continuado a sunzionar fin a un per de do anni fa che la se rifiuta anche dopo che la go portada a governar 3-4 volte! e po xe ancora la vecia sveia de bordo del bisnono, anche quela cariga de una setimana..

[Blues Briso]

Me ricordo che iera un numero de telefono dela Sip che se podeva ciamar, ndo che una vose registrada la diseva che ora fussi, cussì se podeva regolar l'orogio sull'ora giusta

[Piereto]

Me ricordo el mio primo orologio da polso ciapado per la comunion che te dovevi carigar ogni giorno, meio de sera.
Anche la radio te dava el segnal orario dopo la cantadina del useleto .

[Piereto]

ATTENZIONE Se fate degli acquisti on line usando piccolio distributori, si deve fare attenzione a successivi comunicati contraffatti provenienti dai trasportatori . Si tratta invece di malintenzionati che mandano un messaggio del tipo : la vostra merce è momentaneamente bloccata perchè sono subentrati dei dazi doganali, e richiedono di rispondere di si , e quindi inviare i dati della vostra carta di credito per il pagamento, fatto che provocherà lo svuotamento del vostro conto corrente. E già la seconda volta che mi arrivano tali messaggi provenienti o da Bartolini o da GLS. Cestinate tutto.

[babatriestina]

mi arrivano spesso falsi messaggi del genere. cestino subito. ovviamente non sono i veri trasportatori. Credo che li inviino anche a chi NON fa acquisti online
Come quelli che mi mandano il messaggio " Mamma, sono bloccata.. inviami... " peccato che io non abbia figli , però azzeccano il genere a me mamma e a un amico papà

[sono piccolo ma crescero]

Bisogna controllare sempre il vero link, non quello scritto sulla mail, ma quello che si legge in basso quando si passa senza fare clic sul link stesso. Sono o somiglianti o completamente diversi, ma mai identici al link originale; che so invece di bartolini trovate bar.tolini oppure invece che .it trovate .ru o .uk (par condicio).

[Piereto]

Come sempre i dati no xe incoragianti. Un terzo dei medici e infermieri i va in pension tra un 3, 4 anni. I fioi che ga studiado per medico e infermier i va in altri paesi de l'unione dove che i ciapa mediamente mille ,millecinquecento euro de più. La comparazion va fata col potere de acquisto. E noi per farghe fronte al personal che manca, o verzemo ai privati che comunque devi pagar de più, e noi anche, o ciolemo cubani o del est. No podemo aumentar i stipendi perché no xe bori, no podemo stamparli perché la bce da solo soldi a debito. Lo stato continua a occuparsi de zento robe. Vien de domandarse se xe meio una roba fata ben che diese cusi'cusi'.

[Piereto]

Dobbiamo ricordarci una data, quella della apertura del parcheggio per autovetture in largo santos ex area Tripcovich, perchè esso è stato definito provisorio, e staremo a veder quanto che el durerà inveze. Manca postegi in cità , sia per le ricorenze mercantilistiche de la nostra società, sia per l'imbarcadero dei crocieristi, mentre el parcheggio al silos resta col secondo pian svodo. Scarsa luce, ascensori pici, e accesso e larghezza rampe sai strete e largheza dei stalli strete, perchè ogi i auti xe più larghi e longhi de una volta. Cusi anche la stazion autocoriere ga spazi streti sia per entar nel silos sia per manovrar dentro e le entrate xe fora man.

[sono piccolo ma crescero]

E voio veder come che sula giareta i farà a segnar i posti per i auti. Perché se no se segna i posti, ogndun se meti come che ghe par e i 80 posti diventa 40.

[Piereto]

Forsi gaveremo la piaza piena de pai ligadi col spago per far i contorni

[babatriestina]

finissi che i buta zo un edificio e i fa un parchegio ( vedi piscina coperta), co no i fa una rotonda e un supermercato

[sono piccolo ma crescero]

Go un probema ligado ai concerti, ma no musicale. Ma chisà se Piereto me sa risponder.

Nei concerti el diretor de orchestra, che se sbraza tuto el tempo, xe in giaca, camisa e cravata. Anche i sonadori xe in giaca camisa e cravata. Ma le sonatrici, no. Speso le xe scolade, e senza manighe.

Alora el mio problema xe questo: patisi el caldo i omini o bati broche le done?

[Piereto]

Anche mi sorido. Quando el personal feminile in orchestra xe aumentado de numero, ga prevalso la idea che anche le babe doveva aver un vestito comune come i masci. Ma le babe se ga rivoltado. Una divisa unica no andava ben perché le sagome dei corpi no iera tute uguali. Le divise cascava mal. Ma la vanità la gaveva anche I masci. Femo almeno che le cravate no sia tute uguali, almeno de domenica.

[Piereto]

Ma è una cosa seria, è stata varata la laurea in videogiochi. Che cosa mai si insegna ? Come costruire un videogioco, come manipolare e imbcillire il pubblico giovane, e poi le applicazioni pratiche , prevedo grandi sbocchi lavorativi.

[Piereto]

Un argomento che tien banco interesando milioni de persone, acquirenti e lavoratori,xe quel del automobile. Asistemo in Europa a una desertificazion de la economia industrial de cui la automobile xe un asse portante. I se ga messo in testa che se devi ridur la co2, salvo poi produrla lo steso ma pagando la carbontax. Se le robe stesi come che I disi e cioè che la co2 modifica el clima no pareria, perché i unici a ridurre semo noi europei mentre le nazioni che sviluppa el propio sistema industrial e crea benessere, cioè i altri 8 miliardi continua doprar combustibili fossili. Così taiando le forniture de energia a bon merca' se taiemo fora dal comercio. Puntar tuto sul eletrico dando un altola' ai motori a combustione e no disponendo de una rete capilare de distribuzion vol dir portar al fallimento la Europa. Xe evidente che qualchidun vol cusi'.

[Piereto]

Me piasi sto forum, propio perchè gavemo el salotin come se fusimo in cafè, e semo abastanza civili de espor le nosttre opinioni , e no gavemo de convinzer nisun alimentando polemiche e risentimenti. Forsi anche per questo semo ancora in pie mentre altri forum ga serado baraca.
Go la impresion che stemo andando a rdoli spetando sto venti gennaio e nel fratempo la produzion industriale italiana xe za 21 mesi che la cala, el pil che iera previsto a 0,9, el xe a 0,5 . la ocupazion xe in aumento , i disi, pecado che noi te disi che i contegia tra quei che lavora anche quei trecentomila che xe in cassa integrazion e persone che ga lavorado almeno una ora in sti ultimi cinque giorni.
Copar el prosimo per impedir l'informazion xe un sport vecio per sconder la verità, far scopiar rivoluzioni anche.