Altri quiz sul dove xè'?

[molighe el fil]

Anca mi me par de aver visto sta alabarda de qualche parte e me rompo la testa per vignirghe fora.

Per adeso ve mostro sta foto, me savè dir dove la go fata?

Scuseme, ma no son più bon de meter foto.
Speterò de novo mio fio

[sum culex]

Epur me par de verla vista! No so ... buto là, Barcola?

Xè prprio Barcola Via Bonafata N. 3.
Questa xè la villa



Giuro che no pensavo che qualchedun gavessi trovà la soluzion cussì presto, dato che l'ubicazion del posto no xè gran che frequentada.
Ti, Nini, te gà servì l'aiutin 'villa' o te gavevi una meza idea? Digo meza idea perchè te ga dito: 'buto là'!
Semo passai in quela via per combinazion, per andar a veder una 'Mostra d'arte' nel circolo cultural sloveno de Barcola de artiste triestine contemporanee.
Pena che rivo ve meterò le foto che go fato.
Ciao
sum culex

[Nini Naridola]

Xe vero: la go butada là e no go pensà a Barcola come zona de ville. Me iera rimasto impresso - son passà de quele parti zercando la torre sconta fra le case- e el color me ga fato pensar. L'alabarda no la go vista.

[molighe el fil]

Anca mi me par de aver visto sta alabarda de qualche parte e me rompo la testa per vignirghe fora.

Per adeso ve mostro sta foto, me savè dir dove la go fata?

Scuseme, ma no son più bon de meter foto.
Speterò de novo mio fio

[molighe el fil]

Anca mi me par de aver visto sta alabarda de qualche parte e me rompo la testa per vignirghe fora.

Per adeso ve mostro sta foto, me savè dir dove la go fata?

Scuseme, ma no son più bon de meter foto.
Speterò de novo mio fio

Eco la foto del rudere.
Dove el xe?

[Nini Naridola]

Piazza Puecher.

[sum culex]

Nini sa! Mi no!
Al momento gavessi pensà a cità vecia, ma no con quele case modene vizin: risultato zero! D'altro canto in quela zona no ghe passo praticamente mai: la xè per mi completamente fora man.
ciao
sum culex

[babatriestina]

per cominciar riguardemo el bassorilievo:

a mi me par che se un volessi ciaparsela col Inquisizion andassi a metterli in abito medieval e no roman, per cominciar. Po basta saver che l'inquisizion iera in man dei frati Domenicani e al massimo francescani, e i gesuiti no ga avudo gnente de far - anche perchè l'inquisizion xe ben anterior ala creazion controriformistica dei gesuiti. L'idea de rappresentar po i gesuiti come giudici togati in costume roman me par ancora più tirada per i cavei.. e po perchè un se dovessi meter sta roba sula porta?
mi guardo le figure e digo:
xe una coppia sul rogo, omo e donna, ela vestida e lu mezzo nudo e i se guarda fra de lori, come se i fussi innamorai: a sinistra xe un sior con un turbante che paressi el capo de tutta sta roba, el guarda con aria perplessa tegnindose el mento: drio de lui, una donna con abito ottocentesco e aria triste, vizin de lui un sior colla barba con aria de sacerdote vagamente disapprovante: tuto intorno, soprattutto a destra, personaggi togadi più o meno ispirai dei rilievi romani del ara pacis de Augusto, un cole braghe rimboccade al zenocio tipo zuava: per mi xe un episodio de qualche libro, romanzo, opera, a mi me vien in mente Norma: Norma e Pollione sul rogo ( qual cor tradisti-qual cor perdesti.... ah troppo tardi t'ho conosciuta- sublime donna - io t'ho perduta) el sior col turbante xe el pagan Oroveso e quela drio Adalgisa.. ma son sicura che ghe podessi esser qualche altra coppia romanzada simile. E po, se i voleva ciaparsela col Inquisizion, no saria stada messa qualche allusion al cristianesimo, una crose? insomma, per mi troppo neoclassico per una roba medieval..

ben, nei giorni scorsi a Monaco ala Neue Pinakothek go visto un quadro che me ga ricordado subito sta storia:

xe una quadro de Delacroix che rappresenta Olindo e Sofronia. Mai sentidi finora, confesso, ma scopro che xe un episodio dela Gerusalemme liberata, nel quadro i vien liberai de Clorinda, ma se legemo la descrizion - ciapo de internet.
"I due eroi cristiani, Olindo e Sofronia, si autoaccusano del furto dell’immagine della Vergine sottratta da Aladino al Santo Sepolcro e da lì portata nella moschea da dove sparisce misteriosamente. Il loro gesto mira a scongiurare le rappresaglie minacciate dallo stesso Aladino. Da questo ne deriva la loro condanna a morte da parte musulmana (da cui scamperanno grazie all’intervento della saracena Clorinda che intercederà in loro aiuto col re Aladino). Il pittore ha qui raffigurato il momento in cui i due amanti, legati al palo, stanno per essere arsi vivi, quando interviene Clorinda, raffigurata a cavallo del destriero bianco,"

una coppia, se guarda e alza i oci al ciel... chi che li condanna xe un musulman e ara caso a sinistra el ga le turbante... e i martiri xe cristiani... oviamente ghe vol saver ste robe, e anche mi no savevo prima, ma co li go visti me go dito ara che i xe lori!!

[sum culex]

Sto tipo de decorazion tipo anfore sul orlo dei teti dele case ghe ne xè tantissime in cità, ma questa ga una roba particolare: no le go mai viste taiade per metà e tacade sul muro su un toco più alto nel centro dela casa.
Prima ve mostro le 'anfore' progressivamente via via più ingrandide, po ve mostro due pupoli de quele tacade a metà sul muro e ancora, come aiutin, una foto più completa dela casa.
Me savè dir dove che go trovà sta roba?

[sum culex]

Resto in trepida atesa dei vostri interventi!
ciao
sum culex

[babatriestina]

el ultima me ga ispirado casa Pepeu in Cavana mentre l eprime me fazeva adiritura pensar ala casa die Portici de Chiozza, che però no ga quela mansardina

[sum culex]

Te xè inarivabile!!! Te conossi tuto quel che riguarda la cità come le tue scarsele. Xè prprio via Cavana el numero 10.

Qua la conferma



Nissun, assolutamene nissun, xè ala tua alteza per riconoser i loghi, anche i meno noti.
Complimnenti e ciao
sum culex

[sum culex]

Xè tanto tempo che no meto quiz, anche se ghe ne gavevo preparai diversi.
Ogi ve meto questo. No xè proprio in centro ma quasi, e no xè gnanche in periferia.
Gavè idea de dove che go trovà per combinazion sta roba?

l'arco sora el porton e dopo due particolari





Ancora un poco più in grande

[sum culex]

Come aiutin, anche se scarso: un pergolo, l'unico, del piano nobile dela stessa casa



Spero che ve darè de far, se no me tocherà fra, un per de giorni, darve mi la risposta col pupolo dela casa completa e el nome dela via col numero civico.
ciao
sum culex

[babatriestina]

cussì subito, no so, ma i ga ripitturado ben la casa..

[sum culex]

Proprio nussun tenta, magari sbagliando? Xè zà passai quatro giorni; speto ancora un poco prima de darve la risposta con relative foto.
Ciao
sum culex

[Nini Naridola]

Sum, xe passadi 4 giorni e ghe go pensà a lungo perchè son convinto de averla za vista, ma no so dove! Me gaveva colpido quei fregi in ferro a fianco della porta bifora sul pergolo. Provo a butar là: via Pondares o de quele parti.

[babatriestina]

no me bati per via Pondares el fregio sul porton.. per el resto, podessi andar. Mi no go alba..

[sum culex]

No me dispiasi; no xè via Pondares, xè tuto de un'altra parte.
Te ringrazio per a partecipazion e el tentativo.
ciao
sum culex

[mandi]

Caro Sum te saludo. Purtroppo per mi no ghe speranza...però me piase vardar