Piazza Foraggi

[babatriestina]

Di fronte, ai due lati della galleria, de una parte un ristorantin, con la pergola, che par trasportado direttamente de qualche paesin carsico

e de l'altra parte addirittura una villa con giardin , chioschetto e leoni de piera!

[babatriestina]

Curiosa che son, go dado un'ociada al porton, za in via della Tesa: Villa Antinisca


de l'altra parte, verso viale Ippodromo, xe una piccola Manhattan de grattacieli

[babatriestina]

[babatriestina]

Poco oltre, in Viale Ippodromo, un edificio che una volta iera moderno e adesso xe un rudere: la vecia fabbrica de Saul Sadoch ( carte..)
la sta cascando a tochi, e in giardin la vegetazion sta aumentando





( architetto Boico, anni '60)
eco come che la iera allora, in una cartolina de epoca

[babatriestina]

sempre nelle vicinanze, in via della Tesa, una nova casa adibida a residence, postomoderna in stile che a mio parer ben se adatta ale case triestine


ecco, me fermo qua, perchè se no andemo troppo fora della zona. per gustar ste robe, ghe vol andarghe a pie. In machina, almeno nel mio caso, ghe passo soprattutto per andar in cimitero.

[AdlerTS]

Grazie per le foto- Per quel che riguarda el discorso del distributor

Adesso ga fato clamor el primo distributor automatico "sexy" installado in questa piazza: secondo voi el dura ?

No go idea. Ma de sex shop a trieste iera za, me par che vedevo in Viale Miramar uno, passando cola 6 per andar a Barcola, poco dopo la stazion.

La novità sta nell' esser "automatico", ovvero se pensa che avendo eliminado el rapporto con un commesso sarà maggiore el numero de persone che se interesserà alla mercanzia.

[babatriestina]

Grazie per le foto- Per quel che riguarda el discorso del distributor

Adesso ga fato clamor el primo distributor automatico "sexy" installado in questa piazza: secondo voi el dura ?

No go idea. Ma de sex shop a trieste iera za, me par che vedevo in Viale Miramar uno, passando cola 6 per andar a Barcola, poco dopo la stazion.

La novità sta nell' esser "automatico", ovvero se pensa che avendo eliminado el rapporto con un commesso sarà maggiore el numero de persone che se interesserà alla mercanzia.

el xe sparido de tempo

[Ciancele]

Baba mia, vedo le foto dela Trieste de ogi. Se penso ai mii „tempi triestini“ (fina al 1953) credo che in tanti loghi me perderia. Dal 1948 al 1951, che saria circa 4 ani, iero ogni giorno o squasi in via Sonino (Sidney Sonnino) e piaza del fien (Piazzale Foraggi). L’ultima casa de l’ICAM sula sinistra, ‘ndando in su, che fazeva canton (angolo) con la piaza del fien. Mi la via la conoso solo con questo nome. No so quando che i ga cambià el nome con d’Annunzio. La galaria no la iera forsi ancora verta, parchè mi nel ’45 corevo dal stadio in piaza Goldoni par la via de l’Istria. I la devi gaver verta dopo la guera. A Montebelo ‘ndavo poco, forsi par le campestri. Me par de ricordarme (sotoligno quel me par) dela pesa in piaza. O la iera in mezo, andove che ‘deso xe la benzina, o sula destra. Ma digo in mezo. Sula destra iera una tratoria. Forsi quela che xe ‘ncora ogi. Devo eser sta una o do volte con mio papà, quando che a Montebelo i fazeva le corse con le motociclete e mio papà vardava col canocial. Dopo el 1970 pasavo qualche volta in machina e in piaza del fien taiavo a sinistra per ‘ndar in via Roseti (Rossetti), dove che i gaveva fato un novo rion con tante bele case (via del Bergamino). Ma stavo ‘tento de guidar e vardavo poco i dintorni, credo però che quei grataciei devi eser de quel tempo. Sonino iera ebreo, ma i fasisti i lo considerava. El nome xe sta cambià dopo el 1954?
In via Setefontane (Siebenpumpenstrasse) andavo poco par no dir gnente. Gavevo conosenti che i stava al numero 2. Più in su del 2 non sarò mai ‘ndà. Sul canton de l’altra parte iera un cine e un giorno i dava Bozambo, un film che de putel volevo veder. Dopo un quarto de ora el controlor ga dito che el mio bilieto xe scadù e el me ga butà fora. Go protestà, ma par no ciapar tunchio (per non venir picchiato) go pensà come Garibaldi. Morirò sempio, sensa vedere el film.
Le case piturade xe un contrasto col color de quela volta. Pochi paroni spendeva soldi par tignirle ben, specialmente se iera case vecie che no rendeva tanto.
Un grazie da un invidioso forumista.

[babatriestina]

la galleria de Montebello me risultassi averta nel 1949.. prima che la fussi finida la iera ricovero e la se ciamava Rifugio Littorio o Ricovero Luigi Razza ( queste notizie le devo grazie a un post del mio amico Sergio Ollivier - che a sua vola la ga ciolta... del nostro forum nela veci aversion .org: gallerie e rifugi) de

[sono piccolo ma crescero]

Poco oltre, in Viale Ippodromo, un edificio che una volta iera moderno e adesso xe un rudere: la vecia fabbrica de Saul Sadoch ( carte..)
la sta cascando a tochi, e in giardin la vegetazion sta aumentando

El recupero xe quasi finido. Ve mostro de novo le vece foto e soto come che xe adesso.





Xe sparido un albero (me par).

[sono piccolo ma crescero]

Continua el confronto




Xe sparido er rulè de dove che 'ndava dentro i camion e i ga ricavà pergoli spostando in dentro i muri (almeno cusì me par).

[sono piccolo ma crescero]

I ga conservado la scrita che ghe dà el nome ala residenza, anche se me par che la sia stada spostada de come che la iera prima

[sono piccolo ma crescero]

[sono piccolo ma crescero]

Siccome el complesso xe un'opera pregevole de architettura contemporanea (progettista nei anni '60 l'architetto Boico) meto ancora qualche foto





Sul retro

[sono piccolo ma crescero]

Sul retro xe cominciadi i lavori per un novo supermercato LIDL



che dovesi verzer tra un per de anni.

[babatriestina]

grazie, che giusto volevo andar a veder. su questo i criticoni no ga avudo per adesso de ridir ( o no i se ga inacorto)

[sono piccolo ma crescero]

Gavevo messo dopia una foto e dimenticada un'altra, la seconda in questo post qua https://www.atrieste.eu/Forum3/viewtopi ... 4&start=33

[babatriestina]

Sul retro xe cominciadi i lavori per un novo supermercato LIDL



che dovesi verzer tra un per de anni.

e che xe assai ben fornido..