Agevolata: R.I.P. - Requiescat In Pace

[ffdt]

[...]E i rispeta i orari?[...]

no sempre ... ogni tanto i salta una corsa e certe volte no i se ferma gnanca se te ghe fa ceno che te son la` che te li speti a lori ... no xe bel se te ga de rivar in tempo e no xe gnanca bel de doverse mover sempre con cuela che "forsi no 'l pasa" ... se te va a spaso no te cambia gnente, ma se te ga orari de rispetar alora el servizio el diventa semplicemente inacetabile ... e no xe che sucedi speso o raramente: sucedi "tropo"

purtropo xe un servizio inafidabile

pas toujours ... parfois ils "sautent" une course et parfois ils ne s'arrêtent pas, même si vous indiquez que vous êtes en attente d'eux ... il n'est pas bon si vous devez arriver à temps et il n'est même pas bon de se déplacer avec la crainte que "peut-être le bus ne passe pas" ... si vous allez vous promener alors pour vous ne change rien, mais si vous devez respecter un calendrier alors le service devient tout simplement inacceptable ... ce n'est pas une question si ça se produit souvent ou rarement: il se produit «trop»

malheureusement, c'est un service auquel on ne peut pas faire confiance

not always ... sometimes they "skip" a race and sometimes they don't stop even if you indicate that you are waiting for them ... isn't good if you have to arrive on time and it's not even good to move with the fear that "perhaps the bus does not pass" ... if you go to walk then for you don't change anything, but if you must comply with a timetable then the service becomes simply unacceptable ... it's not a matter if it happens often or rarely: it happens "too much"

unfortunately it's a service which can't be trusted

[babatriestina]

su questa critica de saltar corse o no fermarse, mi no me xe mai nato. Devo dir che mi no dopro el autobus ogni giorno, adesso.

[Nona Picia]

Mi anche son più fortunada de Franco: solo raramente e de solito al primo pomeriggio, la 11 o la 22 ritarda. Se xe de matina, se no le riva, vol dir che se nato casin in cità, e de questo no ga sicuro colpa la Trieste trasporti. D'estate, tornar indrio de Barcola specie de domenica, xe unavera tragedia, ma no per colpa dei autobus, ma per via del'enormità de machine che xe in giro.

[ffdt]

a mi me xe sempre capitado che no i se ferma o che i salta corse ... iera 'l altro mexe che me xe suceso l'ultima volta: el bus riva, e inveze de fermarse el meti la scrita "deposito" e 'l va via ... corsa persa!
il m'arrivait toujours qu'ils ne s'arrêtent ou qu'ils "sautent" une course ... la dernière fois il était le mois passé: le bus arrive, et au lieu de s'arrêter il a changé l'écriture montrant le mot "dépôt", et il continue ... course perdue!
it always happened to me that they don't stop or they "skip" a trip ... last time it happened was the other month: the bus arrives and instead to stop it change the writing showing the word "deposit" and he goes on ... trip lost!

[sono piccolo ma crescero]

Ieri go trovà altri buoni benzina, el che dimostra quanto che doprasi la machina quando che i ghe iera. Sicome ogni anno i iera diversi, meto anche lori (sta volta fronte e retro)




e rimeto anche quei che go meso a l'inizio, per confronto




e poi ve rilancio la domanda: ve par che xe cambià qualcosa sul trafico? Doprè de meno la machina? (Mi no fazo testo. Ieri go fato el tagliando de l'auto e no i credeva che in un anno gavesi fato solo 6500 km, che poi se pensè, in asoluto, no xe che sia pochi, saria quasi 18 km al giorno).

[Nona Picia]

Quando noi gavemo dado via la Opel dopo 20 anni, la gaveva 50.000 km. La Fiesta, che la ga 10 anni, dovessi gaverne circa 30.000. Credo che noi con la machina se movemo anche meno de ti......

[Nona Picia]

Ps: aggiungo che se i primi anni fazevimo 3.000 - 4.000 km all'anno, adesso ne femo meno de 1.000.

[Ursus Canadiensis]

Ps: aggiungo che se i primi anni fazevimo 3.000 - 4.000 km all'anno, adesso ne femo meno de 1.000.

Beati voi:( ! Qua de noi de meia e fa 25,000 anuali, volenti o nolenti. Le distanze xe cusì grandi. In ogni modo, go dito empre mi, che a riguardo de distanze, Trieste come cità xe un francobolo, l'auto praticamente no la cori mai, specialmente perchè i automezi publici i xe talmente eficienti.

Arnie

[Ursus Canadiensis]

Go dimenticà de dir che la nostra auto, 1994 la ga 385,000 kilometri. E gavemo anche el camion che usemo per strasinar el camper o la roulotte in vacanza, inoltre a tuti i lavoreti utilitari che se fa; el xe del 2004 e el ga za pasadi i 125,000KM.

Arnie

[Zigolo]

E beati voi sì. Mi son ancora oltre i 30.000 anui, ripartidi fra la machineta de lavor, la machineta de familia e el camperin (tuto picio go )

[Elisa]

Nel Trentin, (ma anca qui!) a......'ste robe i ghe diría lamentarse del brodo grass!

[AdlerTS]

Savé cossa costa la benzina in Olanda ? 1 euro e 40 ! Quei de lori che pol va a far el pien in Germania, come noi con la Slovenia

Per SPMC: Bei quei buoni, pecà che non go salvado gnanche uno

[sono piccolo ma crescero]

Se te vol te li regalo!

[AdlerTS]

Volentieri, ma mia moglie za me ziga che salvo troppo "veciume"

[sum culex]

Ve meto i chiometri rilevai dai tagliandi de manutenzion:
Aprile 1999: 0
Aprile 2000: 6.243 dopo 1 anno
Aprile 2002: 15.141 dopo 2 (tot. 3) anni
Aprile 2003: 20.668 dopo 1 (tot. 4) anno
Aprile 2005: 25.790 dopo 2 (tot. 6) anni
Aprile 2009: 29.284 dopo 4 (tot. 10) anni
Nei ultimi 4 anni go fato 3.494 km. pari a 873,5 km/anno

ciao
sum culex

[sono piccolo ma crescero]

[MOD]Le immagini di cui si parla in questo post esistevano ed erano andate perse. Adesso sono state sostituite con le nuove anche nei post iniziali[/MOD}


Nel 2008, 15 anni fa, gavevo publicà la foto de un vecio buono benzina (del 1995, 29 anni fa... mamma mia come che passa el tempo!).

Le immagini xe andade perse, e ieri, fazendo ordine in un casetin, ghe ne go trovado un. Lo ripubblico, perché, tuto sommato, xe un toco de storia dela cità.



Giusto per la precision, el xe grande 110mm x 51 mm e la parte stampada 108mm x 48mm.

Sempre per la precision, questo xe el retro, con la racomandazion de no darghelo a altri



El buono gaveva anche una sua fiigrana (ma se la riva a veder mal, e solo col scanner impostà per le diapositive



Dei ghirigori ciari e in mezzo un disegno più scuro che no capiso.


E, stando a quel che i disi, tra un anno meteremo anche la foto dela tessera... tuto con le app d'ora in poi...

[Piereto]

Leggendo sto post, che xe del 2008, se parla de consumi de carburante, e ogi xe cambiado qualcosa nel trafico? Trieste xe sempre un francobollo come qualchidun ga scrito, e i mezi publici me par veramente efficenti, ma xe aumentadi i centri commerciali che xe periferici e perciò te te devi mover co l' auto , anche perché fazendo una grossa spesa dove te la meti su l' autobus?. Xe anche vero che sicome xe sparidi i negozietti che vendeva roba particolare, te utlizi internet, e quindi te podesi anche no moverte de casa. L' auto te lo dopri come una volta per andar fora de Trieste, e se no te va in Yugo ( Slovenia e Croazia) conviene la agevolata. Me par che l' elettrico dovesi segnar la fine per la agevolata, ma convien passar al eletrico? Fazendo i calcoli, costa de più doprarlo e per fare più corrente te inquini, e te cori anche el risciò de restar in strada.

[babatriestina]

Te ga mai visto quei careti per la spesa che porta tute le vecete come mi? i va sui autobus meio dele carozele.. Mai fata la spesa cola machina se no qualche rara volta al pam e a suo tempo al ikea.

[sono piccolo ma crescero]

Continuando a far ordine go trovà anche l'altro buono che gavevo pubblicà. Lo ripubblico, sempre per documentazion, metendo el fronte e retro. Le misure xe compagne de quei de 20 litri.





Cambia el color, più sul zaleto. La filigrana xe sempre la stessa.

Deso che li go trovadi tuti due vado a coreger i riferimenti originai, nei primi post, dove che l'imagine ier andada persa.

[Piereto]

Le borse co le riodele xe sai pratiche, ma per un che sta in periferia e no in centro , e no sta vizin le torri o montedoro, ghe toca trasbordar su più autobus , e .....xe scomodo, per cui co l'auto te trovi anche postegio.