Oggetto misterioso

[sono piccolo ma crescero]

La puntina se fermava con una vida, ma la calamita serviva per trasformar le vibrazione dela punta in corente eletrica (no iera un de quei co la tromba che funzionava senza corente ma con la susta; questo doprava la corente eletrica sia per far girar el piato che per sonar). Credo che poi fusi sta mio papà che gaveva fato vegnir fora el segnal e el lo mandava nel fono dela radio. Per el resto el me pareva identico al tuo, solo che el iera senza scatola. Ma confeso che xe ricordi vaghi, perché iero assai picio e el xe restà in funzion sai poco, perché qualche canzon iera del tempo de guera, un poco sul filofasista, e mio papà no voleva che se le sonasi. Mia mama vedeva nel giradischi un intrigo in più e sicome ierimo in 9 in camera, camereta e cusina la ga butà via tuto pena che la ga podù. Me iera restà per un poco de tempo el piato de fero dove che se posava i dischi e che per mi iera el volante quando me fazevo l'auto co le sedie

[AdlerTS]

... ma el CD dove se inseriva ?