Idroscalo

[bruno]

forsi ga poco a che far con l'aviazione, anzi sicuramente niente...ma nessun se ricorda nei anni sessanta quando che i fazeva la "mostra del Fiore", oppur dopo che iera la concessionaria dell'alfa romeo?

[babatriestina]

Me ricordo dela Mostra del fiore, ma no me ricordavo dove che i la fazeva.. per bon al Idroscalo?

[Nona Picia]

Annche mi me ricordo della mostra del fiore, ma no riesso a ricordarme dove che i la fazeva.....

[sono piccolo ma crescero]

Mi me par de ricordarne una in Fiera, un paio alla Stazion maritima e altre, poi, a Miramar.

Ma non arrivo a inquadrar nei anni, che poderia esser dalla fine dei '50 in su.

[AdlerTS]

un paio alla Stazion maritima e altre.

Gavemo le foto , parte bassa della pagina.

[Nona Picia]

Mi me par de ricordarne una in Fiera, un paio alla Stazion maritima e altre, poi, a Miramar.

Ma non arrivo a inquadrar nei anni, che poderia esser dalla fine dei '50 in su.

Dela Fiera e dela stazion Maritima gavevo un vaghissimo ricordo, ma de altre no

[AdlerTS]

A proposito dei CANT, una pubblicità

[sono piccolo ma crescero]

In questo post https://www.atrieste.eu/Forum3/viewtopic ... 30&start=8 adler parla de pubblicazioni relativa alla SISA. I ghe ga pasà a mio cognà qualche articolo a riguardo. Uno xe de Mario Tomarchio che Adler cita...

Ne sono autori il giornalista aeronautico Carlo d'Agostino, già autore di numerose opere di carattere storico del settore e lo storico triestino Mario Tomarchio, ricercatore di tutto quanto riguarda l'aviazione in particolare del Friuli Venezia Giulia e delle coste adriatiche, che sono riusciti a condensare in poco più di 100 pagine arricchite da quasi 200 fotografie, molte delle quali inedite, le vicende della prima compagnia aerea commerciale italiana.

L'articolo no xe el libro che Adler cita, ma el xe publicà dal IRCI, rivista Tempi e Cultura n. 4 pag 17. Trovo dentro tante notizie. Ne meto qualcheduna.

Za quela volta ghe iera le istruzioni che vegniva dade prima del volo dai steward.

a) doprar el sachetto per i disturbi del mal de aria
b) meterse batufoli de ovata nele rece per ridur el rumor (l'ovata vegniva fornida dala compagnia!)
c) no verzer la porta durante el volo, el decollo e l'ammaraggio.
d) tegnir serai i finestrini durante el decollo e l'ammaraggio; dopo se podeva verzerli, evidentemente.
e) no butar gnente fora dei finestrini durante el volo
f) nele virade, per no ver capogiri, vardar l'ala che ountava verso el basso.

I pasegeri iera in cabina, i piloti iera scoverti e i bateva broche. El steward, prima del decollo, spostava in coda i pachi pesanti e anche lui se distirava là, per farghe alzar la prua al aereo, aumentar la portanza e favorir el decollo.

Nonostante ste robe che sa tanto de pionieristico, la compagnia ga portà nel 1926 1.662 pasegeri, nel '29 7.657, nel '30 10.543 e nel '32 11.036.

De un'altra parte, in un articolo che no rivo a capir de dove che el vien (go una fotocopia) ghe xe le statistiche del traffico del 1932:

1.187 voli per complessivi 571.000 chilometri, con percentuale de frequenza del 90,6% e regolarità de orario del 97,35% . !2,512 chili de posta, 58.000 de merci e 100.000 chili de bagagli (ogni paseger se ne portava circa 10 chili...).

Stando sempre a ste statistiche la linea più traficada xe stada la Portorose - Trieste - Lussino - Zara - Ancona (che po' i ga slongà fin a Brindisi). L'altra linea che tocava Trieste iera la Portorose - Trieste - Venezia - Pavia (con coincidenza per Torino e trasporto a Milano via terra) - Genova.

Interessante che ghe iera le fermate facoltative. ... Me par quasi de veder el mato sula riva che col police che fa l'aerostop.... Altre linee che i gaveva no tocava Trieste.

[AdlerTS]

Za quela volta ghe iera le istruzioni che vegniva dade prima del volo dai steward.

Una volta go visto a Monaco una mostra della Lufthansa dove i spiegava che nei primi voli de linea addirittura i ghe forniva ai passeggeri giubotti e coverte, visto che all'interno dell'aereo fazeva sempre molto freddo !

[sono piccolo ma crescero]

Gavendo sangue istrian, me son preoccupà dele tarife.

Tariffe per andar, nel 1926, in aereo da Trieste a ...

Torino (575km, 5 ore e 10 minuti) lire 375 pari a 283€ odierni
Venezia (115 km, 50 minuti) lire 130 pari a 98€
Zara (2 ore) lire 250 pari a 188€

Volo turistico sul golfo con decollo da Portorose nel 1922 210 lire pari a 197 € attuali.

In definitiva no par proprio tantissimo.

Per le conversioni me son fidà de questi http://www.avvocatoandreani.it/servizi/ ... torica.php che fa i conti con l'indice FOI (prezzi al consumo per le famiglie di operai e impiegati) de l'Istat.

Ancora qualche curiosità. I areoplani più grandi iera i CANT 22. CANT sta per CAntiere Navale Triestino, perché i li fazeva a Monfalcon. I portava 12 passeggeri, i gaveva la cusina, el cesso e i andava al massimo a 180 km/h. Se go capì ben i pasegeri no montava sule rive. I aerei vegniva portai in rada e la gente vegniva portada là in barca e se calava dentro da una botola sul tetto (quela famosa che no se doveva verzer).

La SISA sparisi nel 1934 (almeno come voli de linea) ma a Monfalcon i continua a far aerei fino al 44 quando che i inglesi bombarda la fabrica e la distrusi. E dopo basta.

[Piereto]

" Volo turistico sul golfo con decollo da Portorose nel 1922 210 lire pari a 197 € attuali.In definitiva no par proprio tantissimo." Mi me par inveze che el potere de acquisto de le lire de quela volta e del euro de ogi sia ben diverso. Se fazemo un raporto tra 197 euro de ogi con un stipendio medio de 1200, e le 210 lire che corispondi a 1279 lire, credo che el stipendio medio nel 22 no fusi de 1279 lire. Forsi me sbaglierò ma penso che quela volta iera sai pochi che podeva permeterse de spender 219 lire rispeto a quei che podesi ogi spender 197 euro.

[babatriestina]

Tornando all'Idroscalo, alcune immagini prese alla mostra dedicata alla S.I.S.A. la prima compagnia aerea commerciale italiana, in questi giorni all'IRCI:
un'immagine della prima stazione presso il Molo Audace anno 1926


ed una dell'inaugurazione dell'Idroscalo 24 maggio 1933

[babatriestina]

altre immagini dalla mostra relative all'Idroscalo e agli idrovolanti che facevano capo.
l'interno




la sala d'aspetto

[babatriestina]

Altre immagini dlla mostra sugli idrovolanti, i cantieri aeronautici di Monfalcone che ha chiuso oggi
La prima stazione

la SISA fu la prima società di trasporti aerei commerciale italiana. Venne fusa più tardi nell'Ala Littoria

[babatriestina]

costruzione della nuova idrostazione

[babatriestina]

[babatriestina]

altre immagini dalla mostra a palazzo Gopcevic

[babatriestina]

Qualchidun ricorda de aver sentido el nome "Idroscalo Gramaticopolo" ? Secondo el libro de Koudelka , subito dopo el ribalton l'idroscalo xe stado intitolado a questo ragazzo, disertor della I guerra, abatudo da Banfield nel 1916.
El papà del mulo, i.r.medico distrettual de Capodistria, gaveva chiesto anche una cerimonia funebre solenne, logicamente rifiutada in quanto disertor.

Iera el idroscalo de Pola

[babatriestina]

Da un'attuale mostra all'IRCI, dedicata ai voli della SISA soprattutto per i collegamenti adriatici e con Lussino, due immagini d'epoca dell'Idroscalo e dei CANT ( dobbiamo farne un post..)

[babatriestina]

nel nostro forum, lo riportava Rofizal in parlando de Ernst Gramaticopulo; col nome tradotto in tedesco. El iera capodistrian e del nome, diria de origine grega.. i ghe ga dedicado una via a Grado nel 1959: chissà forsi sarà stada una anche a Capodistria, una volta.... altre volte el risulta come Ernesto Gramaticopolo, volontario, croce di guerra, paressi.

Me pareva de gaverlo za letto, ma non lo trovavo perché mi scrivo Gramaticopolo e lui Gramaticopulo

eccolo in una foto dei Musei civici