Altri tram

[AdlerTS]

Metemo un po' de ordine sulla storia dei trasporti a Trieste:

El primo servizio de nolegio de caroze xe nato nel 1823 a opera de Francesco Cimadori, con ufici in contrada del Corso. Non esisteva fermate fisse e nianche tariffe prefissade: se cioleva el nolo e se contratava el prezo.
Dopo la metà secolo fa la sua comparsa "el Brum", che iera una storpiadura del nome de Lord Brougham, invetor de sto tipo de carozeta. Iera bei mezzi, dipinti in color pastello, con allestimento raffinato. Inveze de aver un numero, se le distingueva col nome, come le barche. Quasi sempre nomi de donna.
Nel 1860 entra in servizio l'Omnibus, che fazeva linea tra la Ferrovia Meridionale ed i bagni Oesterreicher.
Nel 1875 nassi la "Società Triestina Tramway, fondada essenzialmente con capital belga, che el 30.03.1876 inaugura la prima linea de "ferrovia a cavalli" sull linea via del Torrente - Boschetto, saludada da grandi manifestazioni de approvazion da parte dei abitanti. Per esempio, a quel tempo a Roma, Bologna e Milano non ghe iera ancora una linea simile. A Parigi solo da poco.
A fine dell' 800 le linee principali, sempre a cavai, iera contrassegnade dai colori: verde, rosso-verde, bianco-verde, bianca e giallo.
Domenic 09.10.1900, ore 18, inaugurazion del primo tram elettrico: la motrice iera la famosa UNION. Le fermate iera richieste con una campanella. Partenze ogni quarto d'ora.



Durante la I guerra, inveze, torna in uso el tram a cavai.

Dopo la guera, el comun ciol el controllo delle linee con la "Azienda Comunale Tramvie Municipali di Trieste".

[babatriestina]

dalla guida Treves 1910:
Vetture.- Dalla stazione ferroviaria in città, ad un cavallo, 1 corona 20 heller, a due cavalli, 3 corone. dalla città alla ferrovia 80 heller e 2 corone; un quarto d'ora 60 heller; mezz'ora 1 corona; tre quarti d'ora 1 corona 50; un'ora 2 corone; ogni quarto d'ora in più 40 heller. A Miramare , andata e ritorno, 4 corone ad un cavallo, 6 corone a 2 cavalli, ecc. Bagaglio, 20 heller per collo.

Tramways.- Ogni linea, in città 5 soldi. al Boschetto 10 soldi. Treni speciali 7 soldi.

Navigazione a vapore.- La società del Lloyd Austriaco ha i suoi uffici nel proprio palazzo in piazza Grande. vendita dei biglietti in piazza Teatro, Martedì, giovedì e sabato partenza per Venezia. Quattro volte per settimana le l'Istria fino a Fiume. Varie volte al giorno partono piccoli vapori per Muggia, Pirano e Capodistria

[Starlite]

(salve a quei che no me conosi e anche a quei che me conosi )

Per mi se podesi rivar su per v.le D'Annunzio, galeria, via del'Istria e via Flavia fin a B.go San Sergio o Domio senza tropi problemi, spazi credo che ghe sia

In città anche tute le Rive, c.po Marzio, c.pi Elisi fin a Baiamonti

Ma tanto no i lo fara' mai

[Nona Picia]

Mi go leto che Luccarini ga dito che no se pol far tram qua a TS perchè gavemo trope salite.Adeso, d'acordo chemi no go bona memoria, ma me par che una volta, per parlar solo del 11, el rivava fin soto de casa mia (Scala Bonghi). Da piazza Ospedal a via Rossetti el svolava forsi?
Ciao ciao

[Tu1]

Mi go leto che Luccarini ga dito che no se pol far tram qua a TS perchè gavemo trope salite.Adeso, d'acordo chemi no go bona memoria, ma me par che una volta, per parlar solo del 11, el rivava fin soto de casa mia (Scala Bonghi). Da piazza Ospedal a via Rossetti el svolava forsi?

..evidentemente sì...e pò scusa, xè tanti anni che te vivi a Trieste e no te se gà mai inacorto che, dove bati el mar, subito se alza montagne frastaliade alte decinaja e decinaja de metri?

[Nona Picia]

Mi go leto che Luccarini ga dito che no se pol far tram qua a TS perchè gavemo trope salite.Adeso, d'acordo chemi no go bona memoria, ma me par che una volta, per parlar solo del 11, el rivava fin soto de casa mia (Scala Bonghi). Da piazza Ospedal a via Rossetti el svolava forsi?

..evidentemente sì...e pò scusa, xè tanti anni che te vivi a Trieste e no te se gà mai inacorto che, dove bati el mar, subito se alza montagne frastaliade alte decinaja e decinaja de metri?

Per quel qua neviga ogni momento! Semo su l'orlo del ghiaciaio! Logico che el tram no ghe la fa!

[sum culex]

e magari fin Sesana, nel 2007, che no sarà de bazilar sul confin

El progeto original de più de zento ani fa, co no iera confini, iera proprio che la linia a scartamento ridoto del tran rivassi fin a Sesana.
ciao
sum culex

[sum culex]

Prima dela seconda grande guera, me contava mio papà, che ghe iera un progeto de strada de circonvalazion esterna ala cità (ogi quei posti no xè ganche più periferia!). No lo conosso tuto ma so tochi: guardè la pianta dela cità e vedarè el logico colegamento: Via Cumano - (curva a u) - Via D'Angeli - via Del Mestri - per ragiunger l'ultimo tochetin de via Bunarroti - scender a san Giovanni - e in su de san Giovanni - Via Cantù - per rivar a Roian.
Solo un per de tochi xè stai fati via Cumano, via D'angeli, via Del Mestri e via Cantù; po causa la guera se ga fermà tuto. Ogi le strade saria strete, ma per quela volta le iera più che suficienti (confrontarle cole strade che iera quela volta in quele zone: Via Grimani, strada di Rozzol, Via di Chiadino, ecc. e no saria stà gnanche grandi salite.
No go idea se esisti documenti in merito, go solo in testa quel che me contava el mio vecio, che iera dentro in ste robe, co mi iero ancora mulo.
ciao
sum culex

[AdlerTS]

Archeologia urbana ACEGAT TRANVIE

[ffdt]

e dove 'l xe?

[AdlerTS]

In via Svevo

[babatriestina]

Veci tram al Museo ferroviario

ma el motivo xe provar un altro sito de appoggio, Allyoucanupload, suggerido nel SitodeSandro

NOta successiva: el sito no ga conservado la foto e la go sostituida con l'album interno del forum

[dcobau]

un poco de roba sui tram de Ts se trova qua

http://www.exspatio.com/tstramblog/linee.html

saluti

Dave

[sono piccolo ma crescero]

Comincio riportando una strofa meno nota de una canzon triestina notissima

Co'l due se va a Servola, co'l quatro in Arsenal
col sie se va a Barcola, col zinque in Ospedal
co l'uno in zimitero, co'l sete a la stazion
co'l nove in manicomio, co'l diese in canon

E come la bora che vien e che va ...

La riporto per verzer una discusion, anzi due.

1. le linee che vien cantade no ga speso più niente a che veder co le nove. Ma qualchedun se ricorda come che le iera?. Me spiego meio, col zinque se va ancora in ospedal (magior, no a Catinara), col nove se poderia 'ndar ancora in manicomio, se el ghe fusi, e col sie se va ancora a Barcola.
   1. El due me lo ricordo che el iera un tram, più picio dei altri che andava a Servola, ma no me ricordo de dove che el partiva, forsi da sant'Andrea
   2. El tre iera un tram che me par che partisi da campo marzio, forsi là dove che iera la Fiat e dove che gaveva capolinea anche l'8, e forsi al'ndava a san Giovanni come el 9, ma poderia sbagliarme del tuto
   3. el quatro in Arsenal no me lo ricordo; mi me par de ricordarme una linea 27, con dei autobus veci veci che 'ndava in arsenal e la iera solo co cominciava e finiva i turni
   4. el sete no me lo ricordo per niente e no me ricordo niente nianche de un uno che vadi in cimitero (anche se me par che ghe fusi un tram che andava su per san Giacomo) e un diese in canon
   Ghe xe qualchedun che pol o con i ricordi o con qualche documento contarne de come che iera le vecie linee (cantade o meno nela canzon)?
2. scrivendo sta roba me son acorto che per mi i mezi publici ga un sesso (forsi doveria dir un genere, ma cusì semo più osé ); me spiego: mi digo la uno, la cinque, el sei, el nove, la dieci. Mia moglie li fa tuti al femminile. Mi penso che el genere diverso xe dovù al fato che meto maschili i veci tram (el tram 9) e feminili le filovie o i autobus (la linea 29). Son solo mi a far sta diferenza o xe anche qualche altro?

Speto risposte per tuti e due i punti. Grazie

[serlilian]

Me par che el tre rivava fin davanti el bagno Ausonia. No so se dopo el andava avanti o se el tornava verso San Giovani.

Go sentì altri usar articoli diversi per i diversi numeri, penso, come che te disi ti, che i usa "el" per i ex tram e "la" per le ex coriere. No ghe go mai badà, ma, adesso che ghe penso, me par che digo anche mi: el sei, el nove, la cinque, la venti.

[AdlerTS]

Per mi i autous xe corriere, quindi femmine: la 11, la 25, la 36 ...

Po' l'amico Mario zonta:

la linea 2 la andava dala Rotonda del Boschetto fin a Soto Servola

Nel 1958 al posto del tram dela linea 2 i meti un autobus, la 29, perchè xè crolada la galeria de San Vito.


xè cusì restade

3. San Giovanni - portici di Chiozza - piazza Goldoni - piazza della Borsa - Campo Marzio
(in estate andava fin al Ausonia)

6. San Giovanni - portici di Chiozza - piazza Oberdan - Barcola

6/. Piazza Goldoni - piazza Oberdan - Barcola (solo estiva)

8. Roiano - Stazione Centrale - Rive - Campo Marzio

9. San Giovanni - portici di Chiozza - piazza Goldoni - piazza della Borsa - Rive - Campi Elisi

[babatriestina]

penserò anche mi el sesso dei autobus, e ve confesserò che una volta son stada ingannada, senza pensar, de quella strofetta, perchè volendo andar in cimitero, go ciolto la uno: e ovviamenete a un certo punto go dovudo smontar e cambiar linea..
per el 3 e 9, che ciolevo per andar al Ausonia, le fazeva una variante nela stagion dei bagni: mentre in inverno me par che le girava davanti alla stazion de Campo marzio, in estate le arivava fin davanti del Savoia, el ingresso iera più a sinistra del attual, in corrispondenza del pontil. Al ritorno, i due tram no fazeva la Riva, ma passava per via Lazzaretto Vecchio, almeno per un tratto.. po no me ricordo ben.

[babatriestina]

provo a dir i articoli: la uno ( ciolta solo el giorno del error), el due ( mai ciolto), el tre e el nove- ciolti per andar al bagno, el quattro ( mai ciolto), el cinque, per andar in Piazza Perugino, el sei ( Barcola) el sette ( mai ciolto) el otto sempre a Roian, ma no gavevo occasion de ciorlo, la dieci ma anche el dieci, el undici ( per el Cacciator).. la quindici e la sedici per andar in piazzal Rosmini, la ventinove.. el venti...la diciassette.
ma no savessi dar una motivazion..

[sum culex]

No xè proprio una risposta a quel che domanda el nostro amico omonimo del gioral locale, ma pur tutavia sempre se trata de ricordi dei mezi publici de una volta.
El tran n. 6 prima de andar fin a San Giovani el fazeva Piazza Goldoni-Barcola e in viale Miramare dopo el cavalcavavia el caminava veloce in sede propria; el capolinia iera in passo Goldoni, iera sempre la motrice col rimurcio. Sucessivamente i lo ga prolungà fin San Giovanni istituindo per la stagion de bagni el 6/ P.Goldoni/Barcola che no ga durado sai tempo.
El 9 gaveva tran meno moderni del 6 ma spesso el gaveva due rimurci.
L'11 gaveva el capolinia in cità in piazza Verdi e el rivava in via Revoltella fin al'altezza de Scala Bonghi dove che el fazeva 'retromarcia' come che fa el tran de Opcina (co el camina) sia in piazza Oberdan che in Carso; infati la via Revoltella finiva là.
Un ricordo dei tran più veci senza carei: Co mi ero muleto e de domenica mio papà me portava de mia zia a Rion del Re col 11; iera due tipi de carozze: un tipo coi carei e un altro tipo più vecio senza carei che co el fazeva le curve più strete el garatva sui binari e mi volevo sempre ciapar sto qua a costo de lassar perder quel più moderno anche se al passva prima, fazendo rabiar el mio vecio, perchè me piaseva el rumor che el fazeva gratando nele curve: el se ciamava el 'tran grè grè'. Sta linia passava in su e in zo per via Ginastica con binario unico, sdopiado circa a metà dove che quel che rivava prima spetava el tran che vigniva in senso inverso. Spesse volte nele curve strete tra via Canova/Palladio/Stuparich/Gatteri (per una l'andava in zo, per l'altra el vigniva in su) el sbrissava de bruto e altre inveze le riode fis'ciava come sirene.
La 25 quela volta iera corriera linia 'L': l'unico autobus de Trieste. Tute le altre linie iera solo tran e due filovie. Iera ancora le corriere col muson in fora e in via Farneto el fazeva una fadiga de mati per andar su per la salita. El capolinia iera a San Luigi in via Carlo Archi davanti la scola Padoa.
La 15 e la 16 iera filovie pice e vece la 'A' e la 'B' de piazza Goldoni a più o meno dove che le ga el capolinia anche adesso. Ancora un ricordo: quando che mio papà me portava a spasso a Campo Marzio mi gavessi voludo ciapar la filovia, ma mio papà (mi gaverò avù quela volta circa 5 ani) el me diseva che no se pol, no se riva perchè 'la fila via'! Sarà una sciochezza, ma xè un ricordo flasch dela mia infanzia, se sto inserto no ve par oportuno, podè senz'altro cancelarlo.
Ciao
sum culex

[AdlerTS]

Ancora Mario:

se parla del 1934-1935

el quatro in Arsenal no me lo ricordo; mi me par de ricordarme una linea 27, con dei autobus veci veci che 'ndava in arsenal e la iera solo co cominciava e finiva i turni

4. Piazza Garibaldi - piazza Goldoni - piazza della Borsa - Rive - Campo Marzio

el sete no me lo ricordo per niente e no me ricordo niente nianche de un uno che vadi in cimitero (anche se me par che ghe fusi un tram che andava su per san Giacomo) e un diese in canon

7. San Giovanni - portici di Chiozza - via Carducci - piazza Oberdan - Stazione Centrale

1. San Sabba - Cimiteri - via dell'Istria - San Giacomo - piazza Goldoni - Stazione Centrale

10. Via Severo - via Coroneo - via Milano - via Roma - Piazza della Borsa


Nel 1935 incomincia a meter le filovie al posto dei tram. La linea 4 diventa filovia e al posto dei tram dela 10 i meti i primi autobus.

comunque el 2 iera uguale dei altri anche perchè el doprava le stese sine, nela foto el tram xè rente dela Dreher.