Quiz su cossa xè

[mula del Küstenland]

Ciao a tutti! alora, andando su per Commerciale, all'incrocio con la Scala dei Lauri, son rimasta colpida dal signorile palazeto ottocentesco che ocupa l'angolo a monte. Xe una bela casa, chisà chi che ghe stava una volta (sicuro un famiglia rica), pecà che la xe disabitada e bastanza in rovina.
Sta casa, me go inacorto, ga due curiosità:
1. sula faciata che dà su Commerciale ghe xe, sempre più sbiadida, ancora una de quele bele targhe de lata col nome dela via... de quele che ancora in qualche posto ogni tanto se le vedi, sempre più ruzini e meno legibili (penso che quele targhe sia ancora de epoca austriaca)
2. sula faciata su Scala dei lauri xè... beh, quela che a mi me par una bala de fero per canon, murada nela casa.
Quindi, cossa xe sta bala de fero? nisun sa niente? ma se anche fosi una bala de canon, me par strano che la sia stada - per esempio - sparada dal mar... perché no la xe in posizion compatibile

[Nini Naridola]

Doveria esser una bala de canon da 48 libbre che gli inglesi ga sparà nel 1813 contro i francesi dalla nave Mildfort. I francesi iera asseragliai a San Giusto e spetava el grosso dela trupa che vegniva da l'Istria. Pol esser che la bala sia stada anche francese, ma no so se i gaveva canoni de quel calibro; più facile i inglesi che tirava dal porto sula via commerciale per taiar la ritirata.

[babatriestina]

adesso ve posto mi un
xe una foto assai modesta, fata de sera de una machina in movimento

e xe el ponte sul canal che xe a Monfalcon per andar a Grado.
Ma una nota su una cartina me ga messo in evidenza una caratteristica de sto punto. Che xe de notar per qualcossa.
Chi sa per cossa el xe notevole?

[Nini Naridola]

No go capì ssai ben la domanda e la "curiosità". Quel, ne la foto xe el ponte in via Cosulich a Monfalcon; là soto vien fora el canal Valentinis che xe colegà col canal de' Dottori che ciapa l'acqua de l'Isonzo a Sagrado. Quel che pol sembrar curioso xe le sensibili variazioni de marea.
Costruidi i canai poco prima dela grande guerra i nostri soldai ga avù dificoltà anche pel ploch che iera da Monfalcon a Sagrado.

[babatriestina]

anche... per la guera, i ga vero i canai ala dichiarazion de guerra del Italia.
La curiosità xe geografica, comunque e non storica

[Piereto]

No stane tinir sui spini. Xe facile scavalcarlo per butarse de soto? In te l'aqua salmastra nuda i bisati?

[babatriestina]

Molto meno fantasioso...
se guardè un a carta geografica: xe el punto più a nord del bacino del Mediterraneo

[Nini Naridola]

Mah, no voio sbagliar, me par, a ocio, che Porto Nogaro sia più a Nord.

[babatriestina]

porto Nogaro xe a latitudine 45° 47' 47' istesso che i Cantieri. El ponte me par un filin a nord dei cantieri, 45° 48' e qualcossa, sule mie cartine.( 45° 48' 13' stando a wikimap). Dove che xe apunto questa nota: Punto più a Nord del Mediterraneo.
Te disi che i furlani ga tentado anche quel? per spiegar che el loro porto xe più miteleuropeo de tuti?

[babatriestina]

eccovi la cartina con la nota, Fra l'altro è su un canale navigabile, mentre Porto Nogaro mi sembra che sia un porto fluviale, sul Corno




però i furlani non mollano, anche se sul fiume, di confrontano non col canale ma col porto di Monfalcone e dichiarano " Porto Nogaro, attivo porto fluviale sul Corno, nella Bassa Friulana. Era un centro molto importante nell'antichità per il passaggio da Porto Nogaro Questo porto, attivo per navi di un certo tonnellaggio, contende per poche centinaia di metri a Monfalcone la caratteristica di porto commerciale più settentrionale del Mediterraneo. Infatti l'estremità nord della banchina operativa di Porto Nogaro si trova a 45°47'59" nord mentre la zona fra la banchina operativa di Monfalcone e la prospiciente banchina di allestimento dei cantieri navali di quella città è alla latitudine di 45°47'35", una differenza di meno di mezzo miglio nautico. " Insomma, confrontano non il mare e l'acqua salata ma le banchine operative

[sono piccolo ma crescero]

Le parole vanno lette con attenzione: porto Nogaro è il PORTO (fluviale) COMMERCIALE più settentrionale del Mediterraneo. Il canale Valentinis è il PUNTO più settentrionale del Mediterraneo: Sono due cose diverse, entrambe, se mi permettete, assolutamente prive di interesse, solo delle curiosità.

[babatriestina]

secondo me, invece c'è un interesse, non solo puramente geografico, come quando ci facevano studiare a scuola i vari punti più a nord , a sud, a est e a ovest degli Stati, dei continenti, etc.. ( Capo Nord, Capo Finisterre, Capo Matapan..)
le definizioni giocano appunto sulle parole per accaparrarsi il PIU' . Ma c'è una questione di marketing sotto, direi: il porto più a nord ( o il punto più a nord) del Mediterraneo suggerisce che è anche il più conveniente da utilizzare per farci arrivare le merci dal Mediterraneo ( e Suez) per avviarle verso i mercati del centro dell'Europa...

[Piereto]

Ieri pasando per Via foscolo go posado el sguardo sul numero 8 e ve alego la foto ciolta in prestito da google. Me gà sembrado eser stà una volta un edificio publico come una scola. Voi ne savè de più?

In via foscolo 8.jpg (31.43 KiB) Visto 4217 volte

[sono piccolo ma crescero]

Go trovà sta roba



La xe in acciaio. la punta a sinistra xe conica e de l'altra parte la diventa un parallelepipedo a base quadrata. Le misure le vedè, ma se volè la precision, el calibro disi 25,4 mm (un pollice insomma) in lunghezza e 1,5 mm de spessor sula parte quadrata

Cosa xe? Podesi regalarghelo a chi che indovina.

[babatriestina]

troppo grande per esser una puntina de grammofono

[Ciancele]

Go trovà sta roba



Cosa xe? Podesi regalarghelo a chi che indovina.

Domandeme a mi che so sempre tuto.
Xe un puntariol, deto anca bulin.
Prima de darte el mio indirizo, chi paga le spese de spedizion?

[Ciancele]

Nel mio post precedente go volesto come al solito spander. Quel toco podaria eser stado un cosideto ciodo senza testa. I xe usai specialmente in falegnameria. Quel che me disturba xe la forma no tonda. Ciodi compagni i li usa par le clanfe de cavai.

[sono piccolo ma crescero]

Mi ve confesso che per mi xe una puntina de grammofono, de quei veci grammofoni a 78 giri. Un cugin de mia mamaghe ne gaveva un e quando el lo ga butà via, mio papà lo gaveva rimesso a posto e tacado ala radio.

Se me domandè de giurar, no, no giuro, ma, a naso, me par proprio che sia una de quele puntine. Senò no saveria proprio cosa.

[babatriestina]

le puntine del mio no iera più longhe de un centimetro e me par che le gaveva anche la base tonda. No e go più, le go regalade con gramofono a un amico co stavo traslocando. I amici se vantava tanto de gaver un simile e alora go regalado el mio..

[Nona Picia]

Per mi xe un ago...per cusir roba grossa....