Rugby - Bala ovale

[VetRitter]

forsi cartela piena, svodada ora, scusime.

[Nini Naridola]

Bella vittoria del Venjulia Trieste sul campo freddo e ventoso di Prosecco con il Montereale rugby per 38 a 12.
Bravi muloni!

[VetRitter]

Montereale Valcellina?
chisà che terzo tempo..

[Nini Naridola]

Son andà via subito dopo la partida; però te posso assicurar che qualchedun che xe arivà un ora prma, abituà dal'orario invernal del drop inizial alle 2 e meza, gà anticipà abondantemente el 3° tempo soprattutto i valcellinesi col pullman de parenti e amici che i se ga portà drio de tuto e de più co la paura de morir de fame e de sede. A onor del vero l'alenador no ga lassado che i zogadori partecipi alla gozzoviglia, ma i ghe ga fato far un riscaldamento prolungà.
Per la cronaca - iera la prima volta che vedevo - una donna ga arbitrà la partida. Un scriciolo de muleta che la iera sempre fra i pie de sti manzi. Nelle mischie, invariabilmente, oltre ai comandi: "bassi - tocco -via!" la diseva, subito dopo anche: "Fermi". (penso che no la volessi veder la mischia che ruota). El Monte xe andà in meta ai primissimi secondi: calcio d'avvio del Venjulia; presa al volo del primo centro, fuga per mezzo campo e meta. Me son dito:- Qua se meti mal! Dopo invece ... Co i perdeva ben, i cellinesi del pubblico se la ga ciapado con l'arbitro zigandoghe: "Corso di taglio e cucito"
Alla prossima, ciao Vet

[VetRitter]

pullman de parenti e amici che i se ga portà drio de tuto e de più co la paura de morir de fame e de sede.

disevo ben...

una donna ga arbitrà la partida. Un scriciolo de muleta

mi ne vedevo una cò zogavo, e devo dir che quando la ne arbitrava ela se sentiva un poco meno de brute parole in campo. Pò la gaveva zogà anca ela, prima linea, pochi contestava..
saluti

[Nini Naridola]

Ieri a Spilimbergo: Rugby Club Spilimbergo vs Venjulia Trieste: 12-100
Devastanti! Pecà che no la go vista!

[Nini Naridola]

Ogi, dopo magnà, altra sonante vittota del Venjulia TS sul Black Ducks Gemona per 78 a 0. Circa, perchè go perso el conto!

[VetRitter]

dopo magnà

dopo magnà ti o gavé fato zogar i muli a panza piena?

78 a 0

[Nini Naridola]

Da quel che i ga divorà al terzo tempo, se diria che i ga giogà digiuni ... ma no xe dito! (Saco svodo no'l sta in pie!)
Domenica prossima ultima de campionato.

[Nini Naridola]

Batendo per 18 a 5 el Padova, la Venjulia Rugby Trieste concludi el campionato al 3° posto in classifica.
Bravi muloni!

[Nini Naridola]

Ga ripreso la stagion del rugby e no podevo mancar al derby a Redipuglia. El Venjulia Trieste ga sopressà le API dei bisiachi per oltre 50 a 0.

[Nona Picia]

più bravi dela triestina.....

[babatriestina]

più bravi dela triestina.....

che però ogi ga vinto

[Ciancele]

A Nini Naridola ghe go augurà che la squadra del suo cuor vinzi. El me devi ‘ver stracapì. Go dito vinzer, no subisar! Ma iera bel lo steso, no?

[Nini Naridola]

Caro Ciancele, el mio nipotin più picio -el ga 4 anni- el ga comincià ad alenarse de un per de setimane con le API de Foglian-Redipuglia perchè el abita a Ronchi dei Legionari. Ogi semo andai insieme a veder la partida ... lu fazeva el tifo per le API (che gnanca a dir ga la divisa a striche gialle e nere) e mi ... stavo zito perchè, per lui la vittoria xe el possesso del balon nele mischie e nol capissi ancora la sodisfazion e la bellezza de andar in meta.
Nonostante i mii cruzi ... una bela giornada col prometente nipotin!
Per el balon, BabaTS me ga batù a lo sprint ... co tornavo a casa me son fermà a Monfalcon per sentir el risultato ...

[Nona Picia]

più bravi dela triestina.....

che però ogi ga vinto

Diria che iera ora....

[Nini Naridola]

Bella vittoria del Venjulia Trieste sul blasonato Oderzo per oltre 30 a 7. Stupenda meta del triestin Simone che dalla zona dei suoi 22 metri ga seminà con una fuga travolgente tutti i aversari per schiaciar in meta in mezo ai pai. Bravi muloni!

[Ciancele]

Bella vittoria del Venjulia Trieste sul blasonato Oderzo per oltre 30 a 7. Stupenda meta del triestin Simone che dalla zona dei suoi 22 metri ga seminà con una fuga travolgente tutti i aversari per schiaciar in meta in mezo ai pai. Bravi muloni!

Per siampatia son 'ndà a veder el tuo post sul rugby. Son contento che te sia contento.

[Nini Naridola]

Per tignir subito informà el baloner Ciancele, ieri me son dimenticà de dar la Vittoria del Rugby Venjulia Trieste sul campo del Pieve di Soligo con el Rugby Piave per 20 a 8. Trieste xe in testa alla classifica dopo 3 vittorie de fila.

[Ciancele]

Ciao Nini Naridola e bon giorno. De la furia go leto balota inveze de baloner e me go domandà: Mi, balota? Par quei do deca che peso? Scusa. Scusa e grassie che te pensi prima a mi che a ti. Se i tui vinzi de novo e te senti una paca sula spala, son mi che me congratulo con ti. Auguri e... tante mete.