mussoli e petorai

[Ciancele]

Un consilio a Baba Triestina: Prima de contar in giro che i musoli no ghe piasi, che la vadi in feisbuc (plagio de Macondo: scusa! grazie!) e la legerà che “i mussoli ... ma dal delicato sapore di mare”. Forsi la imparerà creder più a quel che disi i altri che a quel che la vedi ela stesa.

forsi no te ga leto ben, Ciancele: mi no parlo de quel che vedo o che legio su feisbuc o altrove, ma de quel che i me ga fato magnar una volta e iera un gruppo de Accademia de cusina triestina, bongustai, insoma: go magnado e ripeto che no me ga piasso per gnente! bleah!!!

La stesa roba me xe tocada a mi co'le ostrighe. Co'go dito che no le me piasi. El senso in boca iera più che cativo. I me ga dito una parola che no poso scriver, parchè i me la cancela subito.

[macondo]

una picola bistechina con Bratkartoffeln. Patate prima cusinade, lasaze iazar (diventare fredde), po taiade a fete e in farsora.

Ma le patate in tecia domace no xe la stessa roba?

[Ciancele]

una picola bistechina con Bratkartoffeln. Patate prima cusinade, lasaze iazar (diventare fredde), po taiade a fete e in farsora.

Ma le patate in tecia domace no xe la stessa roba?

No, parchè mi credo, o me par de ricordarme, che le patate in tecia no iera a fete, ma pestade. Smashed.
Le Bratkartoffeln te le pol far crude, taiade a fete sotili, ma no ostie. Te le meti in farsora con poco graso. Chi ciol oio, ma qua se preferisi, par ‘ste patate, cior margherita. Buro poco, parchè ghe dà tropo gusto. E i altri grasi (struto ecc.) no xe par mi boni par far le patate. Patatine frite (chips, french fries) sì, ma no Bratkartoffeln. Fogo moderato par Bratkartoffeln.
Ma qua, vive la difference!, se ciol patate farinose, le vien lesade e, el giorno dopo, spelade, taiade a fetine (né grandi né pice: giuste!) e mese in farsora. Farsora de fero, che no se lava, ma se neta col giornal! La xe sempre grasa. Se te vol, te ghe zonti un per de fetine de zivola, Rosmarin solo nele patate rose in forno.
PS: I disi de meter do fetine de zivola frita anca in tele polpete.

[babatriestina]

le patate in tecia che conosso mi e che se fazeva a casa mia iera a fete, no pestade col piron. Con zivola chi che ghe piasi e che fazi una crostina.. la zivola nele polpete mi la metevo cruda, ma adesso preferisso meterla nel sugo che le cusino. Margarina me rigìfiuto de far entrar in casa mia, oio, buro magari poco e nele patate no digo che no se posi zontar un cuciarin de strutto..

[Nona Picia]

Le patate in tecia che conosso mi xe lessade un poco, taiade a tochi e passade in fersora con un poco de zivola,oio e emagari un tochetin picio picio te lardo, che me piasi el gusto che lassa...ben missiade e che fazzi la crostina....

[babatriestina]

in Carso i porta spesso le patate come che disi Ciancele, fracade col piron, ma no le considero classiche patate in tecia...

[sono piccolo ma crescero]

A casa mia le patate in tecia iera come che disi Ciancele. Mastruzade.

[macondo]

Ben bon. Squasi Prust e su madeleine...L'ultima volta che go magnado mussoli sara' stado fine anni 50, in via Maiolica. Me go trovado sti mussoli a Medulin, vizin Pola. Me ga deluso, per eser sincero. Dureti e con un savor indiferente..