Mittelciok

[Tirabaralla]

Franco, te son un delinquente! Criminal, mascalzon... e altro...
Che vojaaaaaaaaaa

Cmq la roba più bela...hmmm...le sculture "postmoderne" (grazie Bilbo per le foto "ravisinade").
Sai cocoli anca i cartei "non toccare" la dei dolci e de le opere
Cocolisimo el moderno "Geppetto" che intaglia la ciocolada!

No go mai "presenziado" a sta manifestazion...spero de rimediar presto

[ffdt]

Franco, te son un delinquente! Criminal, mascalzon... [...]

So ... so ... eh ... chiedo venia ... ma go meso la testa a posto ...

Pero` la ciocolata de 'l Mittelciok ve la beche` isteso ;-D cusi` come anche i altri giri che gavevo meso e che tornero` a meter ;-D ... i momenti importanti che no va dimenticadi ;-D

Franco

[ffdt]

Ben bon ... andemo avanti

Eco cua un bancheto con cualcosa de piu` tradizional:


Go imparado cualcosa de novo ... per vardar la foto granda basta clicarghe per de sora de cuela picia

[ffdt]

Cuesto xe el stand de una fabrica che la xe in zona industrial cua de noi ... i se ciama "Al Bom Bom snc” ... i xe in via Muggia, che fusi in te la zona industrial rente de Matonaia ... la` indove che ghe iera el campo de aviazion fina in te i ani '50 ...

I stava misiando una pignata de ciocolata che la gaveva un odorin che fazeva proprio voia ... i ga comprado el marchio "Eppinger" de "la Nuova Giuliana" che sta per serar e i ga verto la fabrica in zona industrial dopo che i gaveva za un laboratorio in via Emo ... xe roba recente ... de 'l 2005 me par de gaver capido. Se li trova citadi in te 'l Internet.

Bon ... cua xe un toco de cuel che i proponeva:

[ffdt]

Visavi` de sti cua iera la pasticeria giamberlano ... http://www.giamberlano.it/montecuccoli.htm ... el nome e 'l link no i xe fruti de la memoria mia ma de cuela de un de i utenti de 'l forum de TriesteMia che ringrazio in zito perche` me par giusto de far cusi` ... i gaveva una torta Raimondo Montecuccoli (lo go trovado su wikipedia http://en.wikipedia.org/wiki/Raimondo_Montecuccoli) che la gaveva una scatola interesante:


Schize` el sorzo sora de la foto ;-D e la diventera` granda ... robe de strigoni ;-D ;-D ;-D ;-D ;-D

[ffdt]

Bon ... lasada per un atimo la familia a incoconarse de dolceti, mi go fato un giro per de fora per far un do foto de 'l tendon ... ecolo visto de via Paganini, su 'l canton de piaza S. Antonio:

[ffdt]

E due visto de la scala de S. Antonio novo (schizando le foto le se ingrandisi):

[ffdt]

Una volta tornado dentro per de la "porta" de la foto cua de sora ghe xe una foto de 'l "panorama", giusto vixavi` de Ulcigrai:



e una foto de un stand che girava:

[ffdt]

E con un'ociada de vizin de 'l bancheto de Ulcigrai finiso la serie de foto de 'l interno

[ffdt]

Gavesi podudo fermarme cua c'o le foto ... solo che mi me son imedeximado ... go pensado "ma se mi fusi cua a caminar con un conoscente che no sta piu` a Trieste de tanto tempo, cosa vardasi" ... e sicome che no gavevo un gran che de risposte me son dito "e se fusi mi cuel tale" ... e cusi` go fato ancora cualche foto ... tanto per tignirme in te i oci sta nostra cita` ... come se dovesi partir per tornar indove che vivo adeso e che xe cusi` lontan che no xe che poso eser cua ogni volta che me vien voia ...

E alora eco che go ciapado cuei che vendeva balonzini tra via Dante e piaza S. Antonio


click per ingrandir

[ffdt]

E 'l teto trasparente de cuel toco de tendon indove che ghe iera le machine per la ciocolata scuaiada che ve go mostrado prima:


click per ingrandir

[ffdt]

... e la fontana de piaza S. Antonio che, co' 'l tendon intorno, la pareva per bon come se la fusi stada mesa in te 'l giardin de una vila, anche se vista per de dentro iera meio ...


click per ingrandir

[ffdt]

... e i ciclami mesi in te i pexi che tien el tendon, giusto se vien vento ...


click per ingrandir

[ffdt]

... e cosa ... che pasandoghe davanti no gavesi fotografado la cexa de S. Spiridion ... no c'entra c'o la cuxina ma la xe rente de 'l Mittelciok ... e 'po mi stago lontan ... parto domani ... ghe fazo una foto ... anzi ... tre ...


click per ingrandir


click per ingrandir


click per ingrandir

[ffdt]

... e per ultimo meto una foto de 'l canal ... ciapada de piaza S. Antonio giusto in te 'l trato tra via S. Spiridion e via Filzi ... che 'po iera strada per Viena fin a no tropo tempo fa ... cuela strada che c'o ben la riva a Viena la se ciama TriesteStrasse ... e mi de sto punto vardo el mar ... xe un poca de foschia ... giusto adato per pensar a cuei che i xe lontan ... pero` el canal el xe un aprodo ... un logo de indove che se parti ma anche indove che se riva ... e cusi` eco cua ... finido el giro de Mittelciok tornemo ognidun a 'l suo posto ... semo stadi de novo insieme per un poco de tempo ... adeso per un poco saremo de novo distanti ... ma no tropo distanti e no per tropo tempo ... fin a la prosima volta ... fin che no ghe sara` cualcosa che fara` 'si` che cuei che i xe lontan i torni indrio ... fin a butar la zima intorno a le bite che de cualche parte de sto canal le xe ancora che le speta ... le speta perche` le ga fiducia e le sa robe che noi gnanca no se imaginemo ... e come che le speta lore cusi` speto anche mi, vardando el cel che 'l se specia in te 'l mar ... e 'l mar che 'l me varda a mi ...

E se la fortuna la ne asisti se troveremo tuti per el "baile del xocolatl" a 'l Mittelciok 2006


Ciau a tuti

Franco


click per ingrandir

[AdlerTS]

Non meto altre foto perché saria ripetitive, ma ricordeve che ancora domani se pol andar ad assagiar la ciocolata in tute le salse !

Tra l'altro i ricorda che proprio l' 8 novembre 1519 jera la prima volta che dei europei (quei de Cortés) ga 'sagiado l'antenata della ciocolata moderna, la xocolatl (con la vera x, non come la intendi qualchidun de noi in S dura ) offerta da Montezuma. 488esimo anniversario

[Nona Picia]

Semo andai stamatina e qualche foto la vederè, parola dela moglie de zoomy!

[AdlerTS]

Son contento che Zoomy torni alla carica

[sum culex]

Xè sta messa la mostra de ciocolata del 2005 e per el 2006 no xè sta messo gnente. Semo nel 2007, e, anche se xè ben vero quel che disi Adler: che altre foto saria ripetitivo, ghe ne meto lostesso un poche fate sto ano.

Un bancheto: me piaseva el fior de candela cola candelabro



e sicome che el me piaseva assai, de questo fazo anche due particolari

[sum culex]

Orseti, pinguini e Babbo Natale



Eco el pinguin: me ga più de marzapan che de ciocolata; pecà rosigarlo!



El scultor al lavor; chissà se el diventerà famoso come Spagnoli o Mascherini?