Mestieri in ordine sparso

[sum culex]

Adesso ve zonto un'altra parola
SPIZZE
cossa xè le spizze?

Xè magari presto perchè qualchedun gavessi za risposto, ma ve voio dar un piccolo aiuto lostesso: le 'spizze' se fazeva cola 'manera
forsi pol iutarve: cossa xè la manera?

Intanto ve digo che no xè una man scura o tinta de nero
ciao
sum culex

[Coce]

Le spise xe tochetini de legno fini e longheti che se taiava con la manera per impisar el fogo in fogoler o in stua. Coce

[babatriestina]

Spize, imagino de Spitze tedesco , punte. In fondo, xe sc'enze un poco più grandi.
Per la manera, ghe xe l'espression Taiado cola manera . E tirar drio el manigo dela manera.
E se no ve comportè ben, i moderatori ve "manera" i post !

[AdlerTS]

Sempre dal tedesco Spitz (punta) la Spiza o Spizza iera anche la baionetta del fucil in guera

I falegnami nostrani, in più, quando fa un taio a 45° per unir do striche de legno ad angolo fa una "spizadura".

Peri cotti vendudi "sul stecco" per antidoto domacio ai rafredori e le malatie de peto.
El mato girava col pignaton caldo a tracolla dove i peri stava in caldo a bagnomaria grazie a le bronze che iera dentro.

Come sto qua:

El Signor ADLER ga proposto una spece de 'quiz' (quiz no xè dialeto triestin)

Grazie per el signor

[sum culex]

El Signor ADLER ga proposto una spece de 'quiz' (quiz no xè dialeto triestin)

Grazie per el signor

Prego, con c'è di che, dovere mio.


ciao
sum culex

[sum culex]

Le spise xe tochetini de legno fini e longheti che se taiava con la manera per impisar el fogo in fogoler o in stua. Coce

Otimo, Coce: la risposta xè perfeta!!

Ti te fa ancora spizze cola manera? Mi no! Ogi xè quasi tuto a gas o gasolio, xè i riscaldamenti centralizai, nele case moderne stue o fogoleri no ghe ne xè più. Solo chi che ga el camineto impiza ancora el fogo coi legni, ma no so quanti che dopra 'spizze'. Ogi se dopra le torcete = cubeti impregnai de combustibile (petrolio o altro) sia pel camineto che per el grill (barbecue)

A proposito: come se ciama el barbecue (o grlill o griglia) dove che se dopra la carbonela (carbon de legni) in dialeto triestin?
Se dopra solo carbon de legni perchè el fossile (de miniera) o el Koke de ferriera mola ssai gas e el rosto ciaperia un gusto tale de no poderlo magnar oltre che esser probabilmente anche nocivo (forsi adiritura velenoso).

Chi me saverà dir? (Sicuro e subito la gent.ma Sig.ra baba(TS) )

Ciao
sum culex

[Tirabaralla]

Che bela foto, Adler...davero.

[Capuzi garbi]

Vedemo se Sum conossi "el petoraler"

Eco L'omo dei petorai e quel dei caramei ai primi del 900 vizin al Castel. Foto dal libo Trieste Romantica, ed Libreria Internazionale Italo Svevo 1973



CG

[refolo]

LA SUBIA?

no ghe iear giorno che sentivo sta parola....mio papa' caligher..la nominava sempre.

Ghe disevo? ...PAPA! cossa xe sta roba cussi volgare? me pareva proprio
una parola alquanto indifferente! ma alquanto necessaria per el mestier.
Maria aka Refolo

[macondo]

Vedemo se Sum conossi "el petoraler"

Eco L'omo dei petorai e quel dei caramei ai primi del 900 vizin al Castel. Foto dal libo Trieste Romantica, ed Libreria Internazionale Italo Svevo 1973

Mi me ricordo un sior che vendeva quei col caramel in via Solitario, prima de le vetrine de Donda. I peri i iera in una specie de cheba de rame e vetro che el gaveva impicada sul peto....

[Coce]

SUM C. Xe de quando che son riva' qua' che no go mai piu' usa' el fogoler a legno o carbon. Quel che voi ciame' "la grigliata" o el nostro "barbaque" mia Mama la ghe ciamava rostir sul "Speo" che ghe somiglia a lo "spiedo"ma che no gaveva niente de far col spiedo perche la rostiva carne o patate o castagne su le bronse de carbon dolse o legni.
La frase usada de Beta "Tirar drio el manigo co la manera", mi me ricordo de la frase " el manigo va drio la manera" che se intendeva dir "el fio xe come el pare" (El ga tute le "peche" "difeti" del pare)
Sto tema sta' diventando interesante. Ciao a tuti Coce

[babatriestina]

Dopo un momento che no me vegniva, me xe vegnudo el termine per la griglia o barbecue: la gradela!!
el pesse se fa sula gradela! ( che po xe un diminutivo de grata)

[Nona Picia]

Brava baba! Prima o dopo ti te sveli tuto! Complimenti, te ciamerò "Enciclopedia ambulante".
Ciao ciao

[babatriestina]

Ma savevi anca voi, no?
solo che vien in mente dopo
( go fato ieri un altro pan come te me ga consigliado, xe vegnudo ben- sero subito el OT, anche se far el pan xe comunque un vecio mestier)

[AdlerTS]

Go trovado altri 3 mestieri per el "quiz":

Pegolotto

Pomigador

Lugaro

(Baba, speta do minuti prima de risponder )

[refolo]

SUBIA!
TRINCETTO!
CORAMER!
MISTRA!
POLLICE!

MARIA AKA REFOLO

[Tirabaralla]

Go trovado altri 3 mestieri per el "quiz":

Pegolotto

Pomigador

Lugaro

(Baba, speta do minuti prima de risponder )

Pomigador xè el colaudator de materassi?

[refolo]

Tirabaralla te ghe son vizin!!!!!!!!!!

mi disevo SCHENAR!.....

Maria aka Refolo

[babatriestina]

però in barca pomigar xe mover la barcheta ( o el passo) solo con un movimento del timon...

[Coce]

Si me ricordo anche mi, "LA GRADELA" xe la parola giusta per la grigliata
"POMIGAR" in cantier significava "Bater fiaca" percio' el "Pomigador" iera
uno che no voleva far niente. Coce , e forsi el lasar la barca a moverse pigramente pol aver la stessa provenienza. Ciao