Piazza dele Poste

[AdlerTS]

Sempre dal libro "Trieste 1872-1917, Guida all'architettura", la descrizion dell'uso del vetro all'interno dell'edificio della "posta centrale":

"la pavimentazione originale del salone era in piastre di vetro circondate da bordure verdi e fregi bianchi, sistema elegante e pratico che lasciava filtrare la luce nei locali del pianoterra, dedicati agli archivi. Il pavimento odierno è un rifacimento del solaio realizzato in vetrocemento e mosaico, ad imitazione del precedente, dopo i danni arrecati dal secondo conflitto mondiale [... ] il vestibolo era costituito da due tetti, uno esterno in vetro semplice e l'altro interno in vetro decorato con emblemi postali, aquile imperiali e bordure ornamentali distrutti da un'incursione aerea del 1945"

Doveva esser uno spettacolo

[AdlerTS]

Dicono che l'Austria dedicherà prossimamente un francobollo al Palazzo delle Poste di Trieste, con l'immagine di come era in origine il salone grande, statua di Francesco Giuseppe inclusa.
( devo averlo letto o su un giornale o in Rete)

lassa che verifico una roba e dopo te rispondo

[AdlerTS]

Continuando dal discorso sul francobollo riciogo in man la storia della statua a Francesco Giuseppe, che ga avudo una storia travagliada: commissionada dalla Luogotenenza, alta due metri, la xe stada realizzada da Johannes Benk (27. luglio 1844; † 12. marzo 1914) , in marmo de Laas (oggi Lasa, in Südtirol) ed originariamente la gaveria dovudo star fora, in mezzo alla piazza.
La corrente filoitaliana del comun non ghe ne voleva saver, cussì ga fato costruir in fretta e furia da Francesco Schranz, a spese del Partito Nazional, la fontana dei Tritoni, cussì che el povero nostro Franz i lo ga messo all'interno del palazzo.
Fatto sparir logicamente col ribalton del 1918.

Prima del disegno del francobollo, non gavevo mai visto in giro una foto della statua.

[babatriestina]

la storia della fontana fatta in furia per no metterghe la statua, la gavevo letta in giro più volte, ma no savevo che fossi po la stessa statua che xe finida dentro.

[babatriestina]

finora se parlava del esterno del palazzo, ma za che semo, metto un per de foto fatte andando in posta, cola macchina fotografica drio!
i leoni del scalon li go za messi nel topic hic sunt leones..
questo xe el scalon de ingresso



questo se nota de meno, e xe el soffitto del atrio, con ancora qualche pittura d'epoca, apparentemente

e questi xe i fanai, verso el timpano dove che doveva esser la statua

[babatriestina]

devo dir che trovo più original l'interno che no l'esterno
me piasi molto la luce de sti fanai, e anche el loro disegno pulito

el salon central, con el plafon come che el xe adesso

el particolar del scaon de onor, ecco, me gavessi parso logico metter qua la statua del imperator

[babatriestina]

el quadro de fondo fazeva parte de una serie de tre, che occupava le tre arcade: i ga ritrovado de recente un solo e i lo ga restaurado e rimesso in mezzo:

allegoria della Posta, col piccion viaggiator e le lettere in man ai putti?

[AdlerTS]

devo dir che trovo più original l'interno che no l'esterno

Stando alle cronache dell'epoca, pareria che coi elementi decorativi che ormai xe andadi persi l'interno rivaleggiassi coi più bei palazzi de tutto el mondo !

i lo ga restaurado e rimesso in mezzo

Messo più che rimesso: in mezzo jera un'allegoria de Mamma Austria
La Posta stava a destra e el Telegrafo a sinistra.

[Coce]

Bellissime foto dela "Posta Grande". Infati guardando ai palazzi dele Poste Centrali de Melbourne e Sydney seben citta'molto piu grandi e Capitali di Stato no le xe gnanche de confrontar el Palazzo e la Piazza dove la Posta xe situada a Trieste. Mi son sempre sta' orgoglioso dela nostra Citta' e tanti ani fa' ghe mostravo foto dei nostri palazzi ai Australiani e i iera sorpresi e i me diseva "Perche te son vegnu' qua?". Go pensa' spesso a questa situazion, e son riva' a questa conclusion: Che Trieste nel suo tempo dorato dal punto de vista commeciale la xe stada assai prospera
de poderse permeter de sfoggiar tuti quei bei palazzi e anche infrastrutture che veramente le iera assai piu superiori de altre citta' de paragonabile ampiezza. La cosa che me sorprendi pero' xe che tanti dei sui abitanti ga vissudo in poverta' in quartieri che iera catapecchie.
Ciao Coce

[babatriestina]

curiosamente, a Vienna, un per de anni dopo i ga fatto un edificio de Posta, ma per una Cassa de Risparmio, affidada a Otto Wagner de un moderno impressionante! tuto un altro stil..

[babatriestina]

a proposito della statua de Franz Josef dentro le Poste , me par che el posto iera disgraziado: legio sula guida de Trieste della Ruaro Loseri:
.. sostituito con il monumento a Vittorio Emanuele III donato ai colleghi dai postelegrafonici d'Italia, opera imponente dello scultore Fortunato Longo. Asportato anch'esso, dopo la seconda guerra, ora è collocato al museo del Risorgimento..
meno mal che no i ga messo una terza statua...

[AdlerTS]

Un fia' più picia ?

[AdlerTS]

Sempre dal libro "Trieste 1872-1917, Guida all'architettura", la descrizion dell'uso del vetro all'interno dell'edificio della "posta centrale"

Più o meno cussì

[AdlerTS]

Saria curiosa de saver quali palazzi a Trieste ga costruido Friedrich Schachner , che qua no i disi..

Scrivi l'amico Mario:

Palazzo Parisi viale Miramare 7
Il palazzo fu costruito nel 1907 su progetto dell'architetto Schachner(1841-1907) di Vienna per la famiglia dei baroni Parisi.

Il disegno reca la data 19 aprile 1905.

Mille grazie

[babatriestina]

Lo go trovado anche mi, e no go trovado nissun altro e quindi el "diverse palais" in realtà riguarda uno solo. Iera quel che me fazeva strano.. anche perchè per ciamar un architetto de Vienna ghe voleva aver de far un edificio importante, e per case civili de solito ci ciamava i architetti locali, i Berlam, Mosco, e dei edifici importanti se sa tutti i nomi dei architetti.
spetè che finisso de ingrumar el material e sui stili ve fazzo la storia del Historismus a Trieste e altrove, con somiglianze e diferenze. Ma no go finido de ingrumar immagini, me manca un per de case civili.

[AdlerTS]

El giardin vecia maniera

[babatriestina]

El giardin vecia maniera

dala qual imagine podè veder che i cosiddetti fanai "originali" che i ga messo stivai in un canton, de original ga la base, ma el resto no.

[babatriestina]

anche se no xe nela piazza, restando sul palazzo delle poste, che adesso i lo sta ripitturando in gialletto, le mie solite foto-denuncia:
de lato, via Galatti, finide el impalcature se vedi la parte rossa alquanto scrostada, speremo che i metti a posto anche là:
[

e po, par che propio no i se gavessi messo d'accordo cola pittura, guardando la facciata posterior: giallo o matton?

go messo questa, per far veder che xe largo Panfili, cola cesa neogotica
la facciata posterior speta un restauro..

[babatriestina]

le statue del lato drio, cola Diana che se imbotona la maniga

a destra, Bacco cola coppa in man

[serlilian]

Penso che la parte de drio no gabi a che far cole Poste. Una volta iera l'Intendenza de Finanza, l'Uficio del Registro e almeno fina a qualche anno fa iera ancora uffici che se ocupava de modei 730 e robe simili.