Dialeto strento

[sum culex]

Ancora due parole che me xè vignù in mente ieri tra una ciacola e l'altra:

sparnizzar = sparpagliare, spargere

laverno = alloro

(se usa dir laverno come pianta aromatica per le robe de cusina, ma se dopra la parola italiana per le corone e/o ghirlande. Difati: "i ga deposto sul monumento una corona de laverno", me sa che no taca tanto.)

ciao
sum culex

[ffdt]

no se dopra gnanca dir che un el se ga "lavernado" o "allorato" ;-D ... per cuel se continua a dirghe lauro e no ne' laverno ne' alloro ;-D

[babatriestina]

Co me go laureado, che i amici me ga fato la corona de alloro, el mio relator me ga dito subito : Allora, signorina, quel laverno, quando lo mette nel brodo?

altro termine che no so se gavemo messo: bazzilar col peck, per chi che xe un poco tutulù, indrio cole carte,... nela città de Basaglia i termini al riguardo no manca!

[sum culex]

no se dopra gnanca dir che un el se ga "lavernado" o "allorato" ;-D ... per cuel se continua a dirghe lauro e no ne' laverno ne' alloro ;-D

'Lauro' per indicar l'alloro xè una parola dela lingua italiana doc ormai in disuso de parechi anni. Se no me sbaglio in un'opera (no son per gnente apasionà de sto genere) i canta: "di lauri incinta". Mama mia, go sbaglià; nona picia me ga coreto che i canta: "di lauri cinta".

ciao
sum culex

[babatriestina]

E te ga sbagliado anche genere:
Xe Radames in Aida, che canta:

Se quel guerrier io fossi!
.....
E a te mia dolce Aida
tornar di lauri cinto!


Quindi xe un omo, e gnanca volendo nol podessi restar incinto (almeno per ora, no, gnanca cole tecniche moderne, credo)
Sempre in Aida, al momento del trionfo el coro canta
S'intrecci il loto al lauro
Sul crin del vincitore

[Ursus Canadiensis]

incinta o incinto oramai xe solo tecnicalità terminologica. Co' i farà fioi con la machineta-fornel sara semplicemente incubà. Solo che ancora no go capì se se farà anche l'amor con la machineta inveze che la molie o el rispetivo marì.

Mah!!!!!

Orso

[Golfoblu]

Ancora due parole che me xè vignù in mente ieri tra una ciacola e l'altra:

sparnizzar = sparpagliare, spargere

laverno = alloro

(se usa dir laverno come pianta aromatica per le robe de cusina, ma se dopra la parola italiana per le corone e/o ghirlande. Difati: "i ga deposto sul monumento una corona de laverno", me sa che no taca tanto.)

ciao
sum culex

Al laverno se ghe disi anche lauro ? Anni fa, gavevimo in giardin de casa una pianta de "alloro" e mama, che ghe piasi sempre meter foie nel sugo ( rosmarin, lauro ) la diseva, vado a cior un do foie de lauro......

[franz]

Son novo e ve saludo tutti, go visto che se sgai!!
Me xe venudo in mente 2 parole del ns. bel dialetto cluca = maniglia e cucherle = spioncino della porta (non so se le gò scritte giuste).
Ciau a tutti

[macondo]

Benvenudo tra noi, Franz

[babatriestina]

benarrivado anche de parte mia:-D , te ga fato ben a ricordarne ste parole, ogni tanto vien in mente qualcheduna che se sentiva e adesso no se dopra più..

[babatriestina]

Me xe vegnudo in mente una frase dela canzon Marinaresca "vado in barca a paiolar". Me ricordo che, ben prima che vegni sta canzon, i mii usava el termine nela frase " el vegniva paiolando" per dir che el vegniva pian pianin. ma per mia mama, la paiola iera anca la forfora dei cavei.. gavè ciarimenti? colegamenti fra le do robe?

[AdlerTS]

Herzlich willkommen, Franz

[franz]

Grazie x i saluti!! Me son ricordà de altre 2 parole castron = zoticone e calandraca = carne in umido, sperando de no esser sta precedudo.

[trita]

bonasera a tuti

andar a panolar.E becar gnente.Che diferenza xe
tra panolar e paiolar.

auguri trita

[babatriestina]

bonasera a tuti

andar a panolar.E becar gnente.Che diferenza xe
tra panolar e paiolar.

auguri trita

e anca mi me domandavo come che xe el verso giusto dela Marinaresca: panolar xe , immagino, pescar cola panola, che come che i me spiegava, saria una lenza messa in mar dela barca in movimento, i me diseva che la xe bona per ciapar i sgombri. Panolando, se spera de ciapr pesse, e pegola se no se beca gnente. se inveze se va a paiolar, se remena qua e là, imagino...

[Nona Picia]

Benvenuto Franz!

El paiol no iera el pignaton dela polenta?

[babatriestina]

in italian, paiolo xe quel de la polenta: che sia missiar e missiar come per la polenta? ma la paiola in testa??

[nanaia]

gavemo za parlado de l'orna?

[ffdt]

[...]l'orna?

la xe stada citada un per de volte ... un giro anche come parola che no se dopra piu` ... de cuel che so mi l'orna xe una mastela de solito tonda e con un manigo solo ... ma mi son nato co' la plastica e orne de plastica no go mai visto ... in sofita de mia nona ghe ne xe ancora una de fero zincado

ciau ciau

Franco

[Nona Picia]

L'orna xe una mastela de lamierin zincà con 3 manighi:2 pici per tirarla su e uno più alto per pozar la tola per insavonar e gratar la biancheria che se lavava nel'orna-mastela. E là dentro se lavava anche i fioi. Quela volta solo i ricconi gaveva la vasca de bagno!