Targhe e Lapidi

[mandi]

Grazie,volevo proprio capir el senso de "intimèle" che no se usa da mi ligà a le fodre. Podevo rivarghe ma volevo esser sicura.In talian sapevo il significato di federe, fodere, fodero...noi diciamo anca "foderina" de quaderno...

No so niente dela via dela targa de Nini. Speto lumi...

[Nini Naridola]

... le foderine più famose xe quele dei sedili delle machine. "stè atenti de no sporcarme le foderine nove!"
Un aiuto fotografico da Google maps: la lapide xe sora la finestra a sinistra del porton

... no xe proprio tanto fodera!

cordon rwd.jpg (98.95 KiB) Visto 3235 volte

[babatriestina]

quel arancion me ga de piazza Cornelia romana

[Ciancele]

Baba Triestina, te ga ragion! Dovaria eser via dei Fabri, ma vista de l'altra parte (via Ciamician). Le colonete xe quele dela scala che porta zo in Piazeta Santa Lucia? Nini Naridola, cosa te fa de quele parti? Son salvadigo, scusè: Bon giorno e bona domenica a tuti.

[Nini Naridola]

Esatto: via dei Fabbri. Di fronte xe el teatrin del stesso nome. Ciancele, BabaTs te ga instradà ben. Vol dir che. ogni promessa xe un debito, che ve lasserò pagà un rebechin dove che gavè piazer!
Iero stà alla Salus per la visita e go volù passar per de là per veder el teatro.
Sul porton de Cordon xe la data de costruzion de la casa: 1883. Vol dir che sto patriota nato a Gorizia el ga passà i sui ultimi sei anni in quela casa (morto 1889).

[Nini Naridola]

Contento de poderghe pagar el rebechin a BabaTs e Ciancele (me par giusto metà peromo), continuo con sta altra: la biografia de Attilio Hortis la xe za de qualche altra parte

Hortis rwd.jpg (64.76 KiB) Visto 3212 volte

[Ciancele]

Esatto: via dei Fabbri.

El merito xe de Baba triestina. Mio no, parchè son "insider". De putel andavo in via dei Fabri 2, dove che stava el paroco. Nela mia cariera paraeclesiastica fazevo el nonzolo. Inoltre, co' i tubi (vigili) ne coreva drio in bici de pasegio, noi scampavimo de piazeta Santa Lucia su pa' le scale in via dei Fabri e su pa' le scale in via Ciamician. No i ne gavesi ciapà gnanca col motorin! Mi manco squasi sesanta ani de Trieste, ma quele strade le go frequentade de fiol. No se dismentiga! Co' magnarò la luganiga de un famoso Pepi (chisà quando ), pagando el conto penserò a ti.

[Nini Naridola]

Me sembra strano che la lapide per Attilio Hortis sia passada inosservata: nissun sa dove che la xe?

[babatriestina]

francamente no me vien in mente..

[babatriestina]

Morale dela favola, te ne conti dove che stava Hortis?
imagino in centro, ma no go foto de sta targa..

[Nini Naridola]

Scusime, inesorabile Babetta! La lapide la iera stada messa per el 76° della nascita de Attilio Hortis (n. 1850). In riva Grumula n°2 angolo via dei Burlo. Bisogna alzar bastanza i oci e le frasche scondi un pochetin (se capissi da la foto)

[Nini Naridola]

Avanti con un'altra che pol esser de attualità: James Joyce
Ovviamente domando dove che la xe.

joyce rwd.jpg (57.7 KiB) Visto 3154 volte

[babatriestina]

Scala Dublino?

[Nini Naridola]

Sul canton de scala Dublino; per esser esatti : via Bramante, 4.

[Nini Naridola]

Questa, che posto qua soto, la xe stada solo nominada nel forum:

Thayer Alexander

thayer rwd.jpg (73.13 KiB) Visto 3144 volte

[Nini Naridola]

La targa a Thayer la xe in Riva Grumula angolo via Belpoggio.

[Nini Naridola]

Nella ricorrenza, metemo questa che dovessi saver tuti dove che la xe

23 aprile 1944 rwd.jpg (61.24 KiB) Visto 3133 volte

[AdlerTS]

El Tartini, no ?

[Nini Naridola]

Beh, certo! via Ghega.

[Nini Naridola]

Il Saluto italico, omaggio alla città dall'Università popolare nel 1921.

Molosso ringhia...

Saluto italico rwd.jpg (87.13 KiB) Visto 3119 volte