presentazioni e saluti

[nanaia]

ecco el solito fanalin!!!Ben arrivati ragazzi a buon leggervi!

[el Jure]

salto i complimenti ... se son qua vol dir che qua me piasi.

Perchè "el Jure"?

... perchè cusì me ciamava el padre (mio pare) co iero picinin.

Perchè Trieste?
... perchè la go nel cor. Da muleto ghe vegnivo in vacanza con la madre. Ierimo ospiti dalla zia Ofelia, in Fabio Severo. Tute le matine zo per S.Francesco, pasando per i giardini, e poi col tram (la motrice nova che strasinava un tram antico co le panche de legno e ghisa) ... se andava al bagno ... o al Ausonia, o da la parte de Barcola che me piaseva de più.

... perchè la gaveva nel cor anche el mio papà, diplomà capitano de lungo corso all'Istituto Nautico de Trieste, nel '22.

... perchè la mia gente xe dalmata e per noi Trieste rapresenta l'unica zità "nostra" che se ga salvà dal disastro de la guera.

... perchè da Trieste ne arivava le pagine del "Piccolo" dove che ghe iera articoli su cose che ancora non capivo ... zona B, profughi, confini, cose che fazeva pianzer la mamma e infuriar el padre.

A proposito ... ve sarè za acorti: no xe triestin questo che scrivo, xe Zaratin un pocheto imbastardio, perchè mi son nato a Bologna e vivo ancora qua (per adeso ...). Me piasaria continuar col zaratin, ma se deve crear qualche problema, so scriver anca in italian ...

Beh, insomma, in do parole me son presentà ... poi, se sarò ben aceto (ndr: dal verbo italiano "accettare" ... non da "aseo"), ne conossaremo meio ...

[Nona Picia]

Stavolta el fanalin son mi! Benvenuti i nuovi arrivati!

[babatriestina]

Ben rivado, e el tuo zaratin ghe somiglia tanto al triestin, solo che no podemo sentir la calada dalmata!! quela me manca propio tanto, e ormai col tempo sempre più no se la senti..
de moderator, te digo che sposteremo i post nela sezion presentazion

[AdlerTS]

A proposito ... ve sarè za acorti: no xe triestin questo che scrivo, xe Zaratin un pocheto imbastardio, perchè mi son nato a Bologna e vivo ancora qua (per adeso ...). Me piasaria continuar col zaratin, ma se deve crear qualche problema, so scriver anca in italian ...
.

Te prego continua col zaratin, che magari scoprimo qualcossa de novo

[Lugara]

Ciau el Jure, un benvenudo anche de parte mia!
Son sicura che qua te se troverà fra amici

[ffdt]

ben rivado e scrivi pur zaratin el misiot xe tipico de trieste

bienvenu et n'hésite pas à écrire en zaratin (le language de la ville de zara) la mixture de populations est typique de trieste

welcome and feel free to write in zaratin (the language of the city of zara) the melting pot is typical of trieste

[nanaia]

Ciao el Jure, ben arivà: bellissimo el zaratin.Più se ne senti e più se impara

[Ludisia]

Ecome qua. No so se me vole' perche no son propio de trieste. Son sarda ...ma stago qua de quasi trenta ani e anche se dentro de mi son sempre sarda, ve devo dir che amo Trieste, amo de morir el Carso (vivo a Basovizza) e son interesada a tutto quel che riguarda questi posti. Con questo no vojo dir che son interessada de babezi (oddio a volte anche de quej ) ma piasi conoser la storia e anche curiosita' de tuto el circondario.
Me scusere' el mio triestin che nol xe propio perfeto... ma se ve urta parlo anche italian ..diseme voi
El nick xe el nome de un'orchidea. Adoro le piante e le coltivo de ogni genere.

Ludisia

ps. tempo fa seguivo un altro forum che no esisti piu, per un breve periodo, quindi forse qualchedun lo conosso za.

[Ludisia]

'pena rivada....za casin....scuseme

[babatriestina]

benarrivada, me par che el tuo triestin sia perfetto, ma se te vol capimo anche el italian . No xe question de esser triestini DOC, anzi più missiot se xe e meo se capissi Trieste.
Contime inveze de sta orchidea, che anche mi me piasi le piante ma no la conosso: xe un'orchidea spontanea o una coltivada?

[sum culex]

Ciau 'orchidea'
ben rivada qua de noi. Mi, personalmente, preferiria che te continui a scriver in triestin.
Nonapicia gaveva due zii acquisidi che iera sardagnoi.
ciao
sum culex

[AdlerTS]

Benvignuda

Per Federico: te go inviado un messaggio privato, ma non go conferma che gabbi funzionado, fame saver

[Nona Picia]

Benvignuda Ludisia!

[Lugara]

Ciao Ludisia,
son contenta de averte tra de noi: continua a scriver in triestin come che 'l te vien che tanto noi te capimo benissimo (come che ga dito Babats più missiot xe meio se capissi qua a Trieste). e cussì te fa anche pratica
Se te rivi, te meteria una foto del tuo omonimo fior de orchidea? Son curiosa de vederla!

[rofizal]

Un benvenuto a tutti anche da parte mia!

[Ludisia]

Grazie a tuti, se veramente cocoli e ospitali.
Dunque la ludisia in realta' xe un'orchidea molto semplice e con fiori pici

saria questa
http://i20.photobucket.com/albums/b220/ ... G_5625.jpg

xe che me piasi el nome

se vole' veder dele mie orchidee le xe qua

http://s20.photobucket.com/albums/b220/ ... ?start=all

e se propio gave' tempo de perder ....questo xe tuto el album e po' bon

http://s20.photobucket.com/albums/b220/Guendy/

go propio la pasion dele piante, me piasi tropo

[Lugara]

Bele le orchidee...
Ma me ga colpido molto anche la tua colezion de piante grasse: complimenti!

[babatriestina]

complimenti anche de parte mia, mi le orchidee no oso perchè un tentativo anni fa me xe finido mal, le garsse inveze go un poche, ma senza spini! principalmente Haworthie. Ma go sempre problemi in inverno: la serra esterna a volte no basta, e dentro in casa xe tropo caldo.

[serenutis]

Ben rivadi, Ludisia e Jure!
anche mi son per i misiòt , xe sempre ocasion de imparar robe nove.

Serena