Trieste e el clima

[sono piccolo ma crescero]

Podesi eser questo

http://www.climantartide.it/stazioni-me ... -chill.php

[macondo]

Dovessi esser proprio cussí. Qua in Inghiltera, che i xe fanatici col tempo, i usa assai calcolar el efeto vento, che d'inverno fa sentir assai piú fredo.

[AdlerTS]

Un pescador me ga dito che per saver quando nevigherà a Trieste non el guarda mai se neviga in adriatico. Secondo lui, se neviga a New York, tempo 10 giorni vien neve qua de noi.

[Larry]

Oh Macondo, l'ingiustizia! Non semo fanatici col tempo, xe solo che nascemo meteorologici. Come non possiamo parlar del tempo quando potremo aver 4 stagioni in un giorno, e quando xe una fine settimana di festa, ti son pronto portar i fioi alla spiaggia, 'pleut a vers', sempre. L'unica volta ti pol esser sicura che sara bel sole xe per Natal. Volemo neve e invece gavemo sempre bel sol.
Larry

[babatriestina]

stamattina son passada in Barriera a far la spesa: el albero de Nadal xe schiantado in do dela bora dei giorni scorsi. Iera sol, ma se vedeva qualche fiocco de neve.
el iera cussì, prima del schianto, e za la punta iera un poco piegada del vento

[serlilian]

Un pescador me ga dito che per saver quando nevigherà a Trieste non el guarda mai se neviga in adriatico. Secondo lui, se neviga a New York, tempo 10 giorni vien neve qua de noi.

Sarà! Me par che a New York nevighi assai più spesso che a Trieste.

[McFriend]

E pensare che New York è sulla stessa linea di Napoli.

[Nona Picia]

stamattina son passada in Barriera a far la spesa: el albero de Nadal xe schiantado in do dela bora dei giorni scorsi. Iera sol, ma se vedeva qualche fiocco de neve.
el iera cussì, prima del schianto, e za la punta iera un poco piegada del vento

Quel'albero se schianta ogni anno con la bora! I dovessi trovarghe un posto meno esposto al vento!

[sum culex]

E pensare che New York è sulla stessa linea di Napoli.

Giusto, ma a New York ghe xè la corente marina freda che vien zo dal Artico lungo l'Atlantiso occidentale e che dopo esserse scaldada la gira in su. La corente del golfo xè po quela che scalda le coste europee orientali fin in Inghiltera e mitiga anche le nostre temperature quando che sufia vento dai quadranti occidentai.
ciao
sum culex

[sono piccolo ma crescero]

Stanote 116. Savè che esisti el turismo dela bora; gente che vien qua co xe bora e se fa portar sulla sella dela Bora per provar l'emozion del vento forte? Mah!

Comunque, se ve interesa, ghe xe un bel articolo de Stravisi sula Bora con serie storiche e tante altre informazioni.

[babatriestina]

Stanote 116.

difatti: panchina ribaltada anche stamattina in terazza.

[rofizal]

ghe xe un bel articolo de Stravisi sula Bora con serie storiche e tante altre informazioni.

Quel che me par più interesante e utile riportar qua da quel articolo (cusì un se pol regolar se ga de uscir, salvo ecezioni naturalmente):

La velocità media mensile è minima in agosto, massima in dicembre e gennaio
[...]
durante la giornata raggiunge il massimo prima dell'alba ed il minimo nel tardo pomeriggio

dala tabela me par che intendi "tardo pomerigio" dale 13:00 ale 17:00

l'ultimo decennio del secolo appena trascorso, tranne il 2000 (anno con scarsa bora), è stato caratterizzato da valori superiori alla media. Fanno eccezione gli anni 1961-1963, che hanno registrato una forte presenza di bora. Le massime velocità orarie sono invece diminuite da circa 23 a circa 20 m/s.

parlando del mar:

Quando la velocità si approssima a 100 km/h le creste si infrangono assumendo il caratteristico colore bianco

quindi se vedè le creste, vol dir che la Bora xe intorno a 100 km/h o oltre.

[rofizal]

Questa xe la tabelina de l'andamento dela Bora nele ore del giorno (me par la tabela più interesante per chi abita qua). De soto (in ascissa) xe indicade le ore del giorno. Me par evidente che el pezo xe sempre la matina, e no tuti ga ciaro sto aspeto. Poi, dopo le 18:00 la torna a salir, e bastanza rapidamente.
Peraltro la variazion no xe molto importante, ve dago la corispondenza per la stagion autunno-inverno :
8,0 m/s = 28,8 km/h
8,1 m/s = 29,2 km/h
8,3 m/s = 29,9 km/h
8,4 m/s = 30,2 km/h
8,6 m/s = 31,0 km/h
naturalmente parlemo de velocità media, poi bisogna veder le raffiche.

[1382-1918]

La grandinada de stasera, circa alle 22.40.
Ste due foto xe nel mio giardin, le foie xe dell'albero de albicocche, che no so quanta ombra che el poderà più far!




Qua sotto l'animazion dal radar de stasera. Se vedi el nocciolo de grandine su opicina. L'ora UTC xe CET-1, per cui bisogna sommarghe due ore.

[babatriestina]

de mi in città, piova poca ,me el temporal no scherzava, e son rivada anche a becar un per de fulmini

[sono piccolo ma crescero]

Grandine qua no ghe ne go vista, fulmini tanti, ma in sti giorni son senza machina fotografica.

Molto bele le foto dei fulmini, sopratuto la terza che me par esposta giusta. Interesante la bala de luce che se ga in alto e che no gavevo mai notà. Chissà se xe semplicemente la luce dela scariga difusa dai nuvoli che xe intorno dei nuvoli o se efetivamente i finisi con un boto de luce!

[babatriestina]

Molto bele le foto dei fulmini, sopratuto la terza che me par esposta giusta. Interesante la bala de luce che se ga in alto e che no gavevo mai notà. Chissà se xe semplicemente la luce dela scariga difusa dai nuvoli che xe intorno dei nuvoli o se efetivamente i finisi con un boto de luce!

per l'esposizion, no sta creder che sia esposta giusta.. i xe stai tutti esposti più o meno precisi, stessa apertura e tempo manual sui 15 secondi , con la macchina pozada contro la finestra per tegnirla ferma. Qual che ciapava ciapava, e po in sede de rielaborazion li go un poco scuridi, in origine i xe più ciari.
Anche a mi me ga colpido la bala de luce, ma mi credevo che el fulmine vadi de l'alto in basso... paressi come che sciopa in alto, e po scariga!
xe foto fatte cola nova compatta, che no per quel la xe una macchinetta de gnente... la stavo provando appunto in situazioni particolari.( per quei che disi solo che le reflex..)

[nonna ivana]

Anch da noi ha fatto il finimondo, ma solo un grande acquazzone, mentre a pochi km da qui, c'è stata grandine in abbondanza!
Stamattina mica è fresco!!!
Grandissima umidità, cielo che sembra un brodo gelatinoso...vedremo come si evolverà la giornata!!!

Bellissime foto, suggestive...sempre dal mio punto di vista "sentimentale"!!!

[Nona Picia]

Qua de noi ga fato una butada de grandine molto breve che no ga fato danni.

[sono piccolo ma crescero]

Anche a mi me ga colpido la bala de luce, ma mi credevo che el fulmine vadi de l'alto in basso... paressi come che sciopa in alto, e po scariga!

Confesso che avevo dei dubbi sul verso della scarica e quindi ho usato il termine "finisi" nel senso di "terminano", per evidenziare l'estremità e non il verso della scarica. Comunque ho letto (wikipedia) che come i razzi, esistono aria-terra, terra-aria e aria-aria e che ancora non si è ben compreso il loro meccanismo (questo per la serie che "ormai del mondo savemo tuto").