Publicità

[Coce]

Perche se gavemo vendu' ai Anglosassoni, oramai la lingua xe impermeada de parole inglesi. Nota bene l'espression che usa Adler qua sora: SPOT che in iglese significa "Punto" e che gnanche lori i usa
el termine col significato Italian. Ciao Coce

[babatriestina]

e soprattutto , meter un per de parole inglesi fa più moderno... te vol meter a scola, una decina de anni fa, co fazevimo corsi de sostegno, ripetizioni, lezioni pomeridiane, recuperi pomeridiani.. no! la Preside de allora ne imponeva de dir e scriver che femo workshop.
Savessi cossa che me go battudo contro sto termine, che po per mi no descriveva per gnente quel che se fazeva, ma sonava cussì ben, secondo i nostri Dirigenti...

[Elisa]

ricordo con quale rifiuto ho ascoltato, parecchi anni fa, la notizia di questa 'scoperta' :
...."E`nato l`italiese"!!!!!

[serlilian]

A proposito dei efeti ... imprevisti dela publicità.
Ani fa una reclam mostrava muli scadenai, za bruti de suo. I magnava una Golia e i diventava viola a balini verdi o de altri colori impresionanti. De quela volta no go più messo in boca una Golia.

[AdlerTS]

Nota bene l'espression che usa Adler qua sora: SPOT che in iglese significa "Punto" e che gnanche lori i usa
el termine col significato Italian. Ciao Coce

Orpo, te ga ragion. Qua però xe el termine che se usa de più per la pubblicità. Me xe scampado

[Coce]

Me immagino che ghe xe sta' resistenza a questa voga de usar tochetini de inglese, per mi me par che se corrompi la lingua Italiana che mi cosidero una bela lingua. L'original significato de WORKSHOP iera
OFFICINA ma anche qua i usa la frase odiernamente per tanti aspetti che principalmente xe in ambiente de ufficio o scola, ma ghe xe tanti altri casi come le banche e le assicurazioni che i parla de PRODUCTS descrivendo i sui schemi, nel mio mondo produzion, e prodotti iera robe cocrete come machinari o ortaggi ecc.. Ciao Coce

[serlilian]

Fina a un per de ani fa lavoravo ala Region. I ultimi tempi iera de morir de rider co' i ne fazeva corsi, pardon workshop e meeting per parlar dela mission dei manager, del budget e de altre simili piacevolezze. No savevo mai se rider o dirghe "Parla come che te magni".

E i corsi de informatica, con i termini inglesi italianizadi, come "resettare", "formattare" e tanti altri che no me ricordo più. El ridicolo iera che i "tecnici" restava mal, co' i vedeva che gavevo imparado benissimo el "informatichese" e ghe rispondevo nela sua lingua. No i se lo spetava. [/i]

[serlilian]

Qualche volta i me ricordava un witz che ne ga contà la professoressa de inglese.

Una italo-americana diseva che suo fio iera "bosso in una fattoria di carri".

bosso = boss = capo
fattoria = factory = fabbrica
carri = cars = automobili

[Coce]

Anche noi qua gavevimo de quei che parlava in sta maniera:
Ci siamo incontrati con il BOSSO Capo, abbiamo preso il BUSSO
Autobus, siamo andati fuori nel COUNTRY Campagna, ma bisognava stare attenti per gli SNECCHI Snakes, Serpenti. Ciao Coce

[malvasia]

A proposito de publicità. Questa la go leta l'altro giorno su un giornal dal paruchier. Vado poco a taiarme i cavei e ancora meno legio i giornai cosideti feminili, per cui son un poco indrio su quel che xe "trendy". Comunque questa me ga colpì per el nonsense. Iera publicità de un integrator salino, de quei che se usa dopo aver fato sport, ma iera dedicado ale done:

"Per te, donna, che dopo l'attività fisica vuoi recuperare l'energia ma non le calorie..."

[malvasia]

...saria come dire "voio meter su peso ma non chili"

[AdlerTS]

Xe come la famosa acqua che elimina l'acqua

Gavè notado quel bruto spot della nova Alfa ? Tra le parole sparade a ritmo vertiginoso per mi i disi (devo verificar): break it, fix it, crash it. (rompila, riparala e schiantala). Se xe giusto quel che me ga parso de capir, non me par un gran bel messaggio. Riascolterò attentamente.

Se me permetè de far un passo indrio, quanto sora voleva indagar nella cosìdetta "pubblicità occulta", nel senso de i messaggi che percepimo senza rendersene conto (per chi capissi almeno un minimo de inglese).
L'altra interpretazion xe la ciolta in giro del prodotto stesso, confidando che nissun 'scolta el testo della pubblicità.

[AdlerTS]

gavè visto che gira per città un furgoncin, un idraulico o uno che vendi sanitari, che sulla portiera ga disegnada una tazza del WC e le gambe senza braghe de uno che, per un scherzo ottico , sembra el guidator ? ;-D el primo che lo fotografa vinzi un euro !

[VetRitter]

dovesi eser questo, ma per coreteza, la foto vien dal Forum "Cayoeffe" i lo gà becado qualche tempo fa.. neanche lori i gà cancelado la targa, quindi..
saludi

[Nona Picia]

foto divertente....

[AdlerTS]

Mi lo go visto con l'omo alla guida: l'effetto xe devastante !

[VetRitter]

per mi Aldo l'idraulico el se devi divertir un mondo (el pol pxxarse adoso dal rider...)

[sono piccolo ma crescero]

Comunque se andè a vardar el suo sito http://www.idraulicoaldo.it e cliché su fotogallery vedè ... l'effetto devastante (per dirla con Adler)... però dovemo star atenti a no farghe troppa pubblicità...

[babatriestina]

sto mato me par che xe anni che el tappezza i pai dela città con bigliettini col suo nome e indirizzo ( immagino pubblicità che scavalca le tasse)

[sono piccolo ma crescero]

Oggi sono andato sul sito del Corriere della sera con un browser diverso dal mio solito e mi si è aperta questa pagina



Se vado col mio solito firefox, la pagina che si apre è questa



Non avevo mai fatto caso a quanta pubblicità mi viene tagliata da Firefox. Perché da sempre ho installato sul mio browser il componente aggiuntivo adblock plus. Si trova qua https://adblockplus.org/ e fa un lavoro egregio: se riconosce la pubblicità la taglia. E voi potete anche fargli tagliare la pubblicità che non riconosce: basta fare clic col bottone di destra sull'immagine e cliccare "Blocca l'immagine con adblock plus".

Magari lo conoscevate già e commenterete "Che novità che el ne conta ara", comunque mi sembrava giusto condividere questa conoscenza. Ne esiste anche una versione per Chrome (se andate alla pagina indicata sopra con chrome vi invita a scaricare la versione corretta), e so anche che esistono prodotti analoghi, che non ho usato però, per Internet Explorer.