Cosa dovaria dir mi che son negà par tuto? Co' go fato l'esame a l'Oberdan, iera una prova de proiezioni ortogonali e una de disegno libero. Go devastà una foresta par trovar una foia de edera la più semplice posibile. Se go pasà la prova de disegno xe sta con l'aiuto dele trupe aleate: bombardamento de Trieste 10 giugno 1944. Co' l'andar del tempo (qua in Germania) go imparà a cusirme i busi dele calze.babatriestina ha scritto: Se te guardi la magior parte dei mii errori xe scambio de due tasti... mi son negada per la precision manuale. Negada per el disegno sopratutto geometrico, negada per el lavor a maia o uncinetto ( a ago me rangio meio).
Una volta i me ga domandà se son bon de scriver a machina con diese dedi. Ghe go dito naturalmente sì, ma xe meio che scrivo con do diti, cusì se riva forsi a leger. Qua, par gnoco, se parla del sistema falco. Do giri del tastiera e po in pichiata.
El peso de tuto xe la corezion automatica. La coregi come che la vol ela e no come che voio mi.