Rugby - Bala ovale

[babatriestina]

Balota, balota
el mulo sbisighin
che muso de marmota
che orece de lupin!

balota balota
mai gnente ga imparà
per questo in prima classe
sei anni xe restà!

so che no ghe n'entra col rugby, ma me par che no la gavevimo

[Nini Naridola]

Tra le due prime in classifica, prevali el Lemene de Portogruaro sul Venjulia Trieste pe 15 a 8-. Folto pubblico veneto; arbitro partigiano.

[Ciancele]

Tra le due prime in classifica, prevali el Lemene de Portogruaro sul Venjulia Trieste pe 15 a 8-. Folto pubblico veneto; arbitro partigiano.

Caro Nini Naridola, me dispiasi par ti. Saria sta bel se tuti do gavesimo 'vudo una bela domenica.
La mia xe stada bela, parchè iero con la mia nipotina a Coblenza. Gavemo pernotà e fato un giro con quel carozin sightseeing e anca con la teleferica oltra el Reno. Mi che son vecio, me ga stancà andar a pie dala Mosela al Reno e dal Reno ala Mosela ecc. Sicome che mi son inteliggggenteeee, son andà ala confluenza dei do fiumi e in venti/trenta metri gho fato tuta la strada. Diseme inteligente, dai. La setimana scorsa iero a Wiesbaden e go fato el giro col tram de Opcina, quel tram che vien tirà su dal treno che va zo. Ve go contà par gnoco e par triestin.
No so inveze come contarve el resto, parchè no volaria far rabiar Baba Triestina che sto uichen (fine settimana) no la me ga fato gnente. Ma, Baba Triestina, me go ciucià qualche quartin de Riesling veramente decente! A ogni sluc (sorso) pansavo a ti!

[babatriestina]

giuto volevo domndarte se te gavevi gustado el Moselwein e se te ga deciso se xe meo i vini del Reno o quei dela Mosella

[Ciancele]

giuto volevo domndarte se te gavevi gustado el Moselwein e se te ga deciso se xe meo i vini del Reno o quei dela Mosella

Bon xe quel che piasi, se usa dir. El Reno xe longo, e anca la Mosela. Vol dir che a ogni paso el gusto pol cambiar, a seconda del teren, dela posizion. Dir in general che un vin xe più bon de l'altro no me la sento. Sabato sera lo go bevù in un logo, domenica in un altro, de produtori diversi. Sabato el iera più bon. Dipendi anca dela situazion. Se te son contento, se te credi che la vita xe bela, se i te lo ofri, el vin xe più bon. Se te son disperà, se te toca pagar ti tuto,

[Nini Naridola]

Bravo! Bel giretto Ciancele!
Domenica xe stada una bela partida fra i due primi dela classifica. Me son divertì e go visto due squadre ben motivade che ga fato un giogo "aperto" ...qualche volta un poco "nervoso" e per quel l'arbitro ga da cartelini giali (in eccesso!) ...
qualchedun doveva pur perder --- e go passà una bela domenica sopratuto rivedendo i veci compagni de squadra de più de 40 ani fa

[Ciancele]

Nini Naridola, son contento che te gabi piaso. E che te gabi podesto veder i veci compagni. Fa anca piazer. I mii veci compagni xe de almeno 60 ani fa e i xe sicuro tuti i paradiso. Iera do o tre nati prima del 30, ma anca lori i gavesi 80 e più. Dovarò portar pazienza e spetar.

[Nini Naridola]

Ciancele iera curioso de saver qualcossa sulla bala ovale. No son 'ndà a veder la partida a San Michele al Tagliamento e me ga dispiasso perchè doveva esser un bel spetacolo de fango (elemento primario per un bel giogo ... anche se gavemo i avanti poco pesanti e i trequarti agili) Bon, el Venjulia TS ga fato un "striminzido" 88-3 col Bibione. Bravi muloni, con Leo, a l'ultimo anno de agonismo, scadenà nel terzo tempo!

[Ciancele]

Nini Naridola, te son un bon putel. Per la diferenza de ani credo che me poso permeter de dir cusì. Son contento che te sia contento. E te auguro che te sia contento anche la prosima domenica. Speto la vecia che me meti le ioze in tel ocio e po me calo anca mi. (vado anch'io a letto). Bona note.

[Nini Naridola]

Grazie, Ciancele! La prossima domenica in casa (a Prosecco) battaglia dura, ma facile, con el Gemona! Sarò presente!

[VetRitter]

Leo, a l'ultimo anno de agonismo, scadenà nel terzo tempo!

quanti litri?

[Nini Naridola]

Ancora vitoriosa a Proseco la Venjulia contro el Gemona, squadra che da l'altr'anno me sembra cresuda tantissimo sopratuto in mischia.

[Ciancele]

Ciao Nini, te ga ciapà anca ti una bala? Dela contenteza. Te spavarà più contento, adeso. Tanti aguri par la prosima domenica. Bona note. Ciancele.

[Ciancele]

Nini Naridola, bon giorno. Xe le nove e venti e tuto va bene. Te sta ancora festegiando o te te strapi i capeli dela disperazion? Te auguro la prima suposizion. Ciao.

[Nini Naridola]

Bon giorno anche a ti, Ciancele!
Se gaveria cavei ... Go savù adesso el risultato e un comento: partida schifosa, senza grinta. I muli ga perso a Montereale Valcellina per 15 a 7. Terzi in classifica.

[Ciancele]

Bon giorno anche a ti, Ciancele!
Se gaveria cavei ... Go savù adesso el risultato e un comento: partida schifosa, senza grinta. I muli ga perso a Montereale Valcellina per 15 a 7. Terzi in classifica.

I'm so sorry!!! Te vegno a cior e andemo insieme inte la legion straniera. Par la disperazion!

[VetRitter]

sabato scorso l'Italia ha giocato contro le Fiji, brutisima partida, speremo de zogar mejo la prosima, se no se ciapa 50 punti dai Pumas.
saludi

[Ciancele]

Bon giorno, Nini Naridola. No gavè zogà domenica o te te ga dimenticà de dirne come che iera? O te sta 'ncora fazendo festa?

[Nini Naridola]

No, caro Ciancele, domenica no i ga zogà. Go bazilà - no gavendo Sky-, sabato, per veder gli Azzurri contro i Pumas in streaming, in qualche maniera: ma nisba! Meio cussì perchè, come che me ga dito ieri, quei che xe 'ndai a vederla all'Olimpico, xe stada una assai bruta partida, oltre che averla persa. Son andà, ieri sera, alla prima del filme "Il terzo tempo": anche là son restà deluso per la recitazion, per la fotografia, ecc.
De zontar, per farte contento, oltre che l'Union, ga vinto a Torino anche la squadra de basket de Trieste con un canestro sul fil de la sirena!

[Nini Naridola]

L'Union ga giogà col Pordenone e anche el Venjulia rugby Trieste ga giogà col Pordenone rugby a Prosecco. Ga vinto i muloni per 27 a 12.