Parco di Miramare

[Tirabaralla]

Più che altro credo che bisognerebbe prendersela con chi gli ha dato l'indicazione di passare di là, qualche "governatore" un po' disattento, direi!!! :\
Speriamo lo ritirino su presto.

[AdlerTS]

Me son imbattudo in un quadro de Miramar un poco fantasioso

[babatriestina]

sopratutto el panorama... par i laghi drio dei castei de Ludwig in Baviera

[ffdt]

Eco cua una foto de un progeto de Junkers ... fin ch enisun rugna la laso ... xe "situation der bau - und garten anlagen von miramar" de 'l '59. 'L original el dovesi eser un acuarel su carta e eser a 'l muxeo de 'l castel.

Cua xe 'l pupolo ... no xe una meravilia ma rendi un minimo l''idea ;-D

[babatriestina]

Sì, me par de gaver visti sti pupoli al castel, la sala prima dela sala del trono, a pianterren. Vardando sta pianta e confrontando col parco atual, se nota che manca tute la zona alta, che se vedi che xe stada fata in un secondo momento, disemo de drio del parterre ( el lago dei cigni) in su e po ghe xe un giardin al italiana previsto di fronte al porto, più o meno dove che adesso xe le lampade de luci e suoni.
Nei ultimi mesi xe vegnude fora un per de guide del castel e del parco, abastanza acurade e sopratutto piene de foto.

[babatriestina]

Go trovado delle informazioni curiose sula storia de sti scoiattoli de bronzo de Miramar

IMG_2437.jpg (99.89 KiB) Visto 3824 volte

IMG_2438.jpg (107.45 KiB) Visto 3824 volte

Li gaverè visti tante volte, drio del Castelletto. Ben, i xe una copia de un scoiattolo de autor.
Carlo Sbisà nel 1955 fazeva picole sculture anche de bestie, e el gaveva fatto , per una fontanella sul piazzal del tabor de Monrupino, davanti dela cesa, un scoiattolo su una pigna. El scoiattolo xe sparido de anni e secondo el catalogo delle opere xe ormai disperso, idem la pigna, tranne el modello che xe in una collezion privata, ma visto che el piaseva xe stade fatte queste 4 copie e messe in Castel

[AdlerTS]

3 scoiattoli. Jero ogi e manca un
In compenso l'inferiada sora el porton jera a posto.

[babatriestina]

Nel parco xe pien de statue, dei tempi de Massimilian e posteriori, quele del parterre xe più o meno de l'epoca, e i le ga restaurade de recente, in particolar vardè:
manca qualcossa? xe una foto de un per de anni fa

i vasi de bronzo! i xe stai comprai nel 1864 de H Pohl de Berlino e restaurai nel 2002, col contributo anche de l'Associazion Amici dei Musei Mascherini.
Eccolo restaurado:

[babatriestina]

vasi simili se trova nei appartamenti storici del Museo Revoltella
ecco ancora un particolar

là vizin nela rotonda del vial, ghe xe la statuetta de Napoleon, che me par che co iero picia mama preferiva che no vedessi ben , che no la gaveva.. la foia de figo! e difatti, me par che xe un punto più lustro del resto

xe una copia/riduzion de quela de Canova che xe nel cortil de Brera a Milan, come che podè intraveder in una foto fatta in pessime condizioni de luce

Napoleon a Miramar? cossa ghe n'entra? ben, suo fio, el Aiglon, Duca de Reichstadt, iera gran amico dela mamma de Massimilian.. oltre che cugin .

[ffdt]

[...]Napoleon a Miramar? cossa ghe n'entra? ben, suo fio, el Aiglon, Duca de Reichstadt, iera gran amico dela mamma de Massimilian.. oltre che cugin .

gavevo leto cualcosa de sto mulo ... me par che i ghe gaveva dado de spoxar a napoleon una axburgo perche` lori i doprava far matrimoni per faver acordi de paxe ... e sto matrimonio el iera stado fato cuela volta che napoleon el stava rivando a viena co' 'l exercito ... ma no ga funzionado ne' durado ... e 'l muleto el iera anca maladuz, povero, e 'l xe morto giovine ... no so gnanca se 'l xe mai andado via de viena e se 'l ga conosudo suo papa` ...

vado a memoria e poso xbaliar ma credo de eserghe bastanza vizin ... ... de sicuro el xe morto a viena

ciau

Franco

[babatriestina]

Te ga ciapado l'idea, ma xe qualche precisazion de far: Napoleon stava zercando de sistemarse, parar fora Giusepina che no ghe dava fioi e sposarse con una de bona famiglia regnante che ghe gavessi coverto le spalle ala prossima campagna, pensando che no i gavessi avudo el coraggio de far guerra a suo genero , se vedi che lu ragionava stile famiglia Bonaparte corsa. El ga tentado con una granduchessa russa, ma nol ghe ne ga trovado, e alora el ga ciolto sta Maria Luisa fia de Francesco I de Austria ( veramente, me par che quela volta el iera ancora Francesco II del Sacro Romano Impero), insoma quel dela colona butada zo dela macchina a Aurisina. Sto mato gaveva avudo 3 mogli , pena che moriva una el cioleva una nova, e una zaia de fioi: Maria Luisa iera una dele più vece, po vegniva Ferdinando ( quel del Ferdinandeo) , po el pare de Franz Josef, e po tanti altri... i calcoli de Napoleon xe stadi sbagliai perchè el suocero ghe ga fato guerra istesso.
I se ga sposado ( A Parigi, ma par che Napoleon, visto che i gaveva za firmado el contratto de nozze, apena che la moglie xe arivada a Compègne el ga avudo un anticipo) e i ga avudo sto fio, el Roi de Rome , che la cuna xe fra i tesori a Vienna. Abdicado Napoleon, Maria Luisa la lo ga portado a Vienna e là la lo ga lassado visto che la xe andada a Parma dove che i ghe ga dado un granducato, e prima ancora che Napoleon fossi morto, la gaveva za un altro marì.. e po un terzo... intanto el muletto ribattezzado Franz duca de Reichstadt vegniva su a Vienna, dove che i se guardava ben de spiegar chi che iera suo pare, e el iera amico dela moglie del zio, che iera apunto la mama de Franz Josef, la tremenda suocera Sofia dei film de Sissi! par che de giovine la iera bela e coccola,e addirittura se malignava.. che Massimilian... ma par che sia cattiverie! El mulo xe arivado a 20 anni e cominciava a capir e farse bel, ma el xe morto de tisi, credo, qualchedun disi anche de strapazzi amorosi, ma xe un poche de leggende. Par che el ghe voleva ben al cuginetto Franz Josef.
Difatti , un comento ala vita longhissima de Franz Josef xe che de picio el ga zogado col fio de Napoleon e de vecio el ga avudo el nipotin Otto, futuro eurodeputato!

[babatriestina]

ancora qualche foto, dele zone meno in vista del parco, el vial dele camelie

el laghetto dei loti no ga loti più de anni anorum, e el xe molto trascurado

certe scalinade de piera xe alquanto sbilenche

[babatriestina]

le serre no vien doprade più come serre ( adesso se fa vegnir i fiori de fora, tuti precisi..) e i ghe ga messo un giardin tropical, con voliera, farfalle, colibrì, papagai...


nelle zone alte, a giardin inglese, ghe xe anche una sequoia gigantea, che penso sia dei tempi de Massimilian, credo la sola che sia a Trieste

[AdlerTS]

Guerra de cifre tra media differenti: ogi sul Bugiardel i scriveva che Roma ga stanziado 1.200.000 euro per manutenzion straordinaria del parco, mentre el TG de Tele4 ga dito 3.800.000 euro

Speremo che sti 2.600.000 de differenza non se li magni nissun

[babatriestina]

Per i lavori, vedo che nel parterre xe sparida tuta una siepe de laurotini ( viburnum tinus) e sostituida de una nova de Chamaecyparis, quela specie de falso cipresso che cressi svelto e dopo un pochi de anni de sotto resta nudo.. no approvo.

Per le fioriture, bisogna dir che la fantasia impera:
arivemo al piazzal davanti al ingresso, e la fontanella xe contornada de begoniette:

andemo ala statua davanti al castel ( dono de Massimilian a Carlotta) e trovemo: begoniette!

poi andemo a visitar el parterre e lo trovemo tuto decorado con... ????
begoniette!!!

IMG_4118.jpg (122.48 KiB) Visto 3605 volte

IMG_4135.jpg (141.4 KiB) Visto 3605 volte

IMG_4128.jpg (129.48 KiB) Visto 3605 volte

[babatriestina]

salimo verso al piazzal davanti al Castelletto, e nelle aiole trovemo: begoniette!!!




ciapemo el vial che va vero la statua del paron de casa e l'uscita verso Grignan e la trovemo con una bordura de begoniette!!!

e drio dela statua del paron de casa, xe el calendario floreal, che ga per contorno.. begoniette!!!!

Mi no credo che in tuto el parco de Miramar ghe sia altre aiole floreali, quele che ve go elencado xe tute piantade a begoniette, la sola variante xe se le volemo rosse, rosa o più raro bianche.
Ste piantine se compra pronte, se impianta in primavera e in autunno se buta via. I anni scorsi iera begoniette e dalie.
Altri fiori ghe xe, ma in arbusti fioridi o qualche rampicante come i glicini.

[babatriestina]

Qualche dettaglio che no ne ga postado SumCulex ( ma magari el gaverà nele sue riserve..):
Massimilian se gaveva fatto una serie de decorazioni araldiche come imperator del Messico, per esempio el ananas, che se vedi nele basi dei lampioni, altre più curiose come un'aquila con un serpente in becco, che le xe sule decorazioni in piera del castel, lato pergoletto, dove che se fotografa tute le spose. Ma se li ritrova anche qua, che xe la lanterna del ingresso: i vetri xe alquanto impolverai, ma le decorazioni xe ancora dei tempi de Massimilian, o rifatte molto ben

[babatriestina]

e se el stemma central del portico de ingresso ga el stemma del duca d'Aosta, coi fasci laterai ancora su,

a sinistra e a destra xe inveze ancora i stemmi originai de Massimiliano, a sinistra sempre sta aquila col serpente.

a destra un leon (?) rampante

( un stemma dela casa Sassonia Coburgo Gotha, de Carlotta ?)
Osservar anche el stile dei stemmi, lisso e linear stile anni 30 el primo, e sul ghirigoro ottocentesco i più veci.

[babatriestina]

a proposito de stemmi, sul fianco esterno dela capelletta xe questo stemma, che a destra ga la crose dei templari: se parlava de templari a Grignan: una prova o un falso ottocentesco?

ecove la vera de pozzo coi scoiattoli che se diseva più sora (post del 3 gennaio)

col scoiattolo mancante
e un particolar del stemma sul esterno del pozzo: vero o falso? me par ssai strano

[ffdt]

el scudo co' 'l spazio per poxar la lancia el xe un ordegno sai antico ... mi no go mai savesto che cualchedun el se lo gabi meso in te 'l stema

fusi bel de saver se 'l pozo el xe recente (intendo de 'l '850) o se i se lo ga grampado in cualche altro logo


Franco