I Santi triestini fra storia e leggenda

[emigrata]

alora, quel che go scrito lo go scrito mi, no copià... certo che ghe xe dele fonti, qualchedun che ga studià prima de mi.... ma el testo cussì come che lo go postado el xe MIO!!!
quanto ale foto mi le go scannerizade selvaggiamente dal libro che go citado prima (la necropoli di san servolo ecc ecc.)...non so se te pol doprarle...

[babatriestina]

la modesta foto dela grotta de san Servolo inveze xe propio mia (e se vedi.. )

[babatriestina]

Al de là dele dotte e raffinate disquisizioni sulla Passio de san Servolo, mi ve zonto la version "ingenua" come che i me la ga contada a mi:
Servolo iera el fio de due cristiani, Eulogio e Clemenza, e a sedese anni el se ga sentido la vocazion de ritirarse del mondo e el ga vissudo do anni nela grotta dita appunto de san Servolo. po el xe tornado a viver fora, e ghe xe attribuidi alcuni miracoli: con un segno de crose el ga copado un serpente, e el ga guarido un ossesso e due malai, un moribondo e un gravemente infortunado del crollo de un muro. e po vien el martirio come nella Passio
Le immagini forsi ve le go za postade in san Giusto, ma magari xe una prospettiva diversa, per cui ve le posto anche qua:
questo xe el mosaico del abside destra che rappresenta san Servolo ( XII sec, disi Emigrata)

questa xe la Cappella de san Servolo, in version pasquale

e questo xe el quadro moderno de Wostry ( se no me sbaglio) dedicado a san Servolo, nela central el mastruzza apunto el serpente ( significato anche simbolico, diria..)

[AdlerTS]

naturalmente sulla grota e el castel de san servolo

El castel jera sai diverso ancora nel 600: questo disegno dal libro "Le castellenie del mare e dell'altopiano triestino" mostra una stampa del Valvasor del castel "in vita"

Ps: emigrata, "pesantine" le tue foto

[ffdt]

[...] sai longo [...]

xe interesante ... se te scrivevi avanti legevo avanti
très intéressant ... si tu avais écrit encore j'aurais lu encore
very interesting ... If you would have written more I would have read more

[...] xe passion [...]

la passio emigratae? ;-D

Franco

[rofizal]

Adeso no go tempo de controlar se ghe ne gavè za parlado (ghe go dà un'ociada veloce e me par de no). Ma ghe xe un iteresante articolo, che no riporto nianche in riasunto per le stese ragioni de tempo (scuseme), de Giuseppe Cuscito intitolado "I supposti martiti tergestini Zenone e Giustina in un'epigrafe tardomedievale già assegnata al 568" in Archeografo Triestino Serie IV Volume XLIX del 1989 (pag. 73-88).

[babatriestina]

Giuseppe Cuscito intitolado "I supposti martiti tergestini Zenone e Giustina in un'epigrafe tardomedievale già assegnata al 568" in Archeografo Triestino Serie IV Volume XLIX del 1989 (pag. 73-88

Forsi lo gaverò letto nei anni che el xe vegnudo fora , ma almeno per mi che no son specialista i libri e articoli de Cuscito me xe stai de grande aiuto, come devo aver scritto nei mii primi post qua sui santi.
Za che ghe semo, per chi che no sa, el Archeografo triestino xe el bolettino dela società Minerva, che xe nata al principio del XIX secolo e che continua tuttora ( giusto oggi xe una conferenza e i distribuissi el annuario ai soci) e i sui articoli su storia e arte triestini e dei dintorni xe molto utili per conosser robe de Trieste. Se andè a: http://www.retecivica.trieste.it/minerv ... ografo.htm podè scarigar el sommario dei articoli.

[babatriestina]

Ps: emigrata, "pesantine" le tue foto

MOD spiegazion, forsi poco tecnica: co se posta le foto come allegato, cussì, le foto resta nela memoria del forum. Ogni forumista ga una zerta quantità de memoria a disposizion, preciso per tutti, e co el la ga consumada nol pol più postar in sto modo, ma solo con un link a un altro sito de immagini. Visto che no sempre ocorri vederle cussì grandi, soprattutto se no le xe molto dettagliade, val la pena de ridimensionarle prima de postarle. /MOD

[macondo]

Digo anca mi la mia. Per le foto in alegato, la misura piú grande dovessi essere de 700 pixels per el lato piú grande, con una resoluzione de 72 dpi. La qualitá del jpg xe la Medium. In conclusion, la foto la dovessi esser a sto punto de 100/120 Kb...

[emigrata]

SCUSEMEEEEEEEEEEEEEEEEEEEEE

NO SON PER NIENTE ESPERTA DE STE ROBE TECNICHE... ANZI DISEME CHE PER MI XE ABASTANZA "TURCO"....per le prosime foto zercherò un "consulente" che me iuti...

[sum culex]

SCUSEMEEEEEEEEEEEEEEEEEEEEE

NO SON PER NIENTE ESPERTA DE STE ROBE TECNICHE... ANZI DISEME CHE PER MI XE ABASTANZA "TURCO"....per le prosime foto zercherò un "consulente" che me iuti...

Mi no me sento un 'consulente', posso solo dir come che fazo mi.
Prima ridimensiono le foto (logicamente senza tocar i originai, ma copiandoli in una cartela separata) a 750x550 pixel (le orizontali, invertidi i dati per le verticali) e con una compression del 85% con ACDsee. Fato questo verzo una nova scheda con ImageShack, tiro su la foto (upload) la sceglio e clico apri e la carigo (hosting) clicco sula riga dirct link e fazo copia, torno al testo sul forum, clico Img [img]e%20po%20fazo%20copia%20e%20clico%20de%20novo%20Img[/img] e cussì avanti.
So de no esser stado 'ssai ciaro: prova e eventualmente sapine dir dove che te se inciodi: qualchedun altro saverà iutarte meio de mi.
ciao
sum culex

[Nona Picia]

SCUSEMEEEEEEEEEEEEEEEEEEEEE

NO SON PER NIENTE ESPERTA DE STE ROBE TECNICHE... ANZI DISEME CHE PER MI XE ABASTANZA "TURCO"....per le prosime foto zercherò un "consulente" che me iuti...

Mi no me sento un 'consulente', posso solo dir come che fazo mi.
Prima ridimensiono le foto (logicamente senza tocar i originai, ma copiandoli in una cartela separata) a 750x550 pixel (le orizontali, invertidi i dati per le verticali) e con una compression del 85% con ACDsee. Fato questo verzo una nova scheda con ImageShack, tiro su la foto (upload) la sceglio e clico apri e la carigo (hosting) clicco sula riga dirct link e fazo copia, torno al testo sul forum, clico Img [img] e po fazo

A sto punto credo che sum culex voleva scriver incolla e clico de novo Img........

[emigrata]

Prima ridimensiono le foto (logicamente senza tocar i originai, ma copiandoli in una cartela separata) a 750x550 pixel (le orizontali, invertidi i dati per le verticali)

scuseme ma mi penso de gaver scanerizà le foto ridimensionandole a 300 pixel...no le dovessi esser più legere de quele a 750????
.... za gavevo casin in testa prima...adesso po'...
xe mejo che fazo l'agiografa e che ghe lasso far el tecnico a altri

scuseme ancora per sto casin... zercherò de farme perdonar....

[Nona Picia]

Mi ghe go messo un anno per capir come far senza romperghe le scatole a mio marì e mio fio..... ti almeno te xe riuscì de meterle in qualche modo!

[babatriestina]

tornando ai santi, mi su san Sergio go dito za la mia, cossa te ne zonti ancora? te ga qualcossa sule analisi e la provenienza dela cosidetta alabarda? e come e quando che i ga cominciado a atribuirla a san Sergio, visto che l'ipotesi che la sia cascada del ciel al momento dela morte no la xe certo più sostegnibile.

[emigrata]

scuseme se no go risposto subito ma son 'ssai incasinada...ve auguro a tutti bone feste e se sentimo per l'ano novo.
...'desso vado a preparar le valige.... finalmente torno a Trieste per qualche giorno!!!

a presto
S.

[babatriestina]

a san Giusto go fotografado el cosiddetto sarcofago de s Apollinare che emigrata ne ga messo una foto, cussì gavemo la nostra che xe sicuro libera de copyright, visto che la go fatta mi!

[ffdt]

[...] xe sicuro libera de copyrigt, visto che la go fatta mi[...]

falso! no la xe libera de copyright! piutosto xe vero che i diriti te li ga ti ... la diventa libera de diriti solo se ti te decidi de rinunciar a i tui
faux! elle n'est pas libre de droits! plutôt il est vrai que tu est celle qui est propriétaire de ces droits ... elle devient libre de droits seulement si tu décides de renoncer aux tiens
false! it is not copyright-free! rather, it is true that you are the one who owns those rights ... it becomes free only if you decide to give up your rights

[babatriestina]

in effetti, dovevo dir Libera de copyright altrui.
Per el material del forum, el regolamento disi:

El material de 'l forum (testi e foto) el xe publicado de i utenti e conceso in licenza Creative Commons co' i atributi de "Attribution", "Noncommercial" e "Share Alike". Vignera` acetade opere anche co'l limite de "No Derivative Works" che pero` gavera` de vignir specificado a cura de 'l utente per ogni publicazion (per info vedi http://creativecommons.org/ ).

che saria po:

Attribution=you must attribute the author and/or licensor in the manner they require.
NonCommercial=you may not use the work in a manner primarily directed toward commercial advantage or private monetary compensation.
NoDerivatives=you may only make verbatim copies of the work, you may not adapt or change it.
ShareAlike=you may only make derivative works if you license them under the same Creative Commons license terms.

[emigrata]

Bongiorno a tuti e bon ano.... me scuso subito per la mia latitanza... ma disemo che son giusto un pocheto incasinada....però me dispiasi 'sai de abandonarve... quindi zercherò de partecipar ancora el più posibile,...se no me legè per un poco no ste darme per dispersa....
a presto coi nostri santi!!!
S.