Cusina e utensili

[babatriestina]

restando in cusina e dintorni, chi se ricorda che el battipanni xe el batitàngolo ?

[sum culex]

Mai inteso!

[molighe el fil]

restando in cusina e dintorni, chi se ricorda che el battipanni xe el batitàngolo ?

Gnanche mi go mai sentido el batitangolo.
Inveze gavè sendido dir MELA, che no se magna e no xe ordegno de cusina.
Sta parola la doprava spesso Cecchelin.

[babatriestina]

el Doria Zeper per batitàngolo dà el significato de crazola, el strimento che un tempo assailontan se doprava in cesa nela settimana santa al posto dela campanela. Ma acasa mia ve assicuro che tute le done lo doprava per sbater i panni, presempio co se bateva i capoti de lana prima de meter in naftalina pe r l'estate

[Ciancele]

Molighe el fil ga scrito:
"... Inveze gavè sendido dir MELA, che no se magna e no xe ordegno de cusina.
Sta parola la doprava spesso Cecchelin."
No so se xe un ordegno, ma mio papà gaveva sempre mele (sigarette) in cusina. Rafaela, Rafaela, se fosi Adamo vorei chiederti una mela.

[Piereto]

Batitangolo mai inteso doperar a casa, ma la crazola me par che xe quel strumento fato tuto de legno co una parte fisa che se tien per man e una mobile indove che una lameta de legno la toca una roda dentada che gira. Ma no me par cha la sia stada bona per bater capoti. El batipani o frusta el iera fato de canne de bambu intreciade.

[babatriestina]

El batipani o frusta el iera fato de canne de bambu intreciade.

esatto, ve meterò un per de foto dei mii. E ve assicuro che a casa mi i li ciamava cussì.

[Nona Picia]

Mi ghe ne go ancora uno, che me servi per bater i tapedi....

[Ciancele]

Mi ghe ne go ancora uno, che me servi per bater i tapedi....

Mia moglie no lo ga più. Butà via. Adeso la me fa bater mi i tapedi.

[Nona Picia]

Anche mi ghe fazo bater i tapedi a mio marì... col batipani....ma per fortuna no go più tanti tapedi grandi solo un per de pici e basta. Epresto caverò anche quei, perchè caminando strasino i piedi e me inciampo nei tapedi.....

[Ciancele]

Nona Picia, xe par sfogarme, par via dele agresioni. Inveze del tapedo vedo qualche persona (no fazo nomi!) e daggghe col batipani.

[babatriestina]

dopo un poche de ricerche go trovado una citazion de una poesia , istriana, che parlando dei lavori in casa disi
Laorar de batitangolo con colpo drito e giusto
Link http://www.dlib.si/stream/URN:NBN:SI:DOC.../PDF‎
dovrebbe essere del capodistriano de Manzini La fabrica del pan senza farina. Dovrei avere questo testo a casa... ma quelli che lo usavano a casa mia non erano istriani...
la nota del mio testo dice Battola tavoletta sulla quale batte un martello di legno strumento che si usava nella Settimana Santa per far rimore in chiesa.
Immagino che lo usassero per traslato dallo strumento per battere.. quello di chiesa io l'ho s empre sentito chiamare cràzola, ne avevo uno anch'io