Toponomastica

[refolo]

Non me permetto de ciamarte ignorante? mi pensavo che forsi nel 1790-e dopo o prima el se ciamava diversamente.

Tutto xe cambia' anche ai tempi dei mii nonni! So' che come ditto nel lontan 1955, nessun ga' mai menziona' de sto ponte, anzi i me ga' dito el iera cussi' ruzine chei spettava chei lo ripituri!.....

Maria aka refolo

[AdlerTS]

Contrada del Teatro; Via del teatro, via D?Annunzio dal 1922 Via degli Squadristi ( 28.9.1940)- che no sarà su nissuna pianta..e torna via del Teatro nel 1946

Questa xe da parte dell'amico Mario

[refolo]

WELL!!!!!!
col tuo amico Mario non gavemo bisogno de nessun altro!
perche' domandar?

Maria aka Refolo

[AdlerTS]

via Amalia

La via prende il nome da Amalia Brucker, nata Ritter, suo marito Federico possedeva dei terreni più o meno dietro l'attuale sito dell'Ospedale Maggiore ed aveva ceduto al Comune parte di questi terreni, attraverso i quali nel 1855 venne aperta questa via.

siora Amalia la xe anche tra i benefattori nelle tabelle subito fora de la cesa de Montuzza.

[AdlerTS]

Xe quasi totalmente scancellado, ma se intravedi ancora l'originale Piazza San Giovanni

[AdlerTS]

Oggi el TG de Tele4 diseva che xe in arrivo una butada de intitolazioni nove per strade e piazze triestine.
Tra i nomi più probabili i meteva quei de Fausto Pecorari (dalla costituente), Marcello Mascherini (nato a Udine, ma da sempre ligado a Trieste), Vincenzo Muccioli (quel de S. Patrignano). El cronista se domandava se però non fussi mejo darghe la precedenza a nomi più conossudi dalla gente, tipi Cecchelin, Ave Ninchi, Jole Silvani o Tomizza.
Non saria bel che la gente vignissi coinvolta in queste scelte ? Non in modo vincolante, quanto meno a titolo indicativo

[ffdt]

[...]Non saria bel che la gente vignissi coinvolta in queste scelte ?[...]

no, no fusi bel ... inveze fusi bel che i lasasi in paxe ste povere strade che no le ghe ga fato gnente ... cosa che i fusi contenti lori se rivasi un cualuncue a cambiarghe 'l nome? ... "sior, lei de ogi no 'l se ciama piu` roberto ma gigeto" ... no credo che ghe piaxesi

e no credo gnanca che cambiarghe i nomi de le vie sia un mestier per cui li paghemo ... mi almeno no de sicuro ... i se meritasi de farse cualche setimana de miniera, cusi`, tanto per far una vacanza alternativa

cua tra pensar a cuala strada che xe meio de cambiarghe 'l nome e a cual nome meterghe i perdi talmente tanto tempo che sti nomi i ne costa orori, senza contar che se i fa cuel no i fa altro de piu` importante ... che i ne cali 'l ICI piutosto, e che a le strade i ghe stropi i buxi inveze che zogarse co' i nomi

[AdlerTS]

e no credo gnanca che cambiarghe i nomi de le vie sia un mestier per cui li paghemo ...

a proposito de pagar, pensè che el cambio delle tabelle e dei civici sia gratuito ?

[babatriestina]

ricordar la gente che ga fato del ben xe bel, darghe un nome ale vie nove xe giusto, cavar eventuali nomi de vie dadi solo per motivi politici superai va anca ben, ma mi diria che andassi assolutamente rispettado el vecio sistema che diseva mai intitolarghe una via a un prima che passi 10 anni dela morte, per evitar dediche su emozioni momentanee, e anca evitar de spezzettar le vie, dandoghe a un tochetin el nome de un , al toco successivo el nome de un altro... e po me par che el principio sia de darghe nomi alle vie, no de zercar fora vie per comemorar uno o l'altro.

[sum culex]

Ami me da un fastidio tremendo quando che i cava i toponimi per sostituirli con altri nomi, come esempio: Via Solitario, via Media e cussì tante altre.
ciao
sum culex

[Golfoblu]

ricordar la gente che ga fato del ben xe bel, darghe un nome ale vie nove xe giusto, cavar eventuali nomi de vie dadi solo per motivi politici superai va anca ben, ma mi diria che andassi assolutamente rispettado el vecio sistema che diseva mai intitolarghe una via a un prima che passi 10 anni dela morte, per evitar dediche su emozioni momentanee, e anca evitar de spezzettar le vie, dandoghe a un tochetin el nome de un , al toco successivo el nome de un altro... e po me par che el principio sia de darghe nomi alle vie, no de zercar fora vie per comemorar uno o l'altro.

Te ga riasunto tuto in ste quatro righe. Le vie servi per orientamento ai foresti, no solo per chi vivi nela cità, e che magari ghe tien al nome dela via dove l'abita. Dunque cambiar solo per bel veder o per farghe un favor a qualchedun xe ridicolo. In fondo, una cità come Trieste no ga tante vie de dover andar in zerca de nomi tuti i momenti.

De ste parti forsi xe più dificile, se pensemo che nel perimetro del municipio xe 91.000 ( novantun mila ) vie.

[Tirabaralla]

Ami me da un fastidio tremendo quando che i cava i toponimi per sostituirli con altri nomi
sum culex

Idem!
I toponimi fanno parte della storia di una città. Sono una memoria storica!

[ffdt]

concordo ... caxo mai i toponimi fusi de meterli de novo ... se i cambia 'l nome per meter el toponimo me va anca ben (evitando pero` toponimi tiopo "androna de la riza" che fazeva riferimento a una signora che lavorava de cuele parti e che no me par cusi` importante de doverghela ricordar a le generazioni future ;-D)

[AdlerTS]

Saria bel far un sondaggio per veder quanti sa cossa che xe successo el XX setembre

Mejo !!

[Golfoblu]

Saria bel far un sondaggio per veder quanti sa cossa che xe successo el XX setembre
Mejo Acquedotto !!

Acquedotto sona meio ! ! ! !

Inoltre la festività civil del XX Setembre iera stada abolida nel 1930 dal
Regime de quela volta ( sic ) !

[babatriestina]

Saria bel far un sondaggio per veder quanti sa cossa che xe successo el XX setembre
Mejo Acquedotto !!

Acquedotto sona meio ! ! ! !

Inoltre la festività civil del XX Setembre iera stada abolida nel 1930 dal
Regime de quela volta ( sic ) !

conseguenze del concordato del 29?

[dcobau]

domanda veloce:

el tratto fra pza Oberdan e pza Dalmazia xe parte de via Carducci o ga un nome diferente?

ciao

Dave

[AdlerTS]

rispondi Mario:

te alego la mapa dela zona: basta vardar i civici per capir che via Carducci parti a fil de piazza Dalmazia

[AdlerTS]

me zonta Mario

vardando adeso cosa che te go mandà me son acorto che manca un toco sui numeri de via Carducci

te mando sta nova che se vedi un poco meio i numeri de via Carducci che parti de piazza Dalmazia e i va avanti verso Barriera

domando de novo scusa, ma la premura ...

[Tirabaralla]

Riflessioni poliglotte sulla toponomastica triestina:

http://www.youtube.com/watch?v=PU4S2y45uaU