Ursus

[mandi]

Mi no la vedo così drastica, Baba. Tutto quel che appartiene alla storia passata xe per forza vecio, non per questo bisogna butar zo le robe. Mi nol vedo come un totem per pianzerse adosso Che bel che iera una volta, ma come un'icona della vecia tecnologia del mar.

[Giulia scorcolana]

Ma oltretuto Baba, recentemente, che i gaveva de tirar su qualcossa de pesante e no i saveva come far, me par che i xè ricorsi a Ursus, no so dove che gavevo leto sta notizia e no so se la xè vera, però go sto ricordo. Se cussì fussi, no 'l saria gnanche de butar via povero Ursus, el podessi aver 'ncora i sui momenti de gloria.

[Nona Picia]

Cara babaTS l'Ursus xe vecia le colonete e le varie robe che te trovi e fotografi in Carso xe vece, anche le navi de una volta le statue e i panduri che xe in giro xe veci....butemo tuto via per no pianzerse adosso? O tignimo come ricordo del nostro passato? Son d'acordo che l'Ursus cussì come che la xe no la xe bela de veder e la xe in rovina, ma xe una roba che, se rimessa in sesto se i gfavessi la volontà de far el lavor, forsi poderia esser ancora utile, forsi più de tante altre robe.

[babatriestina]

vecio e antico xe una roba, ruzine un altra. Una roba xe salvar una roba picia e decorativa per el valor artistico o come documento storico e una presentar un tananai dele dimensioni de Monte Grisa e altrettanto crollante come simbolo de una città. O meio, per mi , simbolo de un modo de veder la cità indubbiamente, ma che no condivido. O se te preferissi no credo che nei XXI secolo i porti funzioni coi strumenti del XIX.
E po ripeto, mi pur abitando a Trieste de una vita, fin a un per de anni fa sto Ursus no savevo gnanca che el esistessi.. sarò ignorante, indubbiamente, ma vol dir che no se ghe ne parlava in giro. Po tutintun tuti a parlarghene più che de Micheze e Jacheze.

[Nona Picia]

Xe una question de punti de vista......mi l'Ursus lo vedevo de picia anche dela finestra de casa....e no go mai pensà a un simbolo crolante , anzi a due, anche se Monte Grisa no me piasi tanto gnanche a mi,che rapresenta la cità. Go sempre visto cartoline con San Giusto, Miramar (crolante pure lui), el monumento ai caduti, el tram de Opcina che no xe più e tante altre imagini per rapresentar la cità, ma no l'Ursus.

[sum culex]

Per mi xè de salvarlo e restaurarlo; xè un importante reperto de archeologia industrial.
Co el iera 'giovine' no ghe iera nissuna altra grua al mondo che podessi tirar sù el peso che rivava a tirar sù lui.
ciao
sum culex

[Zuf]

Magari, ma no iera proprio cussì.

Nel 1931, quando che la ga incominciado a lavorar, la tirava su al massimo 150 tonelate. Tanto per far un confronto, in America, za del '22 i gaveva una grua montada sula ex corazata KEARSAGE che la gaveva una portata de 250 tonelate.

Zuf

[sono piccolo ma crescero]

E' stata sistemata sulla cime della gru una webcam

http://www.cisartrieste.it/meteo/ursus/cam1.jpg

Se volete godere di una vista mozzafiato sulla città, visitate questo sito (era guasto, ma lo hanno riparato).

Assieme alla webcam è stata sistemata anche una centralina meteo (che però è ancora guasta a causa del maltempo della metà di ottobre; gradiscono contributi per la sua riparazione)

http://www.cisartrieste.it/meteo/ursus/

[babatriestina]

Nei giorni scorsi i gaveva portado el Ursus in Arsenal per modifiche e po i lo ga riportadoa posto. Ieri sera son passada a vederlo, ben, mi me spetavo de vederlo ripiturado a novo.. se vedi che i gaveva poca pitura, qualche parte xe piturada e qualche altra no.. ecove qua

[babatriestina]

[babatriestina]

[Piereto]

Se vedi che i gaveva lamierini che ghe vanzava e difati adeso el tienel mar e se ghe pol caminar suso, ma i xe cisti de pitura per tuto el resto. (Forsi xe de spetar altre elezioni).

[sono piccolo ma crescero]

Vardando Ursus mia moglie me ga dito "Perché no i fa el "bungee jumping" dala zima?"

Mi meto qua la sua idea, cusì se qualchedun legi, ghe pensa sora...

I poderia far le corde un poco più longhe, cusì un se buta e in fondo fa anche el toc'.

[Nona Picia]

Cissà, forsi qualche dun fra qualche copierà l'idea de tua moglie e el dirà che la xe sua....

[sono piccolo ma crescero]

A dp ghè piasi tanto l' ocio de masimiliano, che saria una specie de carso miniatur , e co un fia de aqua, per i turisti che riva in cità col treno o col bus e che no conosi el carso, e cusi' i lo trova in cità. Sta roba tuto su la spianata ex Tripcovich. I xe contenti perché la regione ghè dà 2.700.000 euri per farlo. Ma a mi me par che xe meio meter l' ursus, cioè una gru con ascensor e piattaforma in giro che illustra sai meio quela che iera la cantieristica triestina e magari vizin anche un model de la elica de Ressel. Me par de ricordar che bastava un 3 milioni de euro per refar l' ursus. Ma stemo a veder se xe anche altri che storzi el naso.

L'idea de Piereto, visto che i lo tira in secca, me par che sia la meio, ... magari col bungee jumping per chi che vol e che ciameria, forsi, più gente che la possibilità de 'ndar in zima a vardar el panorama...

[Piereto]

l'ursus ga le ore contade. La chiatta in dove che el posa la sta per afondar, purtroppo no la xe più in porto vecio rente el molo IV, per cui smontada la gru da la chiatta i la imbullonerà in tera cioè in riva vizin el bacino de carenagio. Una ocasion persa da sta aministrazion comunale per vederla in largo santos. Saria stada sempre una piatforma turistica a 60 metri da tera, e sempre meio de una roda panoramica da circo. . Quindi un de profundis. Chi sa se Polidori ghe fa un pensierin.