Largo Barriera

[babatriestina]

mi la stazion la ricordo, e forsi anche un distributor de benzina. No me ricordo una vera e propria stazion, ma una tettoia.
Zona che iera assai poco bella, el solo motivo de andarghe iera che i negozi , soprattutto quei de scarpe, iera più bon prezzo che in centro.
I condomini xe tuti nel verde, perchè i ga salvado un poco de verde intorno. Bisogna dir che no scendi dolcemente, ma xe rive piutosto ripide, dove che passa solo che i gati "liberi". Che po, grazie alle sterilizzazioni, sta diminuindo, e xe un ben perchè anni fa vedevo gatazzi masci sanguinolenti de battaglie d'amor: povero Gandalf el Grigio..

[1382-1918]

Però deso che te me disi che jera solo una tettoia, me par come de ricordarla. Le coriere se fermava sotto, e forsi el capolinea jera quel dele coriere 40 e 41, prima che i le sposti in stazion centrale.

[sono piccolo ma crescero]

Me par de ricordarme due o tre campate de tettoia co le fermate dei autobus (in picio, ma asia più picio, quel che xe adeso a Cattinara) e, forsi, una biglieteria o un bareto. I autobus iera de una dita privata, forsi la Sergas, che dopo ga dovu molar tuto lasandoghe le linee ala ACEGAT. Me ricordo la scrita "Campanelle" su un autobus e, forsi "Gloria" (pol eser) su un altro.

Se podesi far un post, nei trasporti, sule vecie dite de autobus, che dopo xe stade serade tute quando l'ACEGAT ga ciolto tuto. Forsi sum culex se ricorda qualcosa.

[macondo]

Credo che ghe iera anca coriere che rivava de oltre confin. E a fianco de la tettoia ghe iera un cambiavalute.

[sono piccolo ma crescero]

Discutemo discutemo e nesun se xe acorto che nel post de apertura https://www.atrieste.eu/Forum3/viewtopic.php?f=10&t=654 che ga meso Adler se vedi la stazion dele coriere, el distributor e el famoso reclam del dentifricio Binaca che per anni iera piturà sul muro dela casa

[babatriestina]

e anche più sotto, un'altra immagine sempre del epoca..

[1382-1918]

Quindi me par de capir... la stazion prima jera chiusa e dopo la xe diventada solo tettoia?

[AdlerTS]

poderia esser, ma confermo che la foto in testa al topic xe sicuro dei primi anni 60.

[Golfoblu]

Donda.....le scarpe se comprava de Donda. I gaveva una trapola de ingegno che permeteva veder se el piede stava ben nela scarpa.

[VetRitter]

vé ricordé:
"Senza scarpe dove vai? Vai da Donda tu lo sai"

[Bilbo]

conoso i atuali paroni de Donda, xe due persone abbastanza sgradevoli e sai maleducate, sopratuto la vecia....

[macondo]

Una foto interesante de Bariera dell'inverno 1945. De notar: che sul muro xe ancora quela frase inegiante all'impero, un par de cerini con la prima uniforme scura col casco bianco, e sopratuto que due bunker, probabilmente nidi de mitraliatrici pesanti tedesche. Me ricordo che una utente parlava de contraerea...ma a mi me par che quel che se vedi sia parte de una postazion difensiva che coverzeva posibili forze ostili de superficie (anca se ghe xe dei ruderi che podessi esser i resti de una postazion antiaerea o 'flak').

[AdlerTS]

Mai visto questo dettaglio ... bravo Mac !

[Bilbo]

gotrovato in un local sta foto, e la go rifotografada...

devi eser ani 50, ma donda iera za....

[babatriestina]

per quei che domandava come che iera la tettoia delle corriere. e davanti de Donda, se vedi benissimo, e me li ricordo anche mi, i due accessi alle toilette pubbliche sotterranee.

[Nona Picia]

De la tettoia me ricordo ben, ma dei due accessi alle toilette pubbliche proprio no....no credo de averle mai viste o osservade...

[Bilbo]

I accessi ai cessi li ricordo anca mi, i iera uguali in piazza del a borsa a anca in marina...

[Bilbo]

In sto periodo barriara ga ritornado a viver, sai bel le mercatin che i ga meso per sti giorni


in careto de dolci ungheresi, se me ricrodo ben, go ciolto uno a nadal col sto steso careto iera in pontrerosso.

El dolce iera sai bon, ma i 5€ che i me gà domandà me par comunque tropi, per mi xe un roba da 2.50/3.00 € al max.-



No go mai visto prima le focacce genovesi qua , l'odor iera invitante....



Formaggi sardi e capra e pecora.... sai sai boni....



Mi però go ciolto un formagio camuno...la riobiola stagionada in grotta...ricorda la boscaiola cademartori....



lane formagio e spezie...

[Nona Picia]

Lo go visto ieri, iera sai gente e no go fato foto, no iera possibile! Go comprà mozarele pugliesi e taleggio, proprio nel banco del mulo con la traversa rossa...el taleggio, naturalmente. Però no me par una posizion tanto felice se vien bora, là la sufia forte!

[babatriestina]

a mi me par che i xe sempre quei... al Canal de solito.. e no i te tira drio gnente..