Vocabolarietto Triestin-Italian

[Ciancele]

Manca la parola SPIN, che ai mii tempi se usava per muli o mule suti (estremamente magri): Maria spin. Par distinguerla de qualche altra Maria meio mesa.
Spin (plurale spini) iera anca la spina, dele rose o dele more.

[Piereto]

Alora zuricpapir e pinzingruber li metemo?

[sono piccolo ma crescero]

Alora zuricpapir e pinzingruber li metemo?

Mi go meso soto zuric tute le l'espresioni che gavè scrito, doprando le parentesi quadre per dir che certi tochi pol eser o no. Se ve par che devi eser considerado come una parola sola, me lo disè.

Pinzingruber no lo trovo sui vocabolari, per cui voleria che me lo confermasi un altro perché mi, ma no fazo testo, no lo go mai sentido. Se me dè parole che no trovo sui vocabolari mi son particolarmente felice, ma voleria evitar de meter parole che xe ligade a una famiglia (go za citado casi che me riguarda).

[Ciancele]

Alora zuricpapir e pinzingruber li metemo?

Mi go meso soto zuric tute le l'espresioni che gavè scrito, doprando le parentesi quadre per dir che certi tochi pol eser o no. Se ve par che devi eser considerado come una parola sola, me lo disè.
Pinzingruber no lo trovo sui vocabolari, per cui voleria che me lo confermasi un altro perché mi, ma no fazo testo, no lo go mai sentido. Se me dè parole che no trovo sui vocabolari mi son particolarmente felice, ma voleria evitar de meter parole che xe ligade a una famiglia (go za citado casi che me riguarda).

L'espresion INDRIO CO'LE CARTE la gavemo za soto INDRIO. Zuric coi papiri metaria anca soto INDRIO o almeno faria un rimando. Giureria che NASAJ COI PAPIRI no se diseva solo de mi, ma anca de altra gente che capiva slavo (sloveno).
Par PINZINGRUBER te dago ragion. Anca mi no fazo testo. Gruber xe un cognome e forsi più in Austria che in Germania. Par questo conosudo forsi solo de gente de qua.

[sono piccolo ma crescero]

Sampagnin, sampagnini.

Sul fato che esisti la parola no go dubi, ma cosa xe? Me ricordo ben che corispondi ai biscoti savoiardi? Per el momento go meso cusì, ma coregeme se me ricordo mal.

Per Ciancele: no go capido se la parola Pinzgruber te la conosi o meno: Se xe Sì, la zonto (naturalmente el sì val per chiunque altro, no solo per Ciancele). Opur Piereto ne garantisi che xe una parola difusa nel rion dove che vivi lù e no solo de casa sua.

[Nona Picia]

Sampanini xe i savoiardi

[babatriestina]

Sampanini xe i savoiardi

ovviamente xe una corruzion de champagnini

[Ciancele]

..... Per Ciancele: no go capido se la parola Pinzgruber te la conosi o meno: Se xe Sì, la zonto (naturalmente el sì val per chiunque altro, no solo per Ciancele). Opur Piereto ne garantisi che xe una parola difusa nel rion dove che vivi lù e no solo de casa sua.

Scusa se go scrito in modo oscuro. No conoso la parola e no la go mai sentida.

[Ciancele]

Sampanini xe i savoiardi

No, xe i savoiardi che xe sampagnini.

[Nona Picia]

Caro Ciancele, te son proprio pistino....

[Ciancele]

Caro Ciancele, te son proprio pistino....

Gavevo dito par scherzo. Scusa.

[Nona Picia]

No iero miga rabiada Ciancele...

[Ciancele]

No iero miga rabiada Ciancele...

Grassie.

[sum culex]

Me xè vignù i mente una parola: Erbeta rossa = Rapa rossa (poderia esser anche bietola rossa)
Sul Doria-Zeper xè scrito 'Arbeta' = Bietola; (per Erbeta xè scrito vedi Arbeta). Per mi no xè arbeta ma erbeta, almeno cussì gavemo sempre dito. In mercato coverto el cartelin scriveva: rapa rossa.
Le xè bone lesse taiade e messe in insalata (sal, oio e asedo).
Sul nostro vocabolarieto xè messa solo la parola 'erbeta' = 'bietola'
Xè forsi el caso de completar la didascalia? Che decidi l'aministrazion!
ciao
sum culex

[Ciancele]

Me xè vignù i mente una parola: Erbeta rossa = Rapa rossa (poderia esser anche bietola rossa)
Sul Doria-Zeper xè scrito 'Arbeta' = Bietola; (per Erbeta xè scrito vedi Arbeta). Per mi no xè arbeta ma erbeta, almeno cussì gavemo sempre dito. In mercato coverto el cartelin scriveva: rapa rossa.
Le xè bone lesse taiade e messe in insalata (sal, oio e asedo). Nota: So che no le ga spini, ma a mi no le me piasi lo steso.
Sul nostro vocabolarieto xè messa solo la parola 'erbeta' = 'bietola'
Xè forsi el caso de completar la didascalia? Che decidi l'aministrazion!
ciao
sum culex

Sum Culex, te sa che mi son quel de la A: arbete rose. Ma anche erbete rose. Par gnoco xe Rote Beete = beta vulgaris.
Par talian: barbabietola rossa, bietola da orto, beta vulgaris L. Var.

[babatriestina]

Vero le erbete rosse e tuto meno che erbe o erbette. Mi no le me piasi e per quel a casa mia no se le vedi più..

[Ciancele]

..... Go contà le parole del vocabolario: ancora 36 parole diverse e semo a 3.000. Gavemo za 3.800 significati diversi e 164 frasi idiomatiche.

Darommi da fare.

Me go roto la testa, ma no me xe vignù gnente inamente. Go deciso de inventar una parola:tepa. Inventeve voi cosa che podaria voler dir.

[Piereto]

Tepa saria una trasposizion triestina de teppaglia e alora spmc no te la meti nel vocabolario. Mi per un termine marinaro gavesi meso caretta cioè vecia nave, ma anche questa xe italian.

[sono piccolo ma crescero]

Ciancele, te se ga dà poco de far: mi go trovà che mancava fogo, sbutro e s'cetina.

Vardè che se volè che metemo anche le parole che xe compagne in italian, basta che se metemo d'acordo. Mi me pareva inutile, ma xe un'opinion. Mi me son dà sta regole, che qualche volta go trasgredì se la parole me pareva importante:
a) se co l'italian cambia solo per le dopie (tepa->teppa) no la meteria.
b) Se la diferenza comincia dopo 5 letere (Frantumar -> Frantumare) penso che la parola se la capisi comunque e no la meteria. Sta regola dele 5 letere no la go sempre rispetada, la go doprada più come un sugerimento.

[Ciancele]

Se zogasimo a indovinar, diria aqua. Ma tanta aqua. Tepa xe una parola tra noi muli che vol dir: a metà. Fazemo tepa. Ci dividiamo a metà. I muli grandi ne rambava pupoli e s'cinche. I diseva tepa e i ne portava via la metà. Come rambagio ala guardia. No xe escluso che in circoli meno negroni l'espresion no sia stada conosuda. Comunque esisteva.