La ferovia Trieste - Erpelle /Pista ciclopedonale

[AdlerTS]

Qua se intravedi Ricmanje

[AdlerTS]

Questa doveva essere anche una stazioncina a servizio della ferrovia ... adesso diria de no

[AdlerTS]

... come disevo, in certi punti la vista xe spettacolare !

[AdlerTS]

L'unica galleria che se incontra in sto tratto Campanelle-Ricmanje xe illuminada con sensori de movimento che impiza le luci al passaggio de pedoni e ciclisti. Andando in su, pian, xe za cocolo: vignindo in zo sparadi come treni l'effetto pista de atterraggio val la pena de esser visto

[AdlerTS]

Quanto verde , ah ! Tacado de la città, po

[AdlerTS]

e mi spero che piutosto che meter pegola fin a draga i fazi avanti el toco de campanele fin a ponziana

Purtroppo el ga ragion: tutto sto ben di Dio ad un certo punto a Campanelle finissi cussì

[sono piccolo ma crescero]

Son andà anche mi a far una passeggiata sulla pista ciclabile dell'ex ferrovia. Non gavevo tanto tempo e, vegnindo de Draga, me son fermà tra le due gallerie. El panorama iera bellissimo, la val Rosandra tutta una primavera.



Se vedeva ben i sentieri refai da poco sul versante sud della valle



e anche el pronao novo dela ceseta (speremo che el duri e no i lo buti zo de novo)



Son andà là perché xe un bel posto, ma anche perché gavevo letto un articolo sul Piccolo dove che i parlava del falco pellegrino che gaveva fato el nido de quele parti



e infati, tacada sula ringhiera, ghe iera l'ordinanza del sindaco che diseva "Guai se ve rampighè su per ste piere!"



Alora me son messo a vardar in alto per veder se vedevo qualcosa che svolava, Tutt'in t'un un'ombra nera xe vegnuda fora de drio dela parete. Clic, clic clic ga fato la machina fotografica



Po' go vardà ben e... no, no iera un falco, questo forsi poderia eser un corvo imperiale, per la forma dele ali e dela coda. El falco, el mas'cio, perché se go capì ben la femina sta ancora covando, podeva eser questo qua che svolava lontan e alto e che go fotografà subito dopo



Naturalmente ghe laso a Zigolo de confermar o coreger le classificazioni. A tuti un consiglio "No stemoghe romper i bisi; lasemoli in pase"

[babatriestina]

In Val rosandra xe de anni un accordo de no rampigar in primavera in zone de nidificazion, me par che iera anni fa per un gufo ( gufo real? no me ricordo bene..). Xe tante vie, ..
El falco pellegrin mi lo gavevo visto in basso dele falesie del Rilke una ventina de anni fa.

[Zigolo]

Naturalmente ghe laso a Zigolo de confermar o coreger le classificazioni. A tuti un consiglio "No stemoghe romper i bisi; lasemoli in pase"

Tropo onor, ma, se confermo senz'altro che la prima xe un corvo imperiale, la seconda no me la sento de azardar. Digo solo che no ga assolutamente de falco.

E de lassarli in pase... pienamente d'acordo!

[sono piccolo ma crescero]

Ogi, pasando per via de l'Istria co la machina go visto un ponte novo proprio taca de l'ospedal dei fioi. Sicome go trovà, caso strano, un postegio, go fato qualche foto.

Questo xe el ponte; i ga serà la strada sta note e i lo ga posà su.



Se ve ricordè ghe ne iera un altro anni fa, ma una quarantina de anni fa i lo ga tirà via. E adeso i lo rimeti su (far e disfar...)

Per el momento el xe posà là e el dà sul gnente







però xe pronti i pai per una rampeta, che a farla in bici no sarà gnente mal se se ga fià

[AdlerTS]

Cui prodest?

[rofizal]

Una roba bela saria dei pasagi per pedoni sule rive e là dela stazion (o migliorar el sotopasagio che nisun usa). Farli acetabili esteticamente sembra quasi imposibile, ma pasar a pie quele corenti de trafico xe un'impresa (e là dela stazion xe tanti che se buta in mezo col riscio speso de finir soto l'auto).

[sono piccolo ma crescero]

Cui prodest?

Sarà el completamento della pista ciclabile che da san Giacomo 'ndarà a Draga lungo la vecia ferovia. Me par che manchi l'ultimo toco, che da via Doda va a Campanelle.

In definitiva la dà la posibilità da andar dal centro cità fin sul Carso in bicicleta o a pie lungo un percorso proteto. Quando stavo di fronte al Burlo la go sognada per 15 anni (e go imparà a 'ndar in bicicleta sperando che i là fazesi ). Purtropo go traslocà prima.

Quando i la verzerà, se Dio me dà vita e salute, te assicuro che proverò a farla tuta (pian pianin a l'andata perché la xe in salita e alegro al ritorno, perché in zo tuti i santi iuta). In definitiva xe l'unica pista ciclabile che gavemo in cità. Certo saria meio che ghe fusi un sistema completo de piste, magari anche in centro, ma piste vere no come quela che i ga fato da viale Miramar al castel de Miramar, che la xe per finta.

[sbriso]

http://www.ferrovie.it/forum/viewtopic. ... &start=135

te pol scuminziar a farte masagi de ojo canforà ...

[AdlerTS]

http://www.ferrovie.it/forum/viewtopic. ... &start=135

te pol scuminziar a farte masagi de ojo canforà ...

Grazie per la foto del ponte "de prima"

[AdlerTS]

Se semo dimenticadi del 50 anniversario dell'ultima corsa sulla Trieste-Erpelle:



ghe xe stado anche un annullo speciale:

[AdlerTS]

Me par che manchi l'ultimo toco, che da via Doda va a Campanelle.

Purtroppo sì. L'anno scorso finiva qua



ma adesso non xe che sia andado sai oltre

Gavemo guadagnado un viadotto !

[AdlerTS]

Finido questo però te se trovi in strada

Me son fermado a vardar un ponte, però, che al momento insisti su un tratto non transitabile.

[AdlerTS]

Chissà che significato ga queste sigle ?

[AdlerTS]

Son andado a veder la parte bassa del presunto percorso, quel tra el Burlo e San Giacomo, per veder se el ponte de SPMC xe za praticabile: no !
Xe 50-100 metri de percorso, dopo di che una rede blocca el passaggio
"Assorbido" all'interno del muro de cinta una casa go trovado un cippo



con la sigla St.B, che stava per "Staatsbahnen".